ንኣቦ ዝደለየ ንጉስ

ዖዝያን፥ ዘካርያስ ኣብ ዝምህረሉ ጊዜ ንኣቦና ደለየ፥ ተዓወተ ኸዓ፦ ግንቢታት፥ ዒላታት፥ ግራውቲ፥ ፍቱን ሰራዊትን መሳርሒ ውግእን። ድሕሪኡ ግና ሓይሉ ናብ ትዕቢት ተለወጠ። ዕጣን ክዓጥን ብሓይሊ ኣተወ፤ ኣብ ጥቓ እቲ መሰውኢ ድማ ኣብ ግምባሩ ሕማም ለምፂ ወፀ።

ምዕራፍ 26።

ሽዑ ኵሎም ህዝቢ ይሁዳ ንዖዝያን፥ ወዲ ዓሰርተ ሽዱሽተ ዓመት እናሃለወ፥ ኣብ ክንዲ ኣቦኡ ኣማስያ ኣንገስዎ። ንሱ ድማ፥ እቲ ንጉስ ምስ ኣቦታቱ ዓሪፉ፥ ንኤሎት መሊሱ ሰሪሑ ናብ ይሁዳ መለሳ። ዖዝያን ወዲ ዓሰርተ ሽዱሽተ ዓመት ኮይኑ ነገሰ፤ ኣብ ኢየሩሳሌም ድማ ሓምሳን ክልተን ዓመት ገዝአ። ስም እኖኡ ኸዓ ካብ ኢየሩሳሌም ዝኾነት ዮክልያ ነበረ። ከምቲ ኣቦኡ ኣማስያ ዝገበሮ፥ ኣብ ቅድሚ ኣቦና ቅኑዕ ዝኾነ ገበረ። ነቲ ፍርሓት ኣቦና ዝመሃሮ ዘካርያስ ብዝነበረሉ ጊዜ፥ ንኣቦና ኽደሊ ነብሱ ወፈየ፤ ንኣቦና ኽሳዕ ዝደለየ ድማ ተዓወተ።

ወፂኡ ድማ ንፍልስጥኤማውያን ተዋጊኡ፥ ንመንደቕ ጌትን ያብኔን ኣዛጦንን ኣፍረሶ። ኣብ ጥቓ ኣዛጦንን ኣብ ማእኸል ፍልስጥኤማውያንን ከዓ ከተማታት ሰርሐ። ኣቦና ድማ ኣብ ልዕሊ ፍልስጥኤማውያንን ኣብ ልዕሊ እቶም ኣብ ጕርባኣል ዝነበሩ ዓረብን ኣብ ልዕሊ ሜዑናውያንን ረድኦ። ዓሞናውያን ድማ ንዖዝያን ግብሪ ከፈሉ፤ የመና ስለ ዝሓየለ ኸዓ ዝናኡ ክሳዕ ዶብ ግብፂ በፅሐ። ዖዝያን ድማ ኣብ ኢየሩሳሌም፥ ኣብ ደገ መኣዝን፥ ኣብ ደገ ለሰ፥ ኣብ ኵርናዕ ግንቢታት ሰርሐ፤ ኣፅንዐንውን። ^a ኣብ በረኻ ድማ ግንቢታት ሰርሐ፤ ብዙሕ ዒላታት ከዓ ኰዓተ፤ ኣብ ቈላን ኣብ ጎልጎልን ብዙሕ መጓሰ ነበሮ እሞ። ንምድሪ ይፈቱ ነበረ እሞ፥ ኣብ ጎቦታትን ኣብ ልሙዕ ግራትን ሓረስቶትን ሰብ ወይንን ኣንበረ። ዖዝያን ድማ፥ በብጭፍርኦም ናብ ውግእ ዝወፁ ፍቱናት ተዋጋእቲ ሰራዊት ነበሮ፤ እዚ ኸዓ፥ ካብ ሓለቓ ንጉስ ሓደ ኣብ ዝኾነ ሃናንያ ትሕቲ፥ በቲ ፀሓፊ ኢየኤልን በቲ ሹም ማዕስያስን ተቘፀረ። ድምር ቍፅሪ እቶም ነቶም ሓያላት ጀጋኑ ዝመርሑ ሓለቓ ዓሌት ድማ ክልተ ሽሕን ሽዱሽተ ሚእትን ነበረ። ኣብ ትሕቲ ኢዶም ድማ፥ ነቲ ንጉስ ኣብ ልዕሊ ፀላእቱ ኽረድኡ፥ ብዓብዪ ሓይሊ ኽዋግኡ ዝተላመዱ፥ ሰለስተ ሚእትን ሸውዓተን ሽሕን ሓሙሽተ ሚእትን ሰራዊት ነበረ። ዖዝያን ድማ ነቲ ዅሉ ሰራዊት፥ ዋልታን ኲናትን ቍራዕ ርእስን ድርዕን ቀስትን ኣእማን ወንጭፍን ኣዕጠቖ። ኣብ ኢየሩሳሌም ድማ፥ ፍላፃታት ንኽውርውሩን ዓበይቲ ኣእማን ንኽድርብዩን፥ ኣብ ግንቢታትን ኣብ መኣዝናትን ዝቕመጡ፥ በበላሕቲ ሰባት ዝተማህዙ መሳርሒታት ሰርሐ። ክሳዕ ዝሓየለ ብዘደንቕ ተሓጊዙ እዩ እሞ፥ ዝናኡ ናብ ርሑቕ ተዘርግሐ።

ትዕቢት ዖዝያንን ጥፍኣቱን

ዖዝያን ምስ በርትዐ ድማ ልቡ ተዓበየ፤ እዚ ኸዓ ናብ ጥፍኣት ኣምፅኦ። ኣብ መሰውኢ ዕጣን ዕጣን ንኸዕፅድ ናብ ቤተ መቕደስ ኣቦና ብምእታው፥ ንኣቦና ጠለመ። ካህን ኣዛርያስ ድማ፥ ሰማንያ ትብዓት ዘለዎም ካህናት ኣቦና ሒዙ፥ ደድሕሪኡ ኣተወ። ንንጉስ ዖዝያን ተቓወምዎ፤ ከምዙይ ድማ በልዎ፦ “ኦ ዖዝያን፥ ንኣቦና ዕጣን ምዕፃድ ናትካ ኣይኮነን፥ ናይቶም ዕጣን ንኸዕፅዱ ዝተቐደሱ ካህናት ደቂ ኣሮን ደኣ እዩ እምበር። ጠሊምካ ኢኻ እሞ ካብ መቕደስ ውፃእ፤ እዙይ ካብ ኣቦና ኽብሪ ኣየምፅኣልካን እዩ።”

ዖዝያን ድማ ተቘጥዐ። ዕጣን ንኸዕፅድ ፅንሃህ ኣብ ኢዱ ሒዙ፥ ኣብቶም ካህናት እናተቘጥዐ እንተሎ፥ ኣብ ቤት ኣቦና ኣብ ቅድሚ እቶም ካህናት፥ ኣብ ጥቓ መሰውኢ ዕጣን፥ ኣብ ግንባሩ ሕማም ለምፂ ወፀ። ሊቀ ካህናት ኣዛርያስ ምስ ኵሎም እቶም ካህናት ናብኡ ግልፅ ምስ በሉ፥ እንሆ ኣብ ግንባሩ ሕማም ለምፂ ረአዩ፤ ቀልጢፎም ከዓ ናብ ወፃኢ ኣውፅእዎ፤ ኣቦና ስለ ዝወቕዖ ድማ፥ ንሱ ኽወፅእ ተቐላጠፈ። ንጉስ ዖዝያን ድማ ክሳዕ ዝመውት ለምፃም ኮይኑ ነበረ፤ ካብ ቤት ኣቦና ተቘሪፁ ኸዓ፥ ለምፃም ኮይኑ ኣብ ፍሉይ ቤት ተቐመጠ። ወዱ ኢዮኣታም ድማ ነቲ ቤተ መንግስቲ ይመርሕ፥ ንህዝቢ እታ ምድሪ ኸዓ ይፈርድ ነበረ።

እቲ ዝተረፈ ናይ ዖዝያን ነገር፥ ካብ መጀመርታ ኽሳዕ መወዳእታ፥ ነቢይ ኢሳይያስ ወዲ ኣሞፅ ፀሓፎ። ዖዝያን ድማ ምስ ኣቦታቱ ዓረፈ፤ “ሕማም ለምፂ ነበሮ” ኢሎም ስለ ዝበሉ ኸዓ፥ ኣብታ ናይቶም ነገስታት ዝኾነት መቓብር ግራት፥ ኣብ ጥቓኦም ተቐበረ። ወዱ ኢዮኣታም ድማ ኣብ ክንድኡ ነገሰ።