Kasemi Muna Nzu Yama
Mukunga wa Tavidi.
Mitsiku mya nyadi veka mu kukala. Wisi kana kubika bima byakonda mupfunu ku mesu mandi, kukasa munwa wa wuna wisi huna mukwandi mu kitsweki, kusanda basadi ba kwikama kaka amana kuyambulaku ni mutu wa luvunu kazinga mu nzu yandi — amana kosu suka kukatula batu ba mbi mu mbanza.
101 1Yiyímbila khenda yi masonga; kwena ngeyi, A Tata wama, yiyímbila mikunga. 2Yidikénga mu kulanda nzila yakonda kifu. Tangwa khi wakwísa kwena meni? Yikángala yi kasemi kya mbundu muna nzu yama. 3Yitulaku kima kyakonda mupfunu ku mesu mama. Yisi menga muhangu wa bana bayekukini; wukhundakanaku yi meni. 4Mbundu yavwalangana yakátuka kwena meni; yízayaku keti kima kya mbi. 5Wuna mu kitsweki wisi huna musamu wa mukwandi, yandi yikása munwa wandi; wuna wenina yi mesu ma lulendu yi mbundu ya lulendu, yimutambwasaku. 6Mesu mama menina ha batu ba kwikama ba tsi, hanga bazingila yi meni; wuna wisi kangala mu nzila yakonda kifu, yandi kasadila meni. 7Ka mutu wisi hanga bukamvi ku kazingila muna nzu yama; ka mutu wisi zonza luvunu ku kazyáma ku mesu mama. 8Kosu suka, yikátula batu ba mbi boosu ba tsi, mu kulosa kosu mutu wa mbi mu mbanza ya Tata wetu.
