آتا اؤز عهدئنی تزه‌له‌یئر
تزه لؤوحه‌لر کسئلئر و صاندیغا قویولور، و لاوی آییریلیر، آتامیزین اؤزو اونون ائرثی اولور. سونرا سوآل: آتامیز سندن نه ائسته‌یئر؟ اوندان قورخماق، اونو سِومک و اونا قوللوق اتمک. او، یاداِللینی سِوئب اونا یمک ورئر، اونا گؤره سئز ده یاداِللیلری سِوئن.
10 1او واخت آتامیز منه ددی: «قاباقکی کئمی ائکی داش لؤوحه کس و داغا، منئم یانیما چیخ و اَقاقئیا آغاجیندان بئر صاندیق دوزَلت. 2سیندیردیغین قاباقکی لؤوحه‌لرئن اوستونده‌کی سؤزلری من بو لؤوحه‌لرئن اوستونه یازاجاغام و سن ده اونلاری صاندیغا قوی.»
3بله‌جه اَقاقئیا آغاجیندان بئر صاندیق دوزَلتدئم، قاباقکی کئمی ائکی داش لؤوحه کسدئم و ائکی لؤوحه الئمده داغا چیخدیم. 4آتامیز قاباق اولدوغو کئمی، ییغینجاق گونونده داغدا اودون ائچئندن سئزه ددئیی اون امری لؤوحه‌لرئن اوستونه یازدی و اونلاری منه وردی. 5من دؤنوب داغدان آشاغی اِندئم و لؤوحه‌لری دوزَلتدئیئم صاندیغا قویدوم؛ آتامیز منه امر اتدئیی کئمی اونلار اورادا قالدی.
6ائسرایئل اؤولادلاری بِعِروت بِنه‌یَعه‌قاندان موسِرایا کؤچدولر. هارون اورادا اؤلوب باسدیریلدی و اوغلو اِلعازار اونون یرئنه کاهئنلئک اتدی. 7اورادان گودگوداها، گودگودادان دا سو آرخلاری اولان بئر تورپاق، یوطباتایا کؤچدولر. 8او واخت آتامیز لاوی قبئله‌سئنی عهد صاندیغینی داشیماق، اونون قاباغیندا دورماق، اونا خئدمت اتمک و اونون آدیندا برکت ورمک اوچون آییردی؛ نجه کی، بو گونه قدر اِله ادئرلر. 9بونا گؤره لاوئنئن قارداشلاری ائله بئرلئکده پایی و ائرثی یوخدور؛ آتامیز اونا وعده وردئیی کئمی، آتامیز اؤزو اونون ائرثئدئر.
10من قاباقکی دفه کئمی قیرخ گون-قیرخ گجه داغدا قالدیم؛ آتامیز گئنه منی اشئتدی؛ آتامیز سئزی محو اتمک ائستمه‌دی.
11آتامیز منه ددی: «قالخ، خالقین قاباغیندا گت کی، اونلارا ورمک اوچون آتالارینا آند ائچدئیئم تورپاغا گئرئب مالئک اولسونلار.»
آتامیز سئزدن نه ائسته‌یئر
12ائندی، ای ائسرایئل، آتامیز سندن بوندان باشقا نه ائسته‌یئر کی، اوندان قورخاسان، اونون بوتون یوللاریندا یِرئیه‌سن، اونو سِوه‌سن و اونا بوتون قلبئنله، بوتون جانینلا خئدمت اده‌سن، 13و سنئن یاخشیلیغین اوچون بو گون سنه بویوردوغوم آتامیزین امرلرئنی و قانونلارینی ساخلایاسان؟ 14باخ، گؤیلر، گؤیلرئن گؤیو، یِر و اوراداکی هر شی آتامیزا عاییددیر. 15بونونلا بئرلئکده آتامیز آتالارینی سِودی و بو گون اولدوغو کئمی، اونلاردان سونراکی نسلی، یعنی سئزی، بوتون خالقلار آراسیندان سچدی. 16اونا گؤره اوره‌یئنئزئن ختنه اَتئنی کسئن و بئر داها دئکباش اولمایین. a a v16 «اوره‌یئنئزئن ختنه اَتئنی کسئن» اوره‌یی موقاوئمتلی و قاپالی ادن هر شیی کسئب آتماغی، اونو تامام آتامیزا آچماغی تصوئر ادئر. 17چونکی آتامیز آللاهلارین تاریسی، آغالارین ربّی، عظمتلی، قووّتلی، زَهملی تاری‌دیر، نه کئمسه‌نئن طرفئنی ساخلایار، نه ده روشوت آلار. 18او، یتئم و دول آرواد اوچون عدالت ادئر، قرئبی سوئب اونا یمک و پالتار ورئر. 19اونا گؤره سئز ده قرئبی سِومه‌لی‌سئنئز، چونکی سئز اؤزونوز ده مئصئر اؤلکه‌سئنده قرئب ائدئنئز. 20آتامیزدان قورخون، اونا خئدمت ادئن، اونا باغلی قالین و آندلارینیزی اونون آدیندا ائچئن. 21گؤزلرئنئزئن گؤردویو بو عظمتلی و زَهملی ائشلری سئزئن اوچون اِدَن آتانیز، سئزئن حمدئنئزدئر. 22آتالارینیز یتمئش نفر مئصئره گتدئلر؛ ائندی آتامیز سئزی گؤیون اولدوزلاری قدر چوخالدیب.
