Esther na bami nun lang hweininuwe
In kani bachanu kaan bi, Esther na baom ring khatle bami nun om ring ding ngailuga, bani ding zwannu manpa om meng kou lat rwe: Haman gaye. Krwang na balung pwan takka krwang in om anqwat bi se rwe; Haman na ramanu om kum bi badan taluga aring ngaake, atiyeda haga maan ding rai lang tonu danga lou thang rwe. Maan bahak lang bachanu khai thing bi khai thang rwe.
7 1Atiga krwang khatle Haman ga ramanu Esther le diga in lang hung rwe. 2Baatka ni bi drakha tui in kaan bi, krwang na bahak ngai latka rinne, “Ramanu Esther, na om hweininu pa-aambo? Haga za thang dingnuwe. Na om ninu pa-aambo? Krwang talei baang khat tangga za thang dingnuwe.”
3Ramanu Esther na katake, “Krwang, eina na mik pi phaangkriang lousu rwe dabe, khatle krwang khou pem taknuwe dabe, aom hweininu bina ei khou aring pi thang ngo, khatle aom ninu bina ami nun ding le pi thang ngo. 4Ei khatle ami nun ga, to braan sat lang, athat lang, khatle tumut sat lang zwan sat ong rwe. Ani ding kapaisa swak le kamaisa swak danga zwan sat za damnuwe dabe, eina thiap thiap ong zanuwe; heiba danga to katop ga krwang ding taswang khak to lang bazega make.”
5Haba nung bi krwang Xerxes na ramanu Esther khou rinne, “Hadanga to lang karangnu maan ga tubo, khatle habei ga ongbo?”
6Esther na rinne, “Munanu khatle ani ding rainu, heiba sa maknu Haman gaye!” Haba nung bi Haman ga krwang le ramanu meithaan bi kachi tak ngaake.
7Krwang na balung pwan takka drakha tui bina thouga krwang in om anqwat bi se rwe; atiyeda krwang na bating ding braannu to dingro dinu Haman na theiluga, bain ring lang ramanu Esther khou kalum lang ongsia rwe. 8Krwang na krwang in om anqwat bina balou riak bi han hung lat rwe. Esther ong ongnu kaong pi Haman ga kunta damme. Krwang na rinne, “Ei abeiya ongnu kaan bi maanna ramanu ding le to riangre dingbo?” Heiba chong ga krwang bao bina swak khap tinu le, baswak rwan na Haman om mai ding kaphi sat rwe. a a v8 Kalang sat tamnu mi khat om mai ding kaphi satnu heiya, maan om bakaan ga daan thang damme dinu, bati ram kaan la om aandim gaye — maan thi damnu danga ye.
9Krwang om basa semnu swak nun lak pi pakhat, Harbona na rinne, “Krwang lang chong kabia damnu Mordecai lang Haman na daannu, foot somsiari bangabali basaangnu ring khaaknu thing ga Haman kim bi han ongme.” Krwang na rinne, “Haba pi bating bakhai thang ngo.”
10Atiga banina Haman ding maanna Mordecai lang daan ongnu ring khaaknu thing pi bakhai thang rwe, khatle krwang om balung pwannu ga sa dam rwe.