ካብ ገፋዕቲ ተኸላኸለለይ

ንመዘምራን። መዝሙር ዳዊት።

ብዛዕባ ዝተወደበ ጭካነ ዝኾነ ፀሎት፦ ኣብ ትሕቲ ኸናፍሮም ሕንዚ ተመን ዘለዎም፥ ምሉእ መዓልቲ ውግእ ዘለዓዕሉን ኣብ ጥቓ መንገዲ መፈንጠር ዘፃውዱን ሰባት። ዳዊት ነቦኡ ኣብ መዓልቲ ውግእ ሽፋን ይልምን፥ እቶም ዝተጨነቑ ድማ ጉዳዮም ከም ዝስማዕ ይኣምን።

ምዕራፍ 140።

ኦ ኣቦይ፥ ካብ እኩያት ሰባት ኣናግፈኒ፤ ካብ ገፋዕቲ ድማ ሓልወኒ፥ እቶም ብልቦም ክፉእ ዝሓስቡ፥ ምሉእ መዓልቲ ኸዓ ውግእ ዘለዓዕሉ። ልሳኖም ከም ተመን የስሕሉ፤ ኣብ ትሕቲ ኸናፍሮም ሕንዚ ኣትማን ኣሎ።

ኦ ኣቦይ፥ ካብ ኢድ ሓጢኣተኛታት ዓቅበኒ፤ ካብ ገፋዕቲ ድማ ሓልወኒ፥ እቶም ከውድቑኒ ዝመደቡ። እቶም ዕቡያት መፈንጠር ሓቢኦምለይ፤ ኣግማድ መርበብ ዘርጊሖም፤ ኣብ ጥቓ መንገዲ መፈንጠሪታት ኣፃዊዶምለይ።

ንኣቦይ “ንስኻ ኣቦይ ኢኻ” በልኩ። ድምፂ ምህለላይ ስማዕ። ኦ ጐይታይ ኣቦይ፥ ሓይሊ ምድሓነይ፥ ኣብ መዓልቲ ውግእ ንርእሰይ ጋሪድካያ ኢኻ። ኦ ኣቦይ፥ ትምኒት ሓጢኣተኛታት ኣይትሃብ፤ ንውዲቶም ኣይተቕንዓሎም፤ እንተዘይኮይኑ ክልዓሉ እዮም።

ርእሲ እቶም ዝኸቡኒ፥ እቲ ኣብ ከናፍሮም ዘሎ ሽግር ይኽደኖ። ዝነደደ ፍሕሚ ኣብ ልዕሊኦም ይውደቕ፤ ናብ ሓዊ ይደርበዩ፤ ናብ ጭቃ ዝመልኦ ጐዳጕዲ፥ ደጊሞም ከይልዕሉ። ሓማዪ ሰብ ኣብ ምድሪ ኣይፅናዕ፤ ክፍኣት ከዓ ነቲ ገፋዒ ሰብኣይ፥ ወቕዒ ብወቕዒ ይሃድኖ።

ኣቦና ንጉዳይ እቶም ዝተጨነቑ ኸም ዝማጐተሎም፥ ንፅጉማት ከዓ ፍትሒ ኸም ዝገብረሎም እፈልጥ ኣለኹ። እቶም ፃድቃን ብርግፅ ንስምካ ኸመስግኑ እዮም፤ እቶም ቅኑዓት ኣብ ቅድሜኻ ኽነብሩ እዮም።