வெளிப்படுத்துதல் 17

17 ¹ஏழு கலசங்களைப் பிடித்திருந்த ஏழு தூதர்களில் ஒருவன் வந்து என்னோடே பேசி: “வா, திரளான தண்ணீர்கள்மேல் உட்கார்ந்திருக்கிற மகா வேசியின்மேல் வரும் நியாயத்தீர்ப்பை உனக்குக் காண்பிப்பேன். ²பூமியின் ராஜாக்கள் அவளோடே வேசித்தனம்பண்ணினார்கள்; அவளுடைய பாவத்தின் மதுவினால் பூமியின் மக்கள் வெறிகொண்டார்கள்” என்றான். ³அவன் என்னை ஆவிக்குள்ளாக ஒரு வனாந்தரத்திற்கு எடுத்துக்கொண்டுபோனான்; அங்கே ஒரு ஸ்திரீ தேவனை நிந்திக்கிற நாமங்களால் நிறைந்திருந்த சிவப்பான ஒரு மிருகத்தின்மேல் உட்கார்ந்திருக்கக் கண்டேன்; அந்த மிருகத்திற்கு ஏழு தலைகளும் பத்துக் கொம்புகளும் இருந்தன. ⁴அந்த ஸ்திரீ இரத்தாம்பரமும் சிவப்பாடையும் தரித்து, பொன்னினாலும் இரத்தினங்களினாலும் முத்துக்களினாலும் அலங்கரிக்கப்பட்டு, தன் வேசித்தனத்தின் அருவருப்புகளாலும் அசுத்தங்களாலும் நிறைந்த ஒரு பொற்பாத்திரத்தைத் தன் கையிலே பிடித்திருந்தாள். ⁵அவளுடைய நெற்றியிலே, “மர்மம், மகா பாபிலோன், வேசிகளுக்கும் பூமியின் அருவருப்புகளுக்கும் தாய்” என்னும் ஒரு நாமம் எழுதப்பட்டிருந்தது.

⁶அந்த ஸ்திரீ பரிசுத்தவான்களின் இரத்தத்தினாலும், இயேசுவின் சாட்சிகளுடைய இரத்தத்தினாலும் வெறிகொண்டிருக்கக் கண்டேன்; அவளைக் கண்டு நான் மிகவும் ஆச்சரியப்பட்டேன்.

⁷அப்பொழுது அந்தத் தூதன் என்னை நோக்கி: “ஏன் ஆச்சரியப்படுகிறாய்? இந்த ஸ்திரீயின் மர்மத்தையும், ஏழு தலைகளும் பத்துக் கொம்புகளுமுள்ள, அவளைச் சுமக்கிற மிருகத்தின் மர்மத்தையும் நான் உனக்குச் சொல்லுகிறேன். ⁸நீ கண்ட மிருகம் முன்னிருந்தது, இப்பொழுது இல்லை; அது பாதாளத்திலிருந்து ஏறிவந்து, அழிவுக்குப் போகும். முன்னிருந்து, இப்பொழுது இல்லாமல், இனி வரப்போகிற அந்த மிருகத்தைக் காணும்போது, உலகத்தோற்றமுதல் ஜீவபுஸ்தகத்தில் தங்கள் பேர்கள் எழுதப்படாத பூமியின் குடிகள் ஆச்சரியப்படுவார்கள்.

⁹இதை அறியும்படி ஞானமுள்ள மனது வேண்டும்: அந்த ஏழு தலைகளும் அந்த ஸ்திரீ உட்கார்ந்திருக்கிற ஏழு மலைகள்; அவைகள் ஏழு ராஜாக்களுமாம். ¹⁰இவர்களில் ஐந்துபேர் விழுந்தார்கள், ஒருவன் இருக்கிறான், மற்றொருவன் இன்னும் வரவில்லை; அவன் வரும்போது, கொஞ்சக்காலம் மட்டும் தங்கவேண்டும். ¹¹முன்னிருந்து இப்பொழுது இல்லாத மிருகமே எட்டாவதானவன்; அவனும் அந்த ஏழுபேரில் ஒருவனாயிருந்து, அழிவுக்குப் போகிறான். ¹²நீ கண்ட பத்துக் கொம்புகள் பத்து ராஜாக்கள்; இவர்கள் இன்னும் ராஜ்யத்தைப் பெறவில்லை; ஆனாலும் இவர்கள் மிருகத்தோடேகூட ராஜாக்கள்போல ஒருமணிநேரம் அதிகாரம் பெறுகிறார்கள். ¹³இவர்கள் ஒரே சிந்தையுள்ளவர்கள்; இவர்கள் தங்கள் வல்லமையையும் அதிகாரத்தையும் மிருகத்திற்கு ஒப்புக்கொடுக்கிறார்கள்.

¹⁴இவர்கள் ஆட்டுக்குட்டியானவரோடே யுத்தம்பண்ணுவார்கள், ஆட்டுக்குட்டியானவர் இவர்களை ஜெயிப்பார்; ஏனெனில் அவர் கர்த்தாதி கர்த்தரும் ராஜாதி ராஜாவுமாயிருக்கிறார்; அவரோடேகூட இருக்கிறவர்கள் அழைக்கப்பட்டவர்களும் தெரிந்துகொள்ளப்பட்டவர்களும் உண்மையுள்ளவர்களுமாயிருக்கிறார்கள்” என்றான். ¹⁵பின்னும் அந்தத் தூதன் என்னை நோக்கி: “அந்த வேசி உட்கார்ந்திருக்க நீ கண்ட தண்ணீர்கள் ஜனங்களும், திரள்கூட்டங்களும், ஜாதிகளும், பாஷைக்காரருமாம். ¹⁶நீ மிருகத்தின்மேல் கண்ட பத்துக் கொம்புகளானவைகள் அந்த வேசியைப் பகைத்து, அவளைப் பாழாக்கவும் நிர்வாணமாக்கவும் பண்ணி, அவளுடைய மாம்சத்தைப் பட்சித்து, அவளை அக்கினியினால் சுட்டெரித்துப்போடுவார்கள். ¹⁷ஏனெனில், தேவனுடைய வார்த்தைகள் நிறைவேறும்வரைக்கும், தமது சித்தத்தை நிறைவேற்றவும், ஒரே சிந்தையாய் ஒன்றித்து, தங்கள் ராஜ்யத்தை மிருகத்திற்குக் கொடுக்கவும், எங்கள் பிதா அவர்களுடைய இருதயங்களில் ஏவுதலை உண்டாக்கினார். ^a a v17 மிருகத்திற்குப் பணிசெய்யும் கலகக்கார ராஜாக்கள்கூட எங்கள் பிதாவின் சித்தத்தையே நிறைவேற்றுகிறார்கள். அவர் சரித்திரத்தை ஆட்டுக்குட்டியானவரின் வெற்றியை நோக்கி நடத்துகிறார். ¹⁸நீ கண்ட ஸ்திரீ பூமியின் ராஜாக்கள்மேல் ஆளுகைசெய்கிற மகா நகரமேயாம்” என்றான்.