Pwo eng' Nganaseet ne Rebeka
King'ate Jerusalem kole ma yani katigonet, ak pounikyik ak maotikyik ko che amei piik. Yeityo kowal kutit komugul: kutik che tiliil, piik che ng'et che iming'inegei, ak mi Kwandanyo kwenunnyi ko uu ne po lugeet ne sarei—ne meresyei ineendet eng' chamennyi ak kotyenchini.
Ng'alaali Kwandanyo eng' mustarisyek 6–13, 18–20
3 1Pwo eng' nganasani ne rebeka ak ne kong'emaksei—ne nyalili piik! 2Ma kase iit kutit age tugul; ma yani katigonet. Ma imang'u Kwandanyo; ma neegit Kwandanyi.
3Pounigyik che mi kwenunnyi ko ng'etuunyik che nerandos; kirwoogindegyik ko suigap kolewenyit che amei tuguuk tugul kotom koit mornet. 4Maotikyik ko piik che njaamik, che po lipotegeet; tisiigyik kong'emaksei kiy ne tiliil ak komaas ng'atuutyet. 5Mi Kwandanyo kwenunnyi ko ne po imanda; ma yaei ne ya. Mornet ak mornet koibu kirwoogutyennyi koek liilindo; ma mararu agoi. Ago ma nai ne ma po imanda liilandet.
6“Katila pororyosyek; kagobutunot toweegap kariikyik. Kaawech ortinwekwak si ma piit chii age tugul; kagoluul nganasookyik, ma komi chii age tugul ne ki ng'et—ma komi menyindet age tugul.” 7Ki ale, ‘Iman iywei inyee anee; iyani katigonet,’ si ma kotil mengisetennyi ko uu tugul che ki ang'at agobo ineendet. Ago ki ta kotogosu karon kong'emak poisyonikwak tugul.
8“Nooto anyun oriibe anee,’ mwaei Kwandanyo, ‘agoi peetuut ne ang'eetyo koek paoryat. Amu kabwaatutyennyu ko ayum pororyosyek, atuiyech laitornatosyek, aiyeny angeennyu eng' icheek, angeennyu tugul ne lelei; amu wong'ei maatap kalanetanyu ng'wony komugul.’
Kutit che Tiliil, Kutit Agenge
9“Amu yetuunooto agoochi pororyosyek kutit che tiliil, si korureeng kaineng'ung' tugul ak kootiyanwo kwenutap ng'echerok. 10Kobun kolanda ainoosyegap Kush koip che kong'uruukso, lagokyuk che ki iyesyo, kagoochinoikyuk. a a v10 Kush ko Ethiopia ne po keny—kolanda murot tai, ne koboori let emet ne kingen. 11Eng' peetuunooto ma ililani agobo poisyonik tugul che ki irebena anee; amu yetuunooto aiste eng' kwenung'ung' che menotik ak che ichougei, ak ma iugei kogeny eng' tulweetap tiliilindanyu. 12Ago ariibe kwenung'ung' piik che memeekyin ak che ng'eenyeen, ak koruimugei eng' kaineng'ung'. 13Che ki ng'et che po Israel ma yaei ne ya ak ma mwaei ng'alyaanik, ak ma kenyoor tongoanik che po lipotegeet eng' kutusweekwak. Amu akwerei ak kobuch, ak ma komi chii age tugul ne iywenjin.”
14Tyen eng' kutit ne oo, cheeptaiyatap Zion; waach, Israel! Boiboen ak iwaach eng' poiboiyet eng' muguleldang'ung' tugul, cheeptaiyatap Jerusalem! 15Kagoisto Kwandanyo kirwoogutik che agaigaige inyee; kagoisto punyondeng'ung'. Mi Laitoryatap Israel, Kwandanyo, kwenung'ung'; ma iywei yaityet kogeny. 16Eng' peetuunooto kemwachi Jerusalem kele: “Meiywei, ee Zion; matinde euneguk konyalaltu. 17Mi Kwandang'wong' eng' kwenung'wong', nyiganeet ne po lugeet ne sarei. Poiboitu agobo okweek eng' kagasetapkei; koteeng'uutyok eng' chamyennyi; koiloskei agobo okweek eng' tyeni ne oo.” b b v17 Poiboitu Kwandanyo agobo lagokyik eng' kagasetapkei, koteeng'uutei icheek eng' chamyennyi, ak kotyenjitei icheek eng' tyeng'eet ne oo — ko agenge eng' tuguuk che kararan miising' che koboorchin poiboiyennyi eng' Testamendet ne po Keny.
18Ayum che bo okweek che aragendos—chuuto che ki kitabaanat eng' igoorwek che ki king'at— amu ki koek rosyinet ak mileet eng' Jerusalem. 19Eng' sait nooto ayachi tugul che nyaliilok. Asaru che koraat ak ayum che ki kiisto, ak awel kalilanennywa koek kalasunet ak kaini eng' ng'wony komugul. 20Eng' sait nooto aibu okweek koong'wong'; eng' sait nooto ayum okweek tuwai. Amu ayai oegu che taagunotiin ak che kilasu eng' pororyosyek tugul che po ng'wony, ye aweekyin yetunekwok eng' konyekwok, kole Kwandanyo.