Owaach eng' Poiboiyet, Ng'wony Komugul
Tyeni ne po kongoi.
Kaneetiisyet ne ming'in ne po chuteet eng' kurgotik: ochut eng' kagaseet, oboisyechi eng' poiboiyet, onai ile Kwandanyo ne ki yaech. Yon kagaseet ko mi mwaetap kamanet ak omnateet — aech lagokyik ak keechiirek che po ole kiyagennyi — ne bendi eng' ibinwek tugul.
100 1Owaach eng' poiboiyet Kwandanyo, ng'wony komugul! 2Oboisyechi Kwandanyo eng' kagasetapkei; obwa eng' tainnyi eng' tyeni ne po poiboiyet. 3Onai ile Kwandanyo, ineendet ko Kwandanyo. Ineendet ne ki yaech, ak kaech chenyi; kaech lagokyik, keechiirek che po ole kiyagennyi. 4Ochut kurgotikyik eng' kongoi, ak komostaikyik eng' kalasunet; ogoochi ineendet kongoi, olasu kainennyi. 5Amu myee Kwandanyo; tebyei rireenennyi koigeny, ak imandanyi eng' ibinwek tugul.