Suonlamnyu Yaangbü Tang Khitbü
Khuthük hangangbü cheei Johan to nakthüngbü neisimei lebü yaksa che chühletkei, Jisu aukabü shuongeibü siia jaketbü, saklangbü meisiau thüka setan kibü. Johan aeibou maangpangkei; hangangbüei khu hoba laang shuong kho chühletkei. Phaito meisiau hoba haoeibü Choba shuongei sao to toukei haoen juokkei, seneibü Bou mütli kümkei.
17 1Phauyaang nyet jungbü hangangbü nyet yoa cheei ngo jungto louan ngo to laukei, “Louashi, dei juong thüka setbü suonlamnyu yaangbü to matjembü ngei ka la lenlabü. 2Kaodak Choba shuongei sao yoa pejapelako, hoba kaodaka kibü mütshuongei saoeibü pejapelabü iha jaketkei.” 3Haoei Soushoua ngo yamlamanga künan haukei, khünei khu nyet hoba laang an kibü, Mühghaü to nyikubü namei danglepbei saklangbü meisiau thüka setbü yaksa che ngei hapkei. 4Yaksa khoei nakthüngbü hoba saklangbü neisimei lekei, hoba hon, namseklaang hoba phülem hanan kikei, hoba mangsenlabü shuong hoba saoeibü pejapelabü asaopobü shuongei shenan kibü honeibü thung che ika jungkei. 5Saoeibü khüngjaa namei che, shuchühbü ngüh che dobü kikei: “Babilon yaangbü, suonlamnyu shuong hoba kaodakbü mangsenlabü shuong nyu.”
6Mühghaü mütshuong sii hoba Jisu aukabü shuongeibü siia jaketbü yaksa ngei hapkei. Sao hapan ngo aeibou maangpangkei.
7Hangangbüei ngo to phekei, “No aila maangpangko kida? Yaksa hoba sao künbü meisiau, khu nyet hoba laang an kibüeibü shuchühbü ngüh ngei ka la lenlabü. 8Nyi hapbü meisiau kho ladangkei kikei, tou aying, hoba tou si haübü ka longla hoba jembü mautilabü to haula kümda. Kaodak chemshang ka langkeibü lea haoeneibü namei adobü, kaodaka kibü shuongei meisiau hapan maangpanglabü, aishanga kho ladangkei kikei, tou aying, hoba loulabü.
9Ho shanga songsido kibü maangpon khamda: khu nyet kho yaksa setbü shongh nyet ki, hoba khübü Choba nyet ki. 10Ngao tuongkei, che tou ki, lubü kho tou loujinei aloukei; hao loulaje, hao longche ong kijan. 11Ladangkei kikei hoba tou aying meisiau kho hao lolo setboubü ki, lausikei nyet yoa che ki, hoba mautilabü to hauda. 12Nyi hapbü laang an kho tou Sangle asungletjinbü Choba an ki, lausikei meisiau yoa jihsiphai che shanga Choba tegü sei sungletlabü. 13Khübü shuong maangpon chela ki, hoba haoenei haoeneibü hau hoba sei meisiau la kulabü.
14Haoenei Sanlon Shoushou to wapyolabü, hoba Sanlon Shoushouei haoen thüklabü, aishanga hao bunyu shuong thüka Bunyubou hoba Choba shuong thüka Choba ki, hoba hao yoa kibü shuong kho ngabü, pienbü hoba ikjaibü ki.” 15Hangangbüei ngo to lenkei, “Suonlamnyu setbü, nyi hapbü dei kho mütshuong, noknyüh, phangshuong, hoba ngühyem ki. 16Nyi hapbü laang an hoba meisiauei suonlamnyu to mangsenlabü, hoba haoenei sao sangliphang hoba mütkong la yeitilabü, saoeibü phe shaulabü, hoba sao wana juoklabü. 17Aishanga seneibü Bou ngüh aloushad shongko, seneibü Bouei haoeibü nyekchüh kümla, maangpon chela yeila, hoba haoeneibü Sangle meisiau la kula, haoeneibü maanga jinkei. a a v17 Meisiau to khangenbü khauangbü Choba shuongeikei seneibü Bou nyekchüh kümda. Haoei ajanjan pendou Sanlon Shoushou thüklabü phaito leida. 18Nyi hapbü yaksa kho kaodak Choba shuong thüka songdaklabü sangnyu yaangbü ki.”
