Cakuthawira Cathu na Mphambvu Yathu
Kwa ntsogoleri wa anyakuimba. Wa ana a Kora. Mwakubverana na Alamoti. Nyimbo.
Maseze dziko igwe na mapiri agwere n'bara, nzinda uyu uli na mkulo unapita m'kati mwace na nyakukhala m'kati mwace. Baba wathu aphwanya mauta na kupisa pikhabo mpaka nkhondo kumala, natenepa alonga fala yace ibodzi: khalani mwakukhonda kuthimbirika, mbadziwani.
46 1Baba wathu ndi cakuthawira cathu na mphambvu yathu, ciphedzo cakukhala pafupi n'dzidzi onsene wa nyatwa. 2Na tenepo nkhabe tinadzagopa, maseze dziko igwe na mapiri agwere n'kati mwa bara, 3maseze madzi awo abangule mbacita cifufu, maseze mapiri atetemere thangwi ya kudzumuka kwawo.
4Pana nkulo wakuti nzice zace zisabweresa kutsandzaya ku nzinda wa Baba wathu, mbuto yakucena yakukhala ya Wankulu Kakamwe. 5Baba wathu ali n'kati mwace; nkhabe kudzagwedezeka. Baba wathu anadzauphedza pa kucena kwa ntsiku. 6Mitundu ya anthu isaipirwa, maumambo asagwedezeka; Iye asakuza fala yace, dziko isasungunuka. 7Baba wa mankhondo a kudzulu ali na ife; Mulungu wa Yakobe ndi linga yathu. a a v7 Mafala akuti “Baba wa mankhondo a kudzulu” asathumburuza dzina ya Cihebri ya ntsogoleri wa mankhondo onsene a kudzulu — Baba m'bodzi ene ule ndi linga yakukhonda kugwedezeka ya mbumba yace.
8Bwerani, muone mabasa a Baba wathu, ule abweresa kufudza kukulu pa dziko. 9Iye asamalisa nkhondo mpaka kumapeto kwa dziko; asaswa uta mbagwanda dipa, asapisa zishango na moto.
10“Khalani dzii, mbamudziwa kuti Ine ndine Baba. Ndinadzakuzwa pakati pa mitundu ya anthu; ndinadzakuzwa pa dziko.” b b v10 Mathumburuzo anango asaleri kuti “dziwani kuti Ine ndine Mulungu”; FHB isabva Baba mbapangiza dzina yace yene, mbacemera ngakhala mitundu ya anthu yakuipirwa toera isiye kumenyana mbandziwa Iye ninga Baba.
11Baba wa mankhondo a kudzulu ali na ife; Mulungu wa Yakobe ndi linga yathu.
