Istoi Manasseh piigap Judah eng' Kwanda
Ki undoi Manasseh tuguuk tugul: koteech kogeny komoswek che torooreen, ak koteech kaptisisyosyek che po chaang'indap kipsengwet eng' kootap Kwandanyo, kobeel weeriinnyi, kocheeng' che poisyee oik, ak konyiitaat Jerusalem korotiik che ma po tengek. Mwaei Kwandanyo kole kobut nganaseet ko uu ye kibutenchi sanit. Ki sup Ammon ortinwegap kwandanyi ak kibar eng' koonnyi.
Ng'alaali Kwandanyo eng' mustarisyek 4, 7–8, 11–15
21 1Ki ek Manasseh laitoryat ye ki tinyei kenyiisyek taman ak aeng', ak ki laitoran kenyiisyek konom ak mut eng' Jerusalem. Ki ek kamennyi Hephzibah. 2Ki yai ne ya eng' taitap Kwandanyo, kosubi poisyonik che yaacheen che po pororyosyek che ki oon eng' taitap piigap Israel. 3Ki teech kogeny komoswek che torooreen che ki kobut kwandanyi Hezekiah, ak koteech kaptisisyosyek che po Baal, ak koyai Asera ko uu ne ki yai Ahab laitoryatap Israel, ak kong'uruukyin chaang'indap kipsengwet tugul ak koot.
4Ki teech kaptisisyosyek eng' kootap Kwandanyo, ne ki mwa kole, “Inde kainennyu eng' Jerusalem.”
5Ki teech kaptisisyosyek che po chaang'indap kipsengwet tugul eng' oldinwek aeng' tugul che po kootap Kwandanyo. 6Ki beel weeriinnyi eng' maat, ak koboisyee ponisyet ak ong'oorset, ak ki cheeng'ate che poisyee oik ak pooniik. Ki yai ne ya ne chaang' eng' konyegap Kwandanyo, kotach konereech.
7Kanamwet ne po Asera ne ki kiwai, ki tonone eng' koot ne ki mwachi Kwanda Daudi ak weeriinnyi Solomon kole, “Inde kainennyu koigeny eng' kooni ak eng' Jerusalem, ne kaalewen eng' pororyosyegap Israel tugul. 8Mamong'wei kelok Israel agaigai eng' emet ne ki agoochi kwanisyekwak, ngot kosup miising' tugul che aang'atiin, koriip Ng'atuutyet komugul ne ki agoochi otwogindennyu Musa.”
9Ago ma kigas pichooto; ki ibeete Manasseh si koyai ne ya ne siirei che po pororyosyek che ki wong'u Kwanda eng' taitap piigap Israel.
10Ki ng'alaal anyun Kwanda eng' otwogikyik maotik koleenji,
11“Amu ki yai Manasseh laitoryatap Judah tuguuchu che yaacheen—che ya kosiir Amorik tugul che ki indoune ineendet—ak ki ibeete Judah si koyai tengekto eng' kanamonikyik, 12nooto anyun kamwa Kwanda, Kamuktaindetap Israel, kole, Ibune yaityet eng' Jerusalem ak Judah ne tang'anyee itiik aeng' tugul che po chii age tugul ne kasei.
13“Achuul kobun Jerusalem porowet ne po kwaet ne po Samaria ak kipkwaetap kootap Ahab; aterter Jerusalem ko uu ye terterei chii dishon, aterter ak awelel. 14Abagaakte piik che ng'etunotiin che po porotennyu, akonde eunegap puunikwak—koek logeet ak koskoleny che po puunikwak tugul, 15amu ki yai pichooto ne ya eng' tainnyu ak kotacha, kong'eten peetuut ne ki togos kwanisyekwak eng' Misiri agoi rani.”
16Ki tumda Manasseh korotiik che chaang' che ma tinyei tengek agoi konyiit Jerusalem komugul, kobatena tengekto ne ki ibeete Judah, koyai ne ya eng' taitap Kwandanyo.
17Poisyonik che ng'etunotiin che po Manasseh, ak tuguuk tugul che ki yai, ak tengekto ne ki yai—ko tos ma ki sirchi kitabuutap ateptap peetuusyek ne po laitorinigap Judah? 18Ki ru Manasseh kobooto kwanisyekyik, ak ki tup ineendet eng' mbareetap koonnyi, mbareetap Uzzah. Ki ek weeriinnyi Ammon laitoryat kogeer ineendet.
Laitoran Ammon ak Kobagakta Kwanda
19Ki ek Ammon laitoryat ye ki tinyei kenyiisyek tiptem ak aeng', ak ki laitoran kenyiisyek aeng' eng' Jerusalem. Ki ek kamennyi Meshullemeth, tegetap Haruz, ne po Jotbah. 20Ki yai ne ya eng' taitap Kwandanyo, ko uu ne ki yai kwandanyi Manasseh. 21Ki subi ortinwegap kwandanyi tugul, koot ak kong'uruukyin kanamonik che ki oot kwandanyi. 22Ki bagakta Kwandanyo, Kamuktaindetap kwanisyekyik, ago ma ki bun ooreetap Kwandanyo. 23Ki chaam poisyegap Ammon ineendet ak kobar laitoryat eng' koonnyi ne po laitornatet. 24Ago ki bar piigap emet tugul che ki chaam laitoryat Ammon, ak koyai weeriinnyi Josiah koek laitoryat kogeer ineendet. 25Poisyonik che ng'etunotiin che po Ammon, che ki yai—ko tos ma ki sirchi kitabuutap ateptap peetuusyek ne po laitorinigap Judah? 26Ki tup ineendet eng' kererinnyi eng' mbareetap Uzzah, ak ki laitoran weeriinnyi Josiah kogeer ineendet.