آتانی آختاران بئر پادشاه
زِکَرئیّا اونا تعلئم وردئیی مودّتده عوزّئیا آتامیزی آختاریر و اوغورلو اولور: بورجلار، سو آنبارلاری، اَکئن تورپاقلاری، تعلئم گؤرموش بئر قوشون، موحاصئره آلتلری. سونرا قووّت تکبّوره چِورئلئر. بوخور یاندیرماق اوچون زورلا ائچه‌ری گئرئر و قوربانگاهین یانیندا آلنیندا جوزام قالخیر.
26 1سونرا یهودا خالقینین هامیسی اون آلتی یاشلی عوزّئیانی آتاسی اَمَصیانین یرئنه پادشاه اتدئلر. 2پادشاه اجدادلاری ائله یاتاندان سونرا، عوزّئیا اِلوتو تزه‌دن تئکدی و اونو یهودایا قایتاردی. 3عوزّئیا اون آلتی یاشیندا پادشاه اولدو و اورشلئمده اَلّی ائکی ائل سلطنت اتدی. آناسی اورشلئملی یِکولیا ائدی. 4او، آتاسی اَمَصیانین اتدئیی کئمی، آتامیزین گؤزونده دوز اولانی اتدی. 5زِکَرئیّانین گونلرئنده آتامیزی آختارماغا اؤزونو حصر اتدی. زِکَرئیّا اونا آتامیزدان قورخماغی اؤیرَتدی. او، آتامیزی آختاردی و اوغورلو اولدو.
6او، چیخیب فئلئسطلی‌لرله دؤیوشدو و گَت، یَبنا و اَشدود شهرلرئنئن دووارلارینی ییخدی. اَشدود اطرافیندا و فئلئسطلی‌لرئن آراسیندا شهرلر تئکدی. 7آتامیز، فئلئسطلی‌لره، گور-بَعَل عرب‌لرئنه و مِعونلولارا قارشی اونا کؤمک اتدی. 8عَمّونلولار عوزّئیایا ورگی وردئلر و اونون شؤهرتی مئصئرئن سرحدئنه قدر یاییلدی، چونکی او، چوخ گوجلَنمئشدی. 9عوزّئیا اورشلئمده کونج دروازاسیندا، دره دروازاسیندا و دووارین بوروم یرئنده بورجلار تئکدی و اونلاری مؤحکم اتدی. a a v9 «دئوارین بوروم یری» اورشلئم شهر دئوارینین چیخینتیلی بئر حئصّه‌سی ائدی کی، آدلاری چکئلن دروازالاردان آیری ائدی. 10او، چؤلده بورجلار تئکدی و چوخلو سو آنباری قازدی، چونکی هامار بؤلگه‌ده و دوزنلئکده بؤیوک سورولری وار ائدی. داغلیق یرلرده و برکتلی زَمئلرده اَکئنچئلر و باغبانلار ساخلاییردی، چونکی تورپاغی سِوئردی. 11عوزّئیانین تعلئم گؤرموش عسگرلردن عئبارت بئر قوشونو وار ائدی کی، بؤلوکلر ائله دؤیوشه چیخیردیلار. اونلار مئرزه یِعیئل و مأمور مَعَسِیانین واسئطه‌سئله ساییلدیلار؛ پادشاهین سرکرده‌لرئندن بئری اولان خَنَنیانین باشچیلیغی آلتیندا ائدئلر. 12جنگاورلری ائداره اِدَن نسئل باشچیلارینین جَمی ۲۶۰۰ نفر ائدی. 13اونلارین امری آلتیندا ۳۰۷۵۰۰ نفرلئک بئر قوشون وار ائدی کی، بؤیوک قودرتله دؤیوشمک اوچون تعلئم گؤرموشدولر، تا کی پادشاها دوشمنلرئنه قارشی کؤمک اتسئنلر. 14عوزّئیا بوتون قوشونو سئپرلرله، نئزه‌لرله، دَبئلقه‌لرله، زئره‌لرله، کامانلارلا و ساپاند داشلاری ائله تجهئز اتدی. 15اورشلئمده ماهئر آداملارین ائجاد اتدئیی آلَتلر دوزَ‌لتدی کی، بورجلارین و کونجلرئن اوستونه قورولوب اوخلار آتسین و بؤیوک داشلار آتسین. اونون شؤهرتی اوزاق یرلره یاییلدی، چونکی گوجلَنئنجه‌یه قدر عجایئب طرزده اونا کؤمک ادئلدی.
عوزّئیانین تکبّورو و اونون محوو
16عوزّئیا گوجلَنَنده، اوره‌یی مغرورلاشدی و بو، اونون محوونه سبب اولدو. او، آتامیزا وفاسیزلیق اتدی و بوخور قوربانگاهینین اوستونده بوخور یاندیرماق اوچون آتامیزین معبدئنه گئردی. 17کاهئن عَزَریا، آتامیزین اورَکلی سکّسن کاهئنی ائله بئرلئکده اونون دالینجا ائچه‌ری گئردی. 18اونلار عوزّئیا پادشاهین قاباغینا چیخیب ددئلر: «ای عوزّئیا، آتامیزا بوخور یاندیرماق سنئن ائشئن دیئل، بلکه بوخور یاندیرماغا حصر اولونموش کاهئنلرئن، هارون نسلئنئن وظئفه‌سئدئر. موقدّس یردن چیخ! سن وفاسیزلیق اتدئن و بو، سنه آتامیزدان هچ بئر عئزّت گتئرمه‌یه‌جک.»
19عوزّئیا چوخ قضبلَندی. بوخور یاندیرماق اوچون الئنده بئر بوخوردان وار ائدی و کاهئنلره قضبله‌نَرکَن، آتامیزین اِوئنده، بوخور قوربانگاهینین یانیندا، کاهئنلرئن قاباغیندا اونون آلنیندا جوزام علامتی عمله گلدی. 20باش کاهئن عَزَریا و بوتون کاهئنلر اونا طرف دؤنوب، اونون آلنیندا جوزام گؤرنده، اونو تله‌سئک باییرا چیخارتدیلار و اؤزو ده چیخماغا تله‌سدی، چونکی آتامیز اونو وورموشدو. 21عوزّئیا پادشاه اؤلومونه قدر جوزاملی قالدی. او، حله جوزاملی اولاراق، آیری بئر اِوده یاشاییردی و آتامیزین اِوئندن کسئلمئشدی. اوغلو یوتام سارایی ائداره ادئردی و اؤلکه خالقینا باشچیلیق ادئردی.
22عوزّئیانین قالان ائشلری، اوّلدن آخیرا قدر، آموص اوغلو اِشَعیا پیغمبر یازدی. 23عوزّئیا اجدادلاری ائله یاتدی و اونلارین یانیندا، پادشاهلارا عایید اولان قبئرئستان زمئسئنده دفن ادئلدی، چونکی ددئلر: «او جوزاملی ائدی.» اوغلو یوتام اونون یرئنه پادشاه اولدو.
