Mi eng' bukuit

Ng'ang'utyet 21 FHB Father's Heart Bible™

Kiistoi 15% eng' kiy ne iale korook →
Bukuit

Tuguuk Tugul che Leel

Kagobata tuguuk che po keny, ak komeny Kwandanyo kobooto piik — ineendet kityo Kwandanywa, koisto pirireek tugul eng' konyekwak. Koonei nganaseet kochoorunegei, ne kiakwaat, ne kelilochi koik che po kamanuutyet, ne tinyei kurgotik eng' tabanwek tugul, ne ma tinyei hekaluut oriit amu ineendet ak Aarwet ko hekaluunnyi, ak ma mi kemoi ne kiger kurgotik.

Ng'alaali Kwandanyo eng' mustarisyek 3, 5–8

Sura 21.

Yeityo kaageer kipsengwet ne leel ak ng'wony ne leel, amu kagobata kipsengwet ne po tai ak ng'wony ne po tai, ak mamii araroot kogeny. Kaageer nganaseet ne tiliil, Jerusalem ne leel, koonei kochoorunegei eng' kipsengwet, kobunu Kwandanyo, ne kagiisaaksei ko uu pergeiyat ne kaanamdane agobo magennyi.

Kaagas kutit ne oo kobunu king'eng'et kole, “Ogeero, mi menyinetap Kwandanyo kobooto biitukchi. Komeny ineendet kobooto icheek; koegu piikyik, ak ineendet kityo, Kwandanywa, komi kobooten.

Koisto Kwandanyo pirireek tugul eng' konyeknywa, ak mamii meet kogeny, ama komi riirindo, anan kayaneet, anan ng'wanindo kobakta, amu kagobata tuguuk che po keny.”

Komwa ineendet ne kagotebi king'eng'et kole, “Ogeero, amakir tuguuk tugul koek che leel.” Kotes kole, “Sir niito: ng'aleechu ko che iman ak che bo iman.” Koleenjo: “Kagobata. Anee Alpha ak Omega, taunet ak let. Agoochi che amei melelda eng' aiyebindo eng' ole punu peegap sabeet. Ineendet ne silaaktos konyooru tuguuchu, ak aegu Kwandanyi, ak koek weeriinnyu. Ago icheek che ywe, che po ibeetapkei, che wechei, biigap barineet, ng'wanindaik, orgoik, che tolosyei tuguuk, ak piik tugul che po lemotet—kebeberwekwok ko mi araroot ne laldos eng' maat ak sulfuur, nooto ko meet ne po aeng'.”

Konyo age eng' malaikaisyek tisap che namei tageiywek tisap che kagoramji korotwek tisap che po let, koleenjo, “Nyoo, aboorun Pergeiyat, kwondap Jeso, Aarwet.” Ki iibwaan ineendet eng' Kabuuset kwo tulweet ne oo ak ne toroor, ak koboorwo nganaseet ne tiliil Jerusalem koonei kochoorunegei eng' kipsengwet, kobunu Kwandanyo, koboorunei toroorindap Kwandanyo, ne nyalalei ko uu ne bo kamanuut eng' jewelisyek, jasipi, ne tiliil ko uu kristalo. Ki tinyei koriigap nganaseet ne oo ak ne toroor ne tinyei ortinwek taman ak aeng', malaikaisyek taman ak aeng' che tononie, ak kisir kainaigap ortinwegap piik taman ak aeng' che po weeriigap Israel, eng' kong'asiis ortinwek somok, eng' murot ortinwek somok, eng' tai ortinwek somok, eng' cherongo ortinwek somok. Ki tinyei koriigap nganaseet lumeiywek taman ak aeng', che namei kainaik taman ak aeng' che po che kiyooktoi taman ak aeng' che po Jeso, Aarwet.

Ki namei ne ngalaalei ak anee rotwetap thahabu ne po kergeet si koger nganaseet, ortinwekyik ak koriikyik. Ki aechin nganaseet ngwetgoswek tugul, kaeech koindonyi ak tebeesindanyi. Ki ger ineendet ak rotwennyi: olo po mileet eliphuusyek taman ak ang'wan ak pogol ang'wan—kaeech koit, tebeesit ak toroorindo. Ki ger koriikyik—olo po mitainik pogol aeng' ak taman ak lo, eng' kergeet ne po chii, ne po malaikaisyek agine. Ki kiteech koriit eng' jasipi, ak nganaseet ko ki thahabu ne tiliil, ne tiliil ko uu koita. Ki kiting'e lumeiywegap koriigap nganaseet kamanuut tugul ne po jewelisyek: ne po tai jasipi, ne po aeng' sapphire, ne po somok sebu, ne po ang'wan yaholom, ne po mut soam, ne po lo sardio, ne po tisap krisolito, ne po sisiit berulo, ne po sogool topasio, ne po taman krisoprasio, ne po taman ak agenge huakinto, ak ne po taman ak aeng' ametusto. Ki po ortinwek taman ak aeng' peninim taman ak aeng', konam ortit age tugul eng' peninim agenge. Ki thahabu ne tiliil ooreetap nganaseet, ne tiliil ko uu koita.

Mangaageer Hekaluut eng' nganaseet, amu hekalunnyi ko Kwanda ne Kiptaiyat ne Kamuktain ak Jeso, Aarwet. Ma machei nganaseet asiista anan arawa koluuchi—toroorindap Kwandanyo ne luuchinei, ak taitnyi ko Jeso, Aarwet. Kobendi piigap ng'wonyisyek eng' lapkeiyennyi, ak koibu laitorinigap ng'wony toroorindanywa oriit. Ak ma kiger ortinwekyik peet kogeny—ak mamii kemout olooto. Koibu oriit toroorindo ak kaaenet che po ng'wonyisyek. Mangochut kityo kiy age tugul ne ma tiliil, anan chii age tugul ne yaei che wechei anan che po ibeetapkei—kityo icheek che kisir eng' bukuitap sabeetap Jeso, Aarwet.