Hiak swak thang rwe
Chongdip

Takhu krwang danga sung raangnu

Ngam khatle sen inkuga. Taram khatna parei towe dabe, maan ga raza kasem amme, sa maknu razapuba ga sian thangnu maaknu nun chung bi charutnu khwa danga gaye, khatle sa maknu nun paannu kaan bi mi nunna inkam onglune. Baom noh inkam satnu ga karowe laye, atiyeda haga lou satluga pamnu maanna phaangkriang zanuwe, khatle lungsanu to lang railiannu ga mi ding to braannu danga leng leng pi namei thang nge.

Bung 28.

Tudannuna bani ding rwan mak baleina, sa maknu mi nunna pak tamme, atiyeda ririak senu nun ga takhu krwang danga sung raang ongnuwe. Taram khatna parei towe dabe, maan ga raza kasem amme, atiyeda ningtingnu khatle theinu amnu manpa khatna, haga tipka saga amme. Sian thangnu maaknu nun ding riangre thangnu lungsianu manpa ga, sanu nai maknu khwa lian danne. Zathang thangsia damnu nunna sa maknu mi nun ding swankaye, atiyeda zathang kaannu nunna bani maitwang bi karamme. Sa maknu mi nunna justas ding thei make, atiyeda ani Pa ding zongnu nunna haga brumza theiye. Balampui bi kadipnu lungsanu manpa ma, imphom tanaat makka senu lungsianu manpa ga inkuga suiye. Tudannuna zathang kannu, maan ga ningtingnu amnu sa kapaisa gaye; atiyeda takwam sanu nun le kot thounu maan gana bapa ding kazak thang nge. Tudannu sianthoi khatle ririak se maknu om sian bina baom pot inkuga tonu maan gana, lungsianu nun ding kriangga pinu lang haga katup thang nge. Tudannu pakhatna zathang ngai lang takaate dabe, baom kalum le batannuwe. Tudannu bazenu nun ding sa maknu lampui la lampui semaannu maan ga baom raan khun bi ta thanglune, atiyeda koi maaknu nunna kasanu thinu khut lune. Lungsanu manpa ga baom mik bi ningtingnu towe, atiyeda ningtingnu amnu lungsianu manpa gana bating aangga muwe. Ririak senu nun ngamnu kaan bi, kalian lwat liannu amme, atiyeda sa maknu nun kating thou hungnu kaan bi, mi nunna inkamga damme. Tudannu baom noh ding inkam thangnu maan ga lian thou laye, atiyeda haga za swakluga ha bina pi han hungnu maan gana phaangkriang lousu lune. Balang bingza kachiga ongnu maan ga khopsanuwe, atiyeda basung pi natnu maan gana riangre bi ta thanglune. Sian thangnu maaknu mi nun lu chung bi raza tonu sa maknu razapuba ga, baraam ongnu takhu krwang mak tabe charut tonu sa kanatnu danne. Ningtingnu maaknu razapuba ga kanatnu riangre thangnu gaye, atiyeda ririak se maknu om sian ding batannu maan gana baom sangwan sei lung lune. Misa that om koi na bazek pinu manpa ga thinu tang lang pak koiga onglune; tudannu pakhatna bating badam lou mako. Tudannu imphom tanaat makka senu maan ga saga amlune, atiyeda balampui bi kadipnu maan gana achak bi ta thanglune. Tudannu baom taram chwannu maan ga lo taswang khak amlune, atiyeda pang thinu raamnu maan gana lungsianu taswang khak amlune. Balumsa phunnu manpa ga rithoi taswang khak lousu lune, atiyeda lungsanu to lang rwan ongnu maan gana riangrenu bina pak tamlaye. Mi thot mi mai phaangnu ga kasanu make, atiyeda lo tangang khatcha lang manpa khatna ririak se maknu chwan to lune. Ra-aamnu manpa ga lungsanu to lang rwanne, atiyeda lungsianu na bating lem thang lune dinu thei make. Balei na minam chong kabia pinu ma, mi ding hwei pinu maan gana kraabe bi inkuga lang thangnu lousu lune. Tudannu bapa mak tabe banu om pot baru thangluga, “Noh make,” diga rinnu maan ga, to tanaat thangnu mi le kot thounu gaye. Ra-aamnu manpa ga kabit kamainu kabao thang nge, atiyeda ani Pa ding balumsanu maan gana pi lungsa thang lune. Tudannu baraan sung ding balumsanu maan ga kapangnu gaye, atiyeda ningtingnu bi senu maan gana saga amlune. Tudannu paangsun lang pinu maan ga khatchale bathaang amlaye, atiyeda tudannu bani ding bamik khamnu maan ga rin basiatnu kraa kraa lousulune. Ririak se maknu nun thounu kaan bi, mi nunna raan inkam thang nge, atiyeda bani braan damnu kaan bi, ririak senu nun lian thoulune.