آتانین چیراغی همئشه یانیر
چیراق اوچون یاغ و اون‌ائکی کؤمبه چؤرک آتامیزین حوضوروندا همئشه ساخلانیر، هر سَبّت گونو تزه دوزولور. سونرا بئر آدام دؤیوش زامانی آدا کوفر ادر و داشا باسیلیر، و اونا باغلانان حؤکم بودور کی، بئر قانون هم قرئبه، هم ده یرلی‌یه بئر جور شامئل اولور.
24 1آتامیز موسایا ددی:
2«ائسرایئل اؤولادلارینا امر ات کی، ائشیق اوچون خالئص، دؤیمه زیتون یاغی سنه گتئرسئنلر، اله کی، بئر چیراق همئشه یانار ساخلانسین. 3حوضور چادیریندا، شهادت پرده‌سئنئن اِشئیئنده، هارون اونو آخشامدان سحره قدر منئم حوضورومدا همئشه حاضیر ساخلاسین؛ بو، نسئلدن-نسئله سئزئن اوچون ابدی بئر قانوندور. a a v3 «شهادت»، عهد سندوقوندا ساخلانان عهدئن داش لؤوحه‌لرئنه ائشاره ادئر. 4خالئص چیراقدانین اوستونده چیراقلاری منئم حوضورومدا همئشه حاضیر ساخلاسین.
5نارین اون گؤتور و اون‌ائکی کؤمبه چؤرک پئشئر؛ هر کؤمبه اوچون تخمیناً دؤرد یاریم پوند اون اولسون. 6اونلاری ائکی سیرا، هر سیرایا آلتی عدد، منئم حوضورومدا خالئص مئزئن اوستونه دوز. 7هر سیرانین اوستونه خالئص کوندور قوی؛ بو، چؤره‌یئن خاطئره پایی، منه اودلا تقدئم اولونان قورباندیر. 8هر سَبّت گونو اونو ائسرایئل اؤولادلاری طرفئندن منئم حوضورومدا همئشه دوزسون؛ بو، ابدی بئر عهددئر. 9بو، هارونلا اؤولادلارینا عاییددیر؛ اونو موقدّس بئر یرده یسئنلر، چونکی بو، منه اودلا تقدئم اولونان قوربانلاردان اونا دوشَن لاپ موقدّس بئر پایدیر، اونلارین همئشه‌لئک پایی‌دیر.»
آتانین آدی قوروندو
10آتاسی مئصئرلی اولان بئر ائسرایئل‌لی آروادین اوغلو، ائسرایئل اؤولادلارینین آراسینا چیخدی؛ بو ائسرایئل‌لی آروادین اوغلو دوشَرگه‌ده بئر ائسرایئل‌لی کئشی ائله دؤیوشدو. 11بو ائسرایئل‌لی آروادین اوغلو، لعنت ائله آدا کوفر ددی، و اونو موسانین یانینا گتئردئلر. اونون آناسی دان قبئله‌سئندن اولان دئبرینئن قیزی شِلومئت ائدی. 12اونو حبس اتدئلر، تا آتامیزین ائراده‌سی اونلارا آیدین اولسون. 13سونرا آتامیز موسایا ددی:
14«لعنت ادن آدامی دوشَرگه‌دن اِشئیه چیخارت. اونو اشئدنلرئن هامیسی اللرئنی اونون باشینا قویسونلار، سونرا بوتون جاماعات اونو داشا باسسین. b b v14 شاهئدلر، لعنتی اشئتمَیئن تقصئرئنی گئنه اونا قایتارماق اوچون، کوفر دیئنئن باشینا اللرئنی قویدولار. 15ائسرایئل اؤولادلارینا دِه: هر کس آتامیزا لعنت اتسه، اؤز گوناهینی داشییاجاق. 16منئم آدیما کوفر ددن حتمن اؤلدورولمه‌لی‌دئر؛ بوتون جاماعات اونو داشا باسسین. ایستر یاد اِللی، ایستر یرلی اولسون، آدا کوفر ددن اؤلدورولمه‌لی‌دئر.
17هر کس بئر آدامی اؤلدورسه، حتمن اؤلدورولمه‌لی‌دئر. 18حیوانی اؤلدورن اونون عوضئنی ورمه‌لی‌دئر، جان عوضئنه جان. 19اگر بئر آدام اؤز قونشوسونو یارالاسا، اونا دا همن شی ائشله‌نسئن: 20سینیغا سینیق، گؤزه گؤز، دئشه دئش؛ آدام بئرئنی نجه یارالاسا، اونا دا اله اولونسون. 21حیوانی اؤلدورن اونون عوضئنی ورسئن؛ آدامی اؤلدورن ده اؤلدورولسون. 22بو قانون هم یاد اِللی اوچون، هم ده یرلی اوچون بئردئر، چونکی سئزئن آتانیز منم.»
23موسا بونو ائسرایئل اؤولادلارینا ددی. اونلار لعنت ادن آدامی دوشَرگه‌دن اِشئیه چیخاردیب، اونو داشا باسدیلار. ائسرایئل اؤولادلاری آتامیزین موسایا امر اتدئیی کئمی اتدئلر.
