Nyakututa Nkulu Apangizwa
Anju m'bodzi asapangiza Juwau nkazi wakubvala nguwo zakupswipira, wakuledzera na ciropa ca anyakupupura a Yezu, wakukhala pa cirombo cakufwira. Juwau asadabwa; anju asafokotoza misolo na manyanga. Kumalisa kwace, cirombo na amambo ace asampandukira mbampisa na moto, mbaphata cifuniro ca Baba wathu.
17 1M'bodzi wa aanju anomwe akhali na mbale zinomwe abwera mbalonga na ine: “Bwera, ndinakupangiza ntongo wa nyakututa nkulu ule anakhala pa madzi mazinji. 2Amambo a pa dziko acita pyaupombo na iye, mbwenye anthu a pa dziko aledzera na vinyu ya upombo wace.” 3Iye andikwata mu Nzimu mbandiendesa ku thando, kweneko ndaona nkazi wakukhala pa cirombo cakufwira cakudzala na madzina akuxingirira Mulungu, cakhala na misolo minomwe na manyanga khumi. 4Nkazi unowu akhabvala nguwo zakupswipira na zakufwira, akhabvalikiswa na ouro, na miyala ya ntengo ukulu, na ngale, mbakakhukha m'manja mwace ndeko ya ouro yakudzala na pinthu pyakunyansa na pyakupswipa pya upombo wace. 5Pa nkhope yace pakhalembwa dzina, cibisobiso: “Bhabhilonya nkulu, mai wa anyakututa na wa pinthu pyakunyansa pya pa dziko.”
6Ndaona nkazi unowu aledzera na ciropa ca anthu akucena, ciropa ca mboni za Yezu. Pidamuona Ine, ndadzudzumika kakamwe.
7Anju abvundza: “Thangwi yanji usadzudzumika? Ine ndinakupanga cibisobiso ca nkazi unowu na ca cirombo cinankwata, cakhala na misolo minomwe na manyanga khumi. 8Cirombo cidaona iwe cikhalipo, cnkhabepo cincino, mbwenye cinafuna kukwira kubuluka n'thenga mbacienda ku kufudzwa kwace. Anthu anakhala pa dziko, ale madzina awo nkhabe kulembwa m'bukhu ya upulumuki kubulukira pa kukhazikiswa kwa dziko, anadzudzumika pakuona cirombo ceneci, thangwi cikhalipo, cnkhabepo, mbwenye cinabwera.
9Pyenepi pisafuna manyerezero akuchenjera: misolo minomwe ndi mapiri manomwe adakhala pa iwo nkazi unowu, pontho ndi amambo anomwe. 10Axanu agwa kale, m'bodzi acipo cincino, unango naweri kubwera; angabwera, iye asafunika kukhala n'dzidzi wakucepa basi. 11Cirombo cidakhalapo, cakuti cnkhabepo cincino, iye ene ndi wacisere, mbwenye ndi m'bodzi wa ale anomwe, mbaenda ku kufudzwa. 12Manyanga khumi adaona iwe ndi amambo khumi ale adidi kutambira umambo, mbwenye anatambira mphambvu ninga amambo ora ibodzi pabodzi na cirombo. 13Awa ali na manyerezero mabodzi, mbaperekambo mphambvu na utongi wawo kuna cirombo.
14Iwo anamenyana na Mwanabira, mbwenye Mwanabira anaakunda, thangwi Iye ndi Mbuya wa ambuya na Mambo wa amambo, pontho ale ali na Iye acemerwa, asankhulwa, na akukhulupirika.” 15Anju andipanga: “Madzi adaona iwe, kunakhala nyakututa, ndi mbumba, na mapapa a anthu, na madzindza, na pilongero. 16Manyanga khumi adaona iwe, na cirombo, anaida nyakututa. Iwo anamusiya waukhonde na wakubula, mbadya nyama yace, mbampisa na moto. 17Thangwi Baba wathu aikha m'mitima mwawo kucita cifuno cace, kubverana manyerezero mabodzi, na kupereka umambo wawo kuna cirombo, mpaka mafala a Baba wathu akwanirisike. a a v17 Ngakhale amambo akupanduka anatumikira cirombo asacita cifuno ca Baba wathu. Iye asatsogolera mbiri toera kukunda kwa Mwanabira. 18Nkazi adaona iwe ndi nzinda ukulu unatonga amambo a pa dziko.”
