د پلار څراغ تل بليدو ته دوام ورکوى
د څراغ تېل او دولس ډوډۍ تل زموږ د پلار په وړاندې ساتل کېږي، او هر سبت تازه اېښودل کېږي. بیا یو سړی د جګړې پر مهال پر «نوم» کنځل کوي او سنګسارېږي، او هغه حکم چې ورسره تړلی دی دا دی چې یو قانون پر پردي او اصلي اوسېدونکي دواړو یو شان پلی کېږي.
24 1زمونږ پلار موسىٰ ته وفرمائيل چې،
2”بنى اِسرائيلو ته حُکم ورکړه چې د رڼا دپاره صفا، کوټ شوے د زيتُون تيل درته راوړى، دې دپاره چې يو څراغ تل بليدو ته دوام ورکوى. 3د ملاقات په خېمه کښې د شاهدۍ د پردې نه بهر، هارون دې زما په وړاندې د ماښام نه تر سحره تل دا وساتى—دا ستاسو د نسلونو دپاره ابدى قانون دے. a a v3 ”شاهدى“ د هغه لوظ د ډبرينو تختو حواله ده چې د لوظ په صندوق کښې ساتلے شوى وو. 4په صفا ګلدان باندې دې هغه زما په وړاندې تل څراغونه وساتى.
5”ښۀ وريت اوړۀ واخله او دولس ټيکرى پخ کړه، هر يو دې د اوړو شاوخوا څلور نيم پاؤنډه وى. 6زما په وړاندې په صفا ميز باندې يې په دوو قطارونو کښې، په هره قطار کښې شپږ، داسې ترتيب کړه. 7په هره قطار باندې صفا لوبان کېږده چې د ډوډۍ د يادګار برخه وى، زما دپاره د خوراک قربانى. 8هغه دې هره سبت زما په وړاندې تل دا د بنى اِسرائيلو له ترتيب کړى، دا يو ابدى لوظ دے. 9دا د هارون او د هغۀ د زامنو ده، چې هغوئ دې يې په يو پاک ځائ کښې وخورى؛ دا زما د خوراک د قربانيو نه د هغۀ دپاره ډېره پاکه برخه ده، د هغوئ دائمى حِصه.“
د پلار د نوم دفاع
10د يوې اِسرائيلى ښځې زوئ، چې د هغۀ پلار مِصرى وو، د بنى اِسرائيلو په مينځ کښې راوتو؛ د هغې اِسرائيلى ښځې زوئ په لښکرګاه کښې د يوۀ اِسرائيلى سړى سره وجنګيدو. 11د هغې اِسرائيلى ښځې زوئ د کُفر وئيلو سره د هغه نوم بد ووئيلو، نو هغوئ هغه موسىٰ ته راووستو. د هغۀ مور سلومِت وه، چې د دِبرى لور وه او د دان د قبيلې نه وه. 12هغوئ هغه په قېد کښې واچولو ترڅو چې زمونږ پلار هغوئ ته خپله رضا ښکاره کړه. 13بيا زمونږ پلار موسىٰ ته وفرمائيل چې،
14”هغه څوک چې کُفر يې وئيلے دے، د لښکرګاه نه بهر راوله. هر هغه څوک چې اوريدلى يې وى، دې خپل لاسونه د هغۀ په سر باندې کېږدى، بيا دې ټوله جماعت هغۀ ته کاڼى وشيندى. b b v14 ګواهانو د کُفر وئيونکى په سر باندې لاسونه کېښودل چې د کُفر د اوريدلو ګناه بيرته ورته انتقال کړى. 15بنى اِسرائيلو ته ووايه چې، څوک چې زمونږ پلار ته کُفر وائى، هغه به د خپلې ګناه بار اوچتوى. 16څوک چې زما نوم بد وائى، هغه دې لازمًا مړ کړے شى—ټوله جماعت دې هغۀ ته کاڼى وشيندى. پردے او خپل اوسيدونکے، دواړه يو شان: څوک چې هغه نوم بد وائى، هغه دې لازمًا مړ کړے شى.
17”څوک چې هر انسان وژنى، هغه دې لازمًا مړ کړے شى. 18څوک چې يو حيوان وژنى، هغه دې د هغۀ بدله ورکوى، د ژوند بدله ژوند. 19کۀ څوک خپل ګاونډى ته زيان ورسوى، نو هم هغه شان دې ورسره وکړے شى: 20د ماتوالى بدله ماتوالے، د سترګې بدله سترګه، د غاښ بدله غاښ: لکه چې يو بل ته زيان رسوى، هغه شان دې ورته وکړے شى. 21څوک چې يو حيوان وژنى، هغه دې د هغۀ بدله ورکوى؛ خو څوک چې انسان وژنى، هغه دې مړ کړے شى. 22پردى او خپل اوسيدونکى ته، دواړو ته يو شان قانون لاګو کيږى، ځکه چې زۀ ستاسو پلار يم.“
23موسىٰ بنى اِسرائيلو ته ووئيل؛ هغوئ هغه څوک چې کُفر يې وئيلے وو د لښکرګاه نه بهر راوستو او په کاڼو يې وويشتو. بنى اِسرائيلو هغه شان وکړل لکه چې زمونږ پلار موسىٰ ته حُکم کړے وو.
