2 ነገሥት 22

22 ¹ኢዮስያስ ሲነግሥ የስምንት ዓመት ልጅ ነበር፤ በኢየሩሳሌምም ሠላሳ አንድ ዓመት ነገሠ፤ የእናቱ ስም ከቦዝቃት የመጣችው የዐዳያ ልጅ ይዲዳ ነበረች። ²በአባቱ በዳዊት መንገድ ሁሉ እየተመላለሰ፣ ወደ ቀኝም ሆነ ወደ ግራ ሳይታጠፍ፣ በአባታችን ፊት መልካሙን አደረገ።

³ንጉሡ ኢዮስያስ በነገሠ በዐሥራ ስምንተኛው ዓመት፣ የመሹላም ልጅ የሆነውን የአዛልያን ልጅ ጸሐፊውን ሳፋንን ወደ አባታችን ቤት ላከ፤ እንዲህም አለው፤ ⁴ወደ ሊቀ ካህናቱ ወደ ኬልቅያስ ውጣ፤ በረኛዎቹ ከሕዝቡ የሰበሰቡትን፣ ወደ አባታችን ቤት የገባውን ገንዘብ ያስቈጥረው። ⁵በአባታችንም ቤት ሥራ ላይ ለተሾሙት ተቈጣጣሪዎች ስጠው፤ እነርሱም በአባታችን ቤት ጒዳቱን ለሚጠግኑት ሠራተኞች ይክፈሉ፤ ⁶ለዐናጺዎች፣ ለግንበኞችና ለድንጋይ ጠራቢዎች፣ ቤቱን ለመጠገንም ዕንጨትና የተጠረበ ድንጋይ ለመግዛት ይስጡ። ⁷ታማኝ ሆነው ስለሚሠሩ፣ በእጃቸው ስለ ተሰጠው ገንዘብ ሒሳብ አይጠየቁም።

የሕጉ መጽሐፍ ተገኘ

⁸ሊቀ ካህናቱ ኬልቅያስ ጸሐፊውን ሳፋንን፣ “የሕጉን መጽሐፍ በአባታችን ቤት አገኘሁት” አለው፤ መጽሐፉንም ለሳፋን ሰጠው፤ እርሱም አነበበው። ⁹ጸሐፊው ሳፋን ወደ ንጉሡ መጥቶ፣ “ባሪያዎችህ በቤተ መቅደሱ የተገኘውን ገንዘብ አፈሰሱ፤ በአባታችንም ቤት ላሉት ሠራተኞችና ተቈጣጣሪዎች ሰጡት” አለው። ¹⁰ጸሐፊው ሳፋን ደግሞ ንጉሡን፣ “ካህኑ ኬልቅያስ አንድ ጥቅልል ጽሑፍ ሰጠኝ” አለው፤ ሳፋንም በፊቱ ጮሆ አነበበው።

¹¹ንጉሡም የሕጉን መጽሐፍ ቃል በሰማ ጊዜ ልብሱን ቀደደ። ¹²ንጉሡም ካህኑን ኬልቅያስን፣ የሳፋንን ልጅ አኪቃምን፣ የሚካያስን ልጅ አክቦርን፣ ጸሐፊውን ሳፋንንና የንጉሡን ባሪያ አሣያስን እንዲህ ብሎ አዘዛቸው፤ ¹³“ሂዱ፤ ስለዚህ ስለ ተገኘው መጽሐፍ ቃል ስለ እኔ፣ ስለ ሕዝቡና ስለ ይሁዳ ሁሉ አባታችንን ጠይቁልኝ፤ አባቶቻችን ስለ እኛ የተጻፈውን ሁሉ በማድረግ የዚህን መጽሐፍ ቃል ስላልሰሙ፣ በእኛ ላይ የነደደው የአባታችን ቍጣ ታላቅ ነውና።”

¹⁴ስለዚህ ካህኑ ኬልቅያስ፣ አኪቃም፣ አክቦር፣ ሳፋንና አሣያስ፣ በኢየሩሳሌም በሁለተኛው ክፍለ ከተማ ወደምትኖረው፣ የልብስ ጓዳ ጠባቂ ወደ ነበረው ወደ ሐርሐስ ልጅ ወደ ቲቁዋ ልጅ ወደ ሰሎም ሚስት ወደ ነቢይቷ ወደ ሕልዳ ሄዱ፤ ከእርሷም ጋራ ተነጋገሩ።

¹⁵እርሷም እንዲህ አለቻቸው፤ “የእስራኤል አምላክ አባታችን እንዲህ ይላል፤ ወደ እኔ የላካችሁን ሰው እንዲህ በሉት፤ ¹⁶አባታችን እንዲህ ይላል፤ እነሆ፣ የይሁዳ ንጉሥ በመጽሐፉ ያነበበውን ቃል ሁሉ፣ በዚህ ስፍራና በሚኖሩበት ሰዎች ላይ መቅሠፍት አመጣለሁ፤ ¹⁷ስለ ተዉኝ፣ ለሌሎች አማልክትም ዕጣን ስላጠኑ፣ በእጃቸውም ሥራ ሁሉ ወደ ቍጣ ስለ አነሣሱኝ፣ ቍጣዬ በዚህ ስፍራ ላይ ይነድዳል፤ አይጠፋምም።

¹⁸አባታችንን ትጠይቅ ዘንድ የላካችሁን የይሁዳን ንጉሥ እንዲህ በሉት፤ የእስራኤል አምላክ አባታችን ስለ ሰማኸው ቃል እንዲህ ይላል፤

¹⁹በዚህ ስፍራና በሚኖሩበት ሰዎች ላይ ባተ ፍርስራሽና ዕርግማን ይሆናሉ ብዬ የተናገርሁትን በሰማህ ጊዜ፣ ልብህ ስለ ራራና በአባታችን ፊት ራስህን ስላዋረድህ፣ ልብስህንም ስለ ቀደድህና በፊቴ ስላለቀስህ፣ እኔ ደግሞ ሰምቼሃለሁ፤ ይላል አባታችን። ²⁰ስለዚህ ወደ አባቶችህ እሰበስብሃለሁ፤ በሰላም ወደ መቃብርህ ትሰበሰባለህ፤ በዚህ ስፍራ ላይ የማመጣውን መቅሠፍት ሁሉ ዐይኖችህ አያዩም።” እነርሱም ይህን መልስ ወደ ንጉሡ መለሱ።