Mi eng' bukuit

Ng'ang'utyet 17 FHB Father's Heart Bible™

Kiistoi 15% eng' kiy ne iale korook →
Bukuit

Kibooru Chepkugonio ne Oo

Koboorun malaikaiyat Johana kwony ne ilaachi ngoroik che arusen, ne tuuen korotiigap paorinigap Jeso, ne tebee eng' tyony ne piriir. Kwong'yo Johana; komwachi malaikaiyat metowek ak kuinoik. Eng' let koweeksei tyony ak laitorinigap kwony, kobeel ineendet, kochob mageetap Kwandanyo.

Sura 17.

Ki nyoo age eng' malaikaisyek tisap che ki tinye taabook tisap, ak kong'alaal ak anee, koleenji, “Nyoo, aboorun kirwooget ne po chepkugonio ne oo, ne tebee eng' peek che chaang'. Ki koipkei laitorinigap ng'wony ak ineendet, ak ki pogityo piik che menyei ng'wony eng' maiyegap tengektanyi.” Ki ip anee eng' Kabuuset koba surkwen, ole kaager kwony kotebee eng' tyony ne piriir, ne ki tuch kainaik che churachuri Kamuktaindet, ne tinyei metowek tisap ak kuinoik taman. Ki ilaachi kwony ngoroik che arusen ak che piriir, ak ki kelilochigei thahabu, koik che po kamanuutyet, ak sonoek, konamei eunnyi kigombet ne po thahabu, ne ityan tuguuk che etan ak simwegap koipennyi. Ki kisir eng' turyetap togeennyi kainet, ne ung'ot, ale, “Babilon ne oo, kametap chepkugonik ak tuguuk che etan che po ng'wony.”

Ki ager kwony kobogit eng' korotiigap saini, korotiigap paorinigap Jeso. Ye kaager ineendet, ki akwong'yo miising'.

Ki teebe anyun malaikaiyat, koleenji, “Amu nee si ikwong'yo? Amwaun kiy ne ung'ot ne po kwony ak tyony ne ibei ineendet, ne tinyei metowek tisap ak kuinoik taman. Tyony ne kigeer, ki miten, ak ma miten nguno, ak tuun king'eetu eng' kerimdo, ak koba yaityennyi. Ak kwong'yo piik che menyei ng'wony, che ma kisir kainaikwak eng' bukuitap saboondo kobooch lumdaetap ng'wony, ye keer tyony — amu ki miten, ak ma miten, ak tuun konyo.

Ni komachei muguleldo ne utaat: metowek tisap ko tuloonook tisap che tebee kwony, ak ko laitorinik tisap. Ki ibutyo mut, age ko miitei, age ko ta konyo; ye konyo, kanyool kotebi kityo. Tyony ne ki miten, ak ma miten nguno, ineendet ko ne po sisiit, ago ko age eng' tisap, ne bendi yaityennyi. Kuinoik taman che kigeer ko laitorinik taman che ta ma koget laitornatet, ago kaget kimnateet ko uu laitorinik eng' sait agenge kobooto tyony. Chuuto ko po muguleldo agenge, ak kigoochi tyony kamugennywa ak kimnateennywa.

Lugei icheek ak Mesyeet, ak kobar Mesyeet icheek, amu ko Kiptaiyatap kiptainik ak Laitoryatap laitorinik, ak che kobooto ineendet ko kigeguur ak kilewen ak che iman.” Ki leenji anee malaikaiyat, “Peek che kigeer, ole tebee chepkugonio, ko piik, tuiyosyek, pororyosyek, ak kutusweek. Kuinoik taman che kigeer, ak tyony, wechei chepkugonio, ak metoi ineendet koek surkwen ak aach ngor, ak koam poortanyi, ak kobeel eng' maat. Amu ki konde Kwandanyo eng' mugulelwekwak koyai magennyi, konamgei eng' muguleldo agenge, ak kogoochi tyony laitornatennywa, agoi kosulda ng'aleegap Kwandanyo. a a v17 Agot laitorinik che songei che boisyei tyony, yaei magenap Kwandanyo. Ineendet ne ondoe tuguuk tugul koba pareetap Mesyeet. Kwony ne kigeer ko nganaseet ne oo ne laitorane laitorinigap ng'wony.”