Imanda eng' Koonnyu
Tyeniitap Daudi.
Atuutigap muguleldo ne po laitoryat. Kergei ma koinde kiy ne ma nyolu eng' taitap koonyek, kosilemde chiito ne baoryanji kokwennyi eng' ung'oot, ak piik che po iman kityo ko koboisyee kobooto ineendet, ago ma komeny chiito ne po lembenik eng' koonnyi — ak eng' mornet age tugul koiste kiptengeginik eng' nganaseet.
101 1Atyenji agobo rireenet ak kirwoogutik; atyenjini kalasunet inyee, Kwandanyu. 2Ariipkei asup ooreet ne ititaat. Inyoonjo sait nee? Awendotee eng' imandap muguleldanyu eng' koonnyu. 3Ma ainde kiy age tugul ne ma nyolu eng' taitap konyekyuk. Aweche poisyetap icheek che nginach; ma konamegei ane. 4Petei muguleldo ne imaasat ole ami; mangen kiy age tugul ne ya. 5Chiito age tugul ne baoryanji chiitap kokwennyi eng' ung'oot, ineendet ko asilemde; ineendet ne tinyei koonyek che mendos ak muguleldo ne meenei, ma amuitoi. 6Mi konyekyuk eng' icheek che po iman che mi emet, si komeny kobooto anee; ineendet ne pendote eng' ooreet ne ititaat ko koboisyeiwo. 7Ma meny chiito age tugul ne yaei ng'aalseet eng' koonnyu; ma tonon chiito age tugul ne mwaei lembechek eng' taitap konyekyuk. 8Eng' mornet age tugul asilemde kiptengeginik tugul che mi emet, aiste yaigap yaityet tugul eng' nganaseetap Kwandanyo.