Ndikhotcereni kuna Anthu Aukali
Kwa ntsogoleri wa anyakuimba. Nyimbo ya Dhavidhi.
Phembo thangwi ya utsinyi wakukonzedwa: amuna ali na ululu wa nyoka pantsi pa milomo yawo, anautsa nkhondo ntsiku zonsene mbaikha misampha m'mphepete mwa njira. Dhavidhi asaphemba Baba wace kuti amukhuphe pa ntsiku ya nkhondo, mbakhulupira kuti anyakutambudzwa anadzabverwa mulandu wawo.
140 1Ndipulumuseni, Baba wanga, kuna anthu akuipa; ndikoyeni kuna anthu aukali, 2ale analinga pyakuipa mu mitima yawo, mbasonkhesa nkhondo ntsiku zonsene. 3Asanola malirimi yawo ninga nyoka; poizo wa manyoka akupha uli pantsi pa milomo yawo.
4Ndikoyeni, Baba wanga, kuna manja a anyakuipa; ndikhotcereni kuna anthu aukali, ale analinga kundigwisa. 5Anthu akudzikuza andibisira nsampha; afunyira nkhambala za ukonde; m'mphepete mwa njira andiikira mateya.
6Ndalonga kuna Baba wanga kuti: “Imwe ndimwe Baba wanga.” Bverani fala ya maphembero anga a ntsisi. 7Imwe Baba Wankulu, mphambvu ya upulumuki wanga, mwakhotcerera nsolo wanga pa ntsiku ya nkhondo. 8Lekani kupereka, Baba wanga, pifuno pya anyakuipa; lekani kutawirisa makonkhero awo, toera iwo akhonde kudzikuza.
9Kana ndi misolo ya ale anandizungulira, nyatwa za milomo yawo ene mbizaakunde iwo ene. 10Makala a moto mbagwe pa iwo; iwo mbaponywe pa moto, m'maenje a matope, toera akhonde kulamuka pontho. 11Anyakuponkhera mbakhonde kukhazikika m'dziko; pyakuipa mbipisake munthu waukali, pakumenya na kumenya.
12Ndisadziwa kuti Baba wathu anadzaphedzera mulandu wa anyakutambudzika, mbapereka cilungamo kwa anyakusiriwa. 13Mwandimomwene anyakulungama anadzapereka takhuta kuna dzina yanu; anyakulungama ntima anadzakhala pamaso panu.
