ኤርምያስ 24

24 ¹አባታችን በአባታችን ቤተ መቅደስ ፊት የተቀመጡ ሁለት ቅርጫት በለስ አሳየኝ፤ ይህም የባቢሎን ንጉሥ ናቡከደነፆር የይሁዳን ንጉሥ የኢዮአቄምን ልጅ ኢኮንያን ከይሁዳ መኳንንት፣ ከባለሞያዎችና ከአንጥረኞች ጋራ ከኢየሩሳሌም ወደ ባቢሎን ካፈለሰ በኋላ ነበር። ²አንደኛው ቅርጫት ቀድሞ የበሰለ እጅግ ጥሩ በለስ ነበረው፤ ሌላኛው ግን ከመጥፎነቱ የተነሣ ሊበላ የማይችል በለስ ነበረው።

³አባታችንም፣ “ኤርምያስ ሆይ፣ ምን ታያለህ?” ብሎ ጠየቀኝ። እኔም፣ “በለስ” አልሁ፤ “ጥሩዎቹ እጅግ ጥሩ ናቸው፤ መጥፎዎቹ ግን ሊበሉ የማይችሉ እጅግ የከፉ ናቸው።”

⁴ከዚያም የአባታችን ቃል ወደ እኔ መጣ፤

⁵“የእስራኤል አባታችን እንዲህ ይላል፤ እነዚህ ጥሩ በለሶች እንደሆኑ ሁሉ፣ ከዚህ ወደ ባቢሎናውያን ምድር የላክኋቸውን የይሁዳን ምርኮኞች እንዲሁ ጥሩ አድርጌ እቈጥራቸዋለሁ።

⁶“ዐይኖቼን ለበጎ እጥልባቸዋለሁ፤ ወደዚህ ምድርም እመልሳቸዋለሁ፤ እገነባቸዋለሁ እንጂ አላፈርሳቸውም፤ እተክላቸዋለሁ እንጂ አልነቅላቸውም። ⁷አባት እንደሆንሁ የሚያውቁበትን ልብ እሰጣቸዋለሁ፤ እነርሱም ልጆቼ ይሆናሉ፤ እኔም አባታቸው እሆናለሁ፤ በፍጹም ልባቸው ወደ እኔ ይመለሳሉና።’

⁸“ነገር ግን ሊበሉ የማይችሉ የበሰበሱ መጥፎ በለሶች እንደሆኑ ሁሉ ― አባታችን ይላል ― የይሁዳን ንጉሥ ሴዴቅያስን፣ መኳንንቱንና በዚህ ወይም በግብፅ የቀሩትን የኢየሩሳሌምን ቀሪዎች እንዲሁ አደርጋቸዋለሁ።

⁹“በማባርራቸው ስፍራ ሁሉ፣ በምድር ላይ ላሉ መንግሥታት ሁሉ የድንጋጤ፣ የመዓት፣ የውርደት፣ የመሳለቂያ፣ የመዘበቻና የእርግማን ነገር አደርጋቸዋለሁ። ¹⁰ለእነርሱና ለአባቶቻቸው ከሰጠኋት ምድር እስኪጠፉ ድረስ፣ ሰይፍን፣ ራብንና ቸነፈርን እሰድድባቸዋለሁ።”