مِنَسّه یهودانی آتادان دؤندَرئر
مِنَسّه هر شیی پوزار: پرستئشگاهلاری تزه‌دن تئکر، معبدئن ائچئنده گؤی قوشونونا قوربانگاهلار قورار، اؤز اوغلونو اوددا یاندیرار، روح‌چاغیرانلارا طرف دؤنر و اورشلئمی گوناهسیز قانلا دولدورار. آتامیز دیئر کی، شهری بئر بوشقاب کئمی سئله‌جک. آمون آتاسینین یوللارینی داوام ادر و اؤز سارایندا اؤلدورولور.
21 1مِنَسّه اون‌ائکی یاشیندا پادشاه اولدو و اورشلئمده اَلّی بش ائل پادشاهلیق اتدی. آناسی خِفصی‌با ائدی. 2او، آتامیزین گؤزونده پئس اولان ائشلر اتدی و ائسرایئل اؤولادلارینین قاباغیندان قوودوغو مئلّتلرئن ائیرنج رسم-روسوملارینی تقلئد اتدی. 3او، آتاسی خئزقئیانین داغیتدیغی پرستئشگاهلاری تزه‌دن تئکدی، بَعَله قوربانگاهلار قوردو و ائسرایئل پادشاهی اَخابین اتدئیی کئمی بئر اَشِرا بوتو دوزَلتدی، بوتون گؤی قوشونونا سجده ادئب اونلارا قوللوق اتدی.
4او، آتامیزین اِوئنده قوربانگاهلار تئکدی کی، اونون باره‌سئنده ددی: «اورشلئمده آدیمی قویاجاغام.»
5او، آتامیزین اِوئنئن هر ائکی حیطئنده بوتون گؤی قوشونونا قوربانگاهلار تئکدی. 6او، اؤز اوغلونو اوددا قوربان اتدی، جادوگرلئک و فالچیلیق اتدی، جئندارلارا و روح‌چاغیرانلارا طرف دؤندو. او، آتامیزین گؤزونده چوخلو پئسلئک ادئب اونو قضبلَندئردی.
7او، دوزَلتدئیی اویما اَشِرا بوتونو، آتامیزین داوودا و اونون اوغلو سولیمانا ددئیی اِوده قویدو: «بو اِوده و ائسرایئلئن بوتون قبئله‌لرئندن سچدئیئم اورشلئمده، آدیمی ابدی اولاراق قویاجاغام. 8اگر اونلارا امر اتدئیئم هر شیی و قولوم موسانین اونلارا وردئیی بوتون شرئعتی دئقّتله ساخلاسالار، ائسرایئلئن آیاقلارینی، اجدادلارینا وردئیئم تورپاغدان گئنه آوارا اتمه‌یه‌جه‌یم.»
9آمّا اونلار قولاق آسمادیلار. مِنَسّه اونلاری آزدیردی کی، آتامیزین ائسرایئل اؤولادلارینین قاباغیندان محو اتدئیی مئلّتلردن داها چوخ پئسلئک اتسئنلر.
10اونا گؤره ده آتامیز اؤز قوللاری پیغمبرلرئن واسئطه‌سئله دانیشیب ددی:
11«یهودا پادشاهی مِنَسّه بو ائیرنج ائشلری اتدئیئنه گؤره، اؤزوندن قاباق اولان بوتون اَموری‌لردن داها پئسلئک ادئب و اؤز بوتلری ائله یهودانی گوناها باتیردیغینا گؤره، 12اونا گؤره آتامیز، ائسرایئلئن تاریسی بله دیئر: اورشلئمئن و یهودانین اوستونه اله بئر بلا گتئره‌جیم کی، اونو اشئدن هر کسئن هر ائکی قولاغی جئنگئلده‌یه‌جک.
13”اورشلئمئن اوستونه سامئره‌نئن اؤلچو ائپئنی و اَخابین اِوئنئن شاقولونو چکه‌جیم؛ اورشلئمی بئر قابی سئلَن کئمی سئله‌جیم، سئلئب اوزو اوسته چئیئره‌جه‌یم. 14مئراثیمین قالانینی ترک ادئب، اونلاری دوشمنلرئنئن اَلئنه وره‌جه‌یم؛ بوتون دوشمنلرئنه شئکار و قنئمت اولاجاقلار، 15چونکی اجدادلاری مئصئردن چیخان گوندن بو گونه کئمی اونلار منئم گؤزومده پئسلئک ادئب منی قضبلَندئرئبلر.“»
16مِنَسّه آتامیزین گؤزونده پئسلئک ادئب یهودانی باتیردیغی گوناهدان علاوه، اله چوخلو گوناهسیز قان تؤکدو کی، اورشلئمی بئر اوجدان او بئری اوجا کئمی دولدوردو.
17مِنَسّه‌نئن قالان ائشلری، اونون اتدئیی هر شی و ائشلَتدئیی گوناه باره‌ده مگر یهودا پادشاهلارینین سالنامه‌لر کئتابیندا یازیلماییبدیر؟ 18مِنَسّه اجدادلاری ائله یاتدی و اؤز سارایینین باغیندا، یعنی عوزّا باغیندا باسدیریلدی. اونون یرئنه اوغلو آمون پادشاه اولدو.
آمون پادشاهلیق ادئب آتانی ترک ادئر
19آمون ائیئرمی‌ائکی یاشیندا پادشاه اولدو و اورشلئمده ائکی ائل پادشاهلیق اتدی. آناسی یوطبالی خَروصون قیزی مِشولِمِت ائدی. 20او، آتاسی مِنَسّه‌نئن اتدئیی کئمی، آتامیزین گؤزونده پئس اولان ائشلر اتدی. 21او، آتاسینین گتدئیی بوتون یوللارلا گتدی و آتاسینین قوللوق اتدئیی بوتلره قوللوق ادئب اونلارا سجده اتدی. 22او، اجدادلارینین تاریسی آتامیزی ترک اتدی و آتامیزین یولو ائله گتمه‌دی. 23آمونون اعیانلاری اونون ضئدّئنه فئتنه قوروب پادشاهی اؤز ساراییندا اؤلدوردولر. 24آمّا اؤلکه خالقی آمون پادشاهین ضئدّئنه فئتنه قورانلارین هامیسینی اؤلدوردو و اونون یرئنه اوغلو یوشئیانی پادشاه اتدئلر. 25آمونون قالان ائشلری باره‌ده مگر یهودا پادشاهلارینین سالنامه‌لر کئتابیندا یازیلماییبدیر؟ 26او، عوزّا باغیندا اؤز قبئرئنده باسدیریلدی و اونون یرئنه اوغلو یوشئیا پادشاه اولدو.
