پلار يرمياه ته د انځرو دوه ټوکرئ ښائى
د انځرو دوه ټوکرۍ د معبد مخې ته پرتې دي. ښې انځر هغه جلاوطن دي چې مخکې بابل ته وړل شوي — هغه چې زموږ پلار به یې بیا کري او زړه به ورکړي چې هغه وپېژني. بد انځر صدقیاه او هغه دي چې لا هم په یروشلم کې دي او فکر یې کاوه چې خلاص شوي دي.
24 1پلار ما ته د انځرو دوه ټوکرئ وښودلې چې د پلار د کور په مخکښې ايښې وې — کله چې د بابل بادشاه نبوکدنضر د يهوداه بادشاه يهوياقين زوئ يکونياه د يهوداه د سردارانو، کاريګرو او د فلزاتو کاريګرو سره د يروشلم نه بابل ته جلاوطن کړ. 2په يو ټوکرئ کښې ډېر ښۀ انځر وُو چې وختى پاخۀ شوى وُو، او په بل کښې داسې خراب انځر وُو چې د خوړلو نۀ وُو.
3بيا پلار راته وفرمائيل چې، ”اے يرمياه، تۀ څۀ وينې؟“ ما ووئيل، ”انځر، ښۀ هغه ډېر ښۀ دى، او خراب هغه دومره خراب دى چې د خوړلو نۀ دى.“
4بيا د پلار کلام ما ته راغلو چې،
5”د اِسرائيل پلار داسې فرمائى چې، لکه دا ښۀ انځر، هم هغه شان به زۀ د يهوداه هغه جلاوطن کړى شوى خلق چې ما له دې ځائ نه د بابل والو ملک ته لېږلى دى، ښۀ وګڼم.
6زۀ به خپلې سترګې د هغوئ د ښېګړې دپاره پرې لګوم، او دې ملک ته به يې بيا راولم؛ زۀ به يې جوړ کړم، او نۀ به يې ورانوم، زۀ به يې کېنوم او نۀ به يې اوباسم. 7زۀ به هغوئ ته داسې زړۀ ورکړم چې ما د پلار په توګه وپېژنى؛ هغوئ به زما بچى وى او زۀ به د هغوئ پلار يم، ځکه چې هغوئ به په خپل ټول زړۀ سره ما ته راوګرځى.“
8”خو لکه خراب انځر چې دومره خراب وى چې د خوړلو نۀ وى — پلار فرمائى — هم هغه شان به زۀ د يهوداه بادشاه صِدقياه، د هغۀ سرداران او د يروشلم هغه پاتې خلق چې دلته يا په مصر کښې پاتې دى، وګرځوم.
9زۀ به هغوئ د زمکې د ټولو بادشاهيو دپاره د وحشت، د آفت، د بدنامۍ، د ملنډو، د ټوقو او د لعنت سبب وګرځوم، چرته چې يې هم شړم. 10زۀ به په هغوئ باندې تُوره، قحط او وبا راستوم، ترڅو چې هغه ملک نه چې ما هغوئ ته او د هغوئ پلار نيکونو ته ورکړے وو، له منځه لاړ شى.“
