詩篇 101

101 ¹論到慈愛同公義, 我要歌唱;我嘅父啊,我要向你奏樂。 ²我要謹慎遵行完全嘅 道。你幾時至嚟 到我呢度呢?我要存正直嘅心喺我家中行事。 ³我唔會將卑劣嘅嘢 擺喺我眼前。 我恨惡背道之人嘅作為; 佢唔會黐住我。 ⁴乖僻嘅心必離開 我;我唔會認識任何惡事。 ⁵邊個暗中 毀謗佢鄰舍,我就要使佢收聲; 眼目高傲、心裡驕傲嘅人, 我唔會容忍。 ⁶我嘅眼目睇顧地上忠信嘅人, 好等佢哋可以 同我一齊住;行完全道路嘅人先至可以服侍我。 ⁷行詭詐嘅人, 一個都唔可以住喺我家中; 講大話嘅人, 一個都唔可以喺我眼前企得穩。 ⁸每朝早我都要使地上所有惡人收聲, 將所有作惡嘅人從我哋父嘅城裡剪除。