یوشئیا آتانین حوضوروندا دوغرو ایش گؤرور
معبدئن تعمئری زامانی باش کاهئن شرئعت کئتابینی تاپار، و او اوجا سَسله اوخونان واخت یوشئیا پالتارلارینی جیرار. او، خولدا پیغمبره آدام گؤندَرَر؛ خولدا تصدئق ادر کی، آتامیزین بلاسی گلئر، آمّا دیئر کی، اوره‌یی یوموشاق اولدوغو اوچون او، اوّلجه باسدیریلاجاق.
22 1یوشئیا پادشاه اولاندا سکّئز یاشیندا ائدی و اورشلئمده اوتوز بئر ائل پادشاهلیق اتدی. آناسینین آدی بوصقَتلی عَدایا قیزی یِدئدا ائدی. 2او، آتامیزین گؤزونده دوغرو ایش گؤردو و آتاسی داوودون بوتون یوللاری ائله گدئب، نه صاغا، نه ده سولا دؤنمه‌دی.
3یوشئیا پادشاهین اون سکّئزئنجی ائلئنده، او، مئشولّام اوغلو اَصَلیا اوغلو مئرزه شافانی آتامیزین اِوئنه گؤندَ‌رئب ددی: 4«باش کاهئن خئلقئیانین یانینا گئت و قوی او، آتامیزین اِوئنه گتئرئلَن، قاپیچیلارین خالقدان ییغدیغی پولو حسابلاسین. 5قوی او پول آتامیزین اِوئنده‌کی ائشه نظارت ادن باش ریئسلرئن الئنه ورئلسئن و اونلار دا بو پولو آتامیزین اِوئنئن زئیانلارینی تعمئر ادن ائشچئلره ورسئنلر. 6دولگرلره، بَنّالارا و داشچیلارا؛ و اِوی تعمئر اتمک اوچون تاختا و یونولموش داش آلماغا. 7اونلارا امانت ورئلَن پولون حسابی سوروشولمور، چونکی اونلار صداقتله رفتار ادئرلر.»
شرئعت کئتابی تاپیلیر
8باش کاهئن خئلقئیا مئرزه شافانا ددی: «آتامیزین اِوئنده شرئعت کئتابینی تاپدیم.» سونرا اونو شافانا وردی و او، اونو اوخودو. 9مئرزه شافان پادشاها ددی: «قوللارین معبدده تاپیلان پولو تؤکوب آتامیزین اِوئنده‌کی ائشچئلره و باش ریئسلره وردئلر.» 10مئرزه شافان پادشاها ددی: «کاهئن خئلقئیا منه بئر طومار وردی.» و اونو پادشاهین قاباغیندا اوجا سَسله اوخودو.
11پادشاه شرئعت کئتابینین سؤزلرئنی اشئدنده، پالتارلارینی جیردی. 12پادشاه کاهئن خئلقئیایا، شافان اوغلو اَخئقاما، مئکایا اوغلو آکبورا، مئرزه شافانا و پادشاهین قولو عَسایایا امر ادئب ددی: 13«گدئن، منئم اوچون، خالق اوچون و بوتون یهودا اوچون بو تاپیلان کئتابین سؤزلری باره‌ده آتامیزدان سوروشون. چونکی آتامیزین بئزئم ضئدّئمئزه آلوولانان قضبی بؤیوکدور، اونا گؤره کی، اجدادلاریمیز بو کئتابین سؤزلرئنه قولاق آسمادیلار و بئزئم حاقّیمیزدا یازیلان هر شیی یرئنه یتئرمه‌دئلر.»
14بله‌جه کاهئن خئلقئیا، اَخئقام، آکبور، شافان و عَسایا، قادین پیغمبر خولدانین یانینا گتدئلر. او، پالتار کشئکچئسی خارخاس اوغلو تئقوا اوغلو شَلّومون آروادی ائدی و اورشلئمئن ائکئنجی محلّه‌سئنده یاشاییردی. اونلار اونونلا دانیشدیلار.
15او، اونلارا ددی: «ائسرایئلئن تاریسی آتامیز بله دیئر: سئزی منئم یانیما گؤندَ‌رَن آداما دِه کی، 16آتامیز بله دیئر: من بو یره و اونون ساکئنلرئنه بلا گتئرئرم، یعنی یهودا پادشاهینین کئتابدا اوخودوغو بوتون سؤزلری. 17اونا گؤره کی، اونلار منی ترک ادئب باشقا آللاهلارا بوخور یاندیردیلار و اؤز اَللرئنئن بوتون ائشلری ائله منی قضبلَندئردئلر، منئم قضبئم بو یرئن ضئدّئنه آلوولانیب سؤنمه‌یه‌جک.
18آمّا سئزی آتادان سوروشماغا گؤندَ‌رَن یهودا پادشاهینا دِه: ائسرایئلئن تاریسی آتامیز اشئتدئیئن سؤزلر باره‌ده بله دیئر:
19چونکی من بو یرئن و اونون ساکئنلرئنئن ضئدّئنه ددئیئم سؤزلری، یعنی اونلارین وئرانه‌لئیه و لعنته دؤنه‌جکلرئنی اشئدنده، سنئن اوره‌یئن یوموشالدی و آتانین قاباغیندا اؤزونو آلچالتدین و پالتارلارینی جیریب منئم قاباغیمدا آغلادین؛ اونا گؤره من ده سنی اشئتدئم، آتا بویورور. 20اونا گؤره من سنی اجدادلارینین یانینا ییغاجاغام و سن سالامات ائچئنده قبئرئنه قویولاجاقسان و گؤزلرئن بو یره گتئره‌جیم بوتون بلانی گؤرمه‌یه‌جک.» سونرا اونلار اونون جاوابینی پادشاها گتئردئلر.
