ବିଜୟ ତୁମ୍ଭ ପିତାଙ୍କ ଦାନ
ନିଜକୁ କୁହ ନାହିଁ ଯେ ତୁମ୍ଭର ଧାର୍ମିକତା ହେତୁ ତୁମ୍ଭର ପିତା ତୁମ୍ଭକୁ ଏହି ଦେଶ ଦେଉଛନ୍ତି। ମୋଶା ସୁନା ବାଛୁରି, ଭଙ୍ଗା ପ୍ରସ୍ତରଫଳକ, ଚାଳିଶ ଦିନ ମୁହଁ ମାଡ଼ି ପଡ଼ି ରହିବା, ଏବଂ ବିନାଶ ପାଇଁ ପ୍ରସ୍ତୁତ ଏକ ଜାତି ପାଇଁ — ଓ ହାରୋଣଙ୍କ ପାଇଁ — ମିନତି କରିବା କଥା ବର୍ଣ୍ଣନା କରନ୍ତି। ମୁଁ ତୁମ୍ଭମାନଙ୍କୁ ଜାଣିବା ଦିନଠାରୁ ତୁମ୍ଭେମାନେ ବିଦ୍ରୋହୀ ହୋଇ ଆସିଅଛ।
9 1ହେ ଇସ୍ରାଏଲ, ଶୁଣ; ଆଜି ତୁମ୍ଭେ ଯର୍ଦନ ପାର ହୋଇ, ଆପଣା ଅପେକ୍ଷା ବୃହତ୍ ଓ ବଳବାନ ଗୋଷ୍ଠୀମାନଙ୍କୁ, ଅର୍ଥାତ୍ ଆକାଶ ପର୍ଯ୍ୟନ୍ତ ସୁଦୃଢ଼ ବୃହତ୍ ନଗରସମୂହକୁ ତଡ଼ିଦେବା ନିମନ୍ତେ ପ୍ରବେଶ କରିବାକୁ ଯାଉଅଛ। 2ସେମାନେ ବୃହତ୍ ଓ ଦୀର୍ଘକାୟ ଲୋକ, ଅନାକୀୟମାନଙ୍କ ବଂଶଜ, ଯେଉଁମାନଙ୍କୁ ତୁମ୍ଭେ ଜାଣ ଓ ଯେଉଁମାନଙ୍କ ବିଷୟରେ ଏହା କୁହାଯାଉଥିବା ଶୁଣିଅଛ, “ଅନାକର ସନ୍ତାନମାନଙ୍କ ବିରୁଦ୍ଧରେ କିଏ ଠିଆ ହୋଇ ପାରେ?” 3ଏଣୁ ଆଜି ଜାଣ, ତୁମ୍ଭ ପିତା ଗ୍ରାସକାରୀ ଅଗ୍ନି ସ୍ଵରୂପେ ତୁମ୍ଭ ଆଗେ ଆଗେ ପାର ହୋଇ ଯାଉଅଛନ୍ତି। ସେ ସେମାନଙ୍କୁ ବିନାଶ କରିବେ ଓ ତୁମ୍ଭ ସମ୍ମୁଖରେ ସେମାନଙ୍କୁ ପରାସ୍ତ କରିବେ; ପୁଣି ତୁମ୍ଭ ପିତା ତୁମ୍ଭକୁ ଯେପରି କହିଅଛନ୍ତି, ସେପରି ତୁମ୍ଭେ ଶୀଘ୍ର ସେମାନଙ୍କୁ ତଡ଼ିଦେଇ ବିନଷ୍ଟ କରିବ।
4ତୁମ୍ଭ ପିତା ତୁମ୍ଭ ସମ୍ମୁଖରୁ ସେମାନଙ୍କୁ ତଡ଼ିଦେଲା ଉତ୍ତାରେ ତୁମ୍ଭେ ଆପଣା ମନରେ ଏହା କହିବ ନାହିଁ, “ମୋହର ଧାର୍ମିକତା ସକାଶୁ ଆମ୍ଭମାନଙ୍କ ପିତା ଏହି ଦେଶ ଅଧିକାର କରିବା ନିମନ୍ତେ ମୋତେ ଭିତରକୁ ଆଣିଲେ” — ମାତ୍ର ଏହି ଗୋଷ୍ଠୀମାନଙ୍କ ଦୁଷ୍ଟତା ସକାଶୁ ହିଁ ସେ ତୁମ୍ଭ ସମ୍ମୁଖରୁ ସେମାନଙ୍କୁ ତଡ଼ିଦେଉଅଛନ୍ତି। 5ତୁମ୍ଭର ଧାର୍ମିକତା କିମ୍ବା ତୁମ୍ଭ ମନର ସରଳତା ସକାଶୁ ତୁମ୍ଭେ ସେମାନଙ୍କ ଦେଶ ଅଧିକାର କରିବାକୁ ପ୍ରବେଶ କରୁ ନାହଁ, ମାତ୍ର ଏହି ଗୋଷ୍ଠୀମାନଙ୍କ ଦୁଷ୍ଟତା ସକାଶୁ ତୁମ୍ଭ ପିତା ତୁମ୍ଭ ସମ୍ମୁଖରୁ ସେମାନଙ୍କୁ ତଡ଼ିଦେଉଅଛନ୍ତି, ପୁଣି ତୁମ୍ଭ ପିତା ଅବ୍ରହାମ, ଇସ୍ହାକ ଓ ଯାକୁବ, ତୁମ୍ଭ ପିତୃପୁରୁଷଙ୍କ ନିକଟରେ ଯେଉଁ ବାକ୍ୟ ଶପଥ କରିଥିଲେ, ତାହା ସଫଳ କରିବା ନିମନ୍ତେ। 6ଏଣୁ ଜାଣ, ତୁମ୍ଭର ଧାର୍ମିକତା ସକାଶୁ ନୁହେଁ, ତୁମ୍ଭ ପିତା ଏହି ଉତ୍ତମ ଦେଶ ଅଧିକାର କରିବା ନିମନ୍ତେ ତୁମ୍ଭକୁ ଦେଉଅଛନ୍ତି; କାରଣ ତୁମ୍ଭେ ଶକ୍ତଗ୍ରୀବ ଲୋକ ଅଟ।
ଆପଣା ପିତାଙ୍କୁ ପରୀକ୍ଷା କରିଥିବା ଏକ ଲୋକ
7ତୁମ୍ଭେ ପ୍ରାନ୍ତରରେ ଆପଣା ପିତାଙ୍କୁ କିପରି କ୍ରୋଧ ଜନ୍ମାଇଥିଲ, ତାହା ସ୍ମରଣ କର, ପାସୋର ନାହିଁ। ତୁମ୍ଭେ ମିସର ଦେଶରୁ ବାହାରି ଆସିବା ଦିନଠାରୁ ଏହି ସ୍ଥାନରେ ଉପସ୍ଥିତ ହେବା ପର୍ଯ୍ୟନ୍ତ ଆପଣା ପିତାଙ୍କ ବିରୁଦ୍ଧରେ ବିଦ୍ରୋହ କରିଅଛ। 8ହୋରେବରେ ତୁମ୍ଭେ ଆପଣା ପିତାଙ୍କୁ କ୍ରୋଧ ଜନ୍ମାଇଲ, ଆଉ ତୁମ୍ଭ ପିତା ତୁମ୍ଭ ପ୍ରତି ଏତେ କ୍ରୁଦ୍ଧ ହେଲେ ଯେ, ସେ ତୁମ୍ଭକୁ ବିନାଶ କରିବାକୁ ଉଦ୍ୟତ ହେଲେ। a a v8 ହୋରେବ ସୀନୟ ପର୍ବତର ଅନ୍ୟ ଏକ ନାମ, ଯେଉଁ ପର୍ବତରେ ଆମ୍ଭମାନଙ୍କ ପିତା ନିୟମ ଦେଇଥିଲେ। 9ଯେତେବେଳେ ମୁଁ ପ୍ରସ୍ତର ଫଳକ, ଅର୍ଥାତ୍ ତୁମ୍ଭ ପିତା ତୁମ୍ଭ ସହିତ ଯେଉଁ ନିୟମ କରିଥିଲେ, ସେହି ନିୟମର ଫଳକ ଗ୍ରହଣ କରିବା ନିମନ୍ତେ ପର୍ବତ ଉପରକୁ ଚଢ଼ିଲି, ସେତେବେଳେ ମୁଁ ଅନ୍ନ ନ ଖାଇ ଓ ଜଳ ନ ପିଇ ଚାଳିଶ ଦିନ ଓ ଚାଳିଶ ରାତ୍ରି ପର୍ବତ ଉପରେ ରହିଲି। 10ତୁମ୍ଭ ପିତା ମୋତେ ଆପଣା ଅଙ୍ଗୁଳିରେ ଲିଖିତ ଦୁଇ ପ୍ରସ୍ତର ଫଳକ ଦେଲେ; ସମାଜ-ଦିନରେ ପର୍ବତରେ ଅଗ୍ନି ମଧ୍ୟରୁ ସେ ତୁମ୍ଭମାନଙ୍କ ସହିତ ଯେସମସ୍ତ ବାକ୍ୟ କହିଥିଲେ, ତାହାସବୁ ସେଥିରେ ଥିଲା। 11ଚାଳିଶ ଦିନ ଓ ଚାଳିଶ ରାତ୍ରି ଉତ୍ତାରେ ତୁମ୍ଭ ପିତା ମୋତେ ସେହି ଦୁଇ ପ୍ରସ୍ତର ଫଳକ, ଅର୍ଥାତ୍ ନିୟମର ଫଳକ ଦେଲେ।
12ତହିଁ ଉତ୍ତାରେ ତୁମ୍ଭ ପିତା ମୋତେ କହିଲେ, “ଉଠ, ଏଠାରୁ ଶୀଘ୍ର ତଳକୁ ଓହ୍ଲାଇ ଯାଅ; କାରଣ ତୁମ୍ଭେ ମିସରରୁ ବାହାର କରି ଆଣିଥିବା ତୁମ୍ଭ ଲୋକମାନେ ଆପଣାମାନଙ୍କୁ ଭ୍ରଷ୍ଟ କରିଅଛନ୍ତି। ଆମ୍ଭେ ସେମାନଙ୍କୁ ଯେଉଁ ପଥ ବିଷୟରେ ଆଜ୍ଞା ଦେଇଥିଲୁ, ତହିଁରୁ ସେମାନେ ଶୀଘ୍ର ବିମୁଖ ହୋଇଅଛନ୍ତି; ସେମାନେ ଆପଣାମାନଙ୍କ ନିମନ୍ତେ ଏକ ଛାଞ୍ଚରେ ଢଳା ପ୍ରତିମା ନିର୍ମାଣ କରିଅଛନ୍ତି।”
13ଆହୁରି ତୁମ୍ଭ ପିତା ମୋତେ କହିଲେ, “ଆମ୍ଭେ ଏହି ଲୋକମାନଙ୍କୁ ଦେଖିଅଛୁ; ଦେଖ, ଏମାନେ ଶକ୍ତଗ୍ରୀବ ଲୋକ ଅଟନ୍ତି। 14ଆମ୍ଭକୁ ଛାଡ଼ିଦିଅ, ଆମ୍ଭେ ସେମାନଙ୍କୁ ବିନାଶ କରିବା ଓ ଆକାଶ ତଳୁ ସେମାନଙ୍କ ନାମ ଲୋପ କରିବା, ପୁଣି ତୁମ୍ଭକୁ ସେମାନଙ୍କ ଅପେକ୍ଷା ବଳବାନ ଓ ବହୁସଂଖ୍ୟକ ଗୋଷ୍ଠୀ କରିବା।”
15ତେଣୁ ମୁଁ ବୁଲିପଡ଼ି ପର୍ବତରୁ ଓହ୍ଲାଇ ଆସିଲି, ସେସମୟରେ ପର୍ବତ ଅଗ୍ନିରେ ଜ୍ଵଳୁଥିଲା, ଆଉ ମୋʼ ଦୁଇ ହସ୍ତରେ ନିୟମର ଦୁଇ ଫଳକ ଥିଲା। 16ଯେତେବେଳେ ମୁଁ ଅନାଇଲି, ସେତେବେଳେ ଦେଖିଲି ଯେ, ତୁମ୍ଭେ ଆପଣା ପିତାଙ୍କ ବିରୁଦ୍ଧରେ ପାପ କରିଅଛ; ତୁମ୍ଭ ପିତା ତୁମ୍ଭକୁ ଆଜ୍ଞା ଦେଇଥିବା ପଥରୁ ଶୀଘ୍ର ବିମୁଖ ହୋଇ ତୁମ୍ଭେ ଆପଣାମାନଙ୍କ ନିମନ୍ତେ ଏକ ଛାଞ୍ଚରେ ଢଳା ବାଛୁରି ନିର୍ମାଣ କରିଥିଲ। 17ତେଣୁ ମୁଁ ସେହି ଦୁଇ ଫଳକ ଧରି ଆପଣା ଦୁଇ ହସ୍ତରୁ ସେଗୁଡ଼ିକ ଫିଙ୍ଗିଦେଇ ତୁମ୍ଭମାନଙ୍କ ଦୃଷ୍ଟି ଆଗରେ ଭାଙ୍ଗି ପକାଇଲି। 18ପୁଣି ମୁଁ ପୂର୍ବ ପରି ଅନ୍ନ ନ ଖାଇ ଓ ଜଳ ନ ପିଇ ଚାଳିଶ ଦିନ ଓ ଚାଳିଶ ରାତ୍ରି ତୁମ୍ଭ ପିତାଙ୍କ ସମ୍ମୁଖରେ ଉବୁଡ଼ ହୋଇ ପଡ଼ିଲି; କାରଣ ତୁମ୍ଭେ ଆପଣା ପିତାଙ୍କ ଦୃଷ୍ଟିରେ କୁକର୍ମ କରି ତାହାଙ୍କୁ ବିରକ୍ତ କରିବା ଦ୍ଵାରା ଯେଉଁ ସମସ୍ତ ପାପ କରିଥିଲ, ତହିଁ ସକାଶୁ। 19କାରଣ ତୁମ୍ଭ ପିତା ତୁମ୍ଭକୁ ବିନାଶ କରିବା ନିମନ୍ତେ ଉଦ୍ୟତ ହୋଇ ତୁମ୍ଭ ପ୍ରତି ଯେଉଁ କ୍ରୋଧ ଓ ପ୍ରଜ୍ଵଳିତ କୋପ ଧାରଣ କରିଥିଲେ, ତାହାକୁ ମୁଁ ଭୟ କଲି। ମାତ୍ର ସେତେବେଳେ ମଧ୍ୟ ତୁମ୍ଭ ପିତା ମୋʼ କଥା ଶୁଣିଲେ। 20ତୁମ୍ଭ ପିତା ହାରୋଣ ଉପରେ ଅତିଶୟ କ୍ରୁଦ୍ଧ ହୋଇ ତାହାଙ୍କୁ ବିନାଶ କରିବାକୁ ଉଦ୍ୟତ ହେଲେ; ଏଣୁ ସେତେବେଳେ ମୁଁ ହାରୋଣଙ୍କ ନିମନ୍ତେ ମଧ୍ୟ ପ୍ରାର୍ଥନା କଲି। 21ପୁଣି ମୁଁ ତୁମ୍ଭମାନଙ୍କ ପାପ, ଅର୍ଥାତ୍ ତୁମ୍ଭେ ନିର୍ମାଣ କରିଥିବା ବାଛୁରିକୁ ନେଇ ଅଗ୍ନିରେ ଦଗ୍ଧ କଲି, ପୁଣି ତାହାକୁ ଚୂର୍ଣ୍ଣ କରି ଧୂଳି ପରି ସୂକ୍ଷ୍ମ ନ ହେବା ପର୍ଯ୍ୟନ୍ତ ଉତ୍ତମ ରୂପେ ପେଷିଲି; ତହିଁ ଉତ୍ତାରେ ତାହାର ଧୂଳି ପର୍ବତରୁ ବହି ଆସୁଥିବା ସ୍ରୋତରେ ପକାଇଦେଲି। 22ତବୀୟରାରେ ମଧ୍ୟ, ପୁଣି ମଃସାରେ ଓ କିବ୍ରୋତ୍-ହତ୍ତାବାରେ ତୁମ୍ଭେ ଆପଣା ପିତାଙ୍କୁ କ୍ରୋଧ ଜନ୍ମାଇଲ। 23ଯେତେବେଳେ ତୁମ୍ଭ ପିତା କାଦେଶ-ବର୍ଣ୍ଣେୟରୁ ତୁମ୍ଭକୁ ପ୍ରେରଣ କରି କହିଲେ, “ତୁମ୍ଭମାନଙ୍କୁ ଆମ୍ଭେ ଯେଉଁ ଦେଶ ଦେଇଅଛୁ, ତାହା ଅଧିକାର କରିବାକୁ ଯାଅ,” ସେତେବେଳେ ତୁମ୍ଭେ ଆପଣା ପିତାଙ୍କ ଆଜ୍ଞା ବିରୁଦ୍ଧରେ ବିଦ୍ରୋହ କଲ, ତାହାଙ୍କଠାରେ ବିଶ୍ଵାସ କଲ ନାହିଁ କିମ୍ବା ତାହାଙ୍କ ରବରେ ମନୋଯୋଗ କଲ ନାହିଁ। 24ମୁଁ ତୁମ୍ଭମାନଙ୍କୁ ଜାଣିବା ଦିନଠାରୁ ତୁମ୍ଭେ ଆପଣା ପିତାଙ୍କ ବିରୁଦ୍ଧରେ ବିଦ୍ରୋହୀ ହୋଇ ଆସିଅଛ। 25ଏଣୁ ତୁମ୍ଭ ପିତା ତୁମ୍ଭକୁ ବିନାଶ କରିବେ ବୋଲି କହିଥିବାରୁ, ମୁଁ ସେହି ଚାଳିଶ ଦିନ ଓ ଚାଳିଶ ରାତ୍ରି ତୁମ୍ଭ ପିତାଙ୍କ ସମ୍ମୁଖରେ ଉବୁଡ଼ ହୋଇ ପଡ଼ି ରହିଲି। 26ପୁଣି ମୁଁ ତୁମ୍ଭ ପିତାଙ୍କ ନିକଟରେ ପ୍ରାର୍ଥନା କରି କହିଲି, “ହେ ମୋହର ସର୍ବାଧିପତି ପିତା, ତୁମ୍ଭେ ଆପଣା ମହିମା ଦ୍ଵାରା ମୁକ୍ତ କରି ବଳବାନ ହସ୍ତ ଦ୍ଵାରା ମିସରରୁ ବାହାର କରି ଆଣିଥିବା ତୁମ୍ଭ ଲୋକ, ତୁମ୍ଭ ଅଧିକାରସ୍ଵରୂପ ଏହି ଲୋକମାନଙ୍କୁ ବିନାଶ କର ନାହିଁ। b b v26 ମୋଶା ଆମ୍ଭମାନଙ୍କ ପିତାଙ୍କ ସମ୍ମୁଖରେ ଉବୁଡ଼ ହୋଇ ପଡ଼ି, ଯେଉଁ ଲୋକମାନଙ୍କୁ ସେ ନିଜେ ଉଦ୍ଧାର କରି ପାରିଲେ ନାହିଁ, ସେମାନଙ୍କ ନିମନ୍ତେ ନିବେଦନ କରନ୍ତି — ଏହା ସେହି ମହାନ୍ ମଧ୍ୟସ୍ଥ ଯୀଶୁଙ୍କର ଏକ ଛାୟା, ଯେ ଆମ୍ଭମାନଙ୍କ ପିତା ଓ ତାହାଙ୍କ ସନ୍ତାନମାନଙ୍କ ମଧ୍ୟରେ ଠିଆ ହୋଇ ସେମାନଙ୍କ ନିମନ୍ତେ ନିବେଦନ କରିବେ। 27ତୁମ୍ଭର ଦାସ ଅବ୍ରହାମ, ଇସ୍ହାକ ଓ ଯାକୁବଙ୍କୁ ସ୍ମରଣ କର। ଏହି ଲୋକମାନଙ୍କ ଶକ୍ତଗ୍ରୀବତା, ସେମାନଙ୍କ ଦୁଷ୍ଟତା ଓ ସେମାନଙ୍କ ପାପ ପ୍ରତି ଦୃଷ୍ଟି ଦିଅ ନାହିଁ। 28ନୋହିଲେ ତୁମ୍ଭେ ଯେଉଁ ଦେଶରୁ ଆମ୍ଭମାନଙ୍କୁ ବାହାର କରି ଆଣିଲ, ସେହି ଦେଶର ଲୋକମାନେ କହିବେ, ‘ପରମେଶ୍ଵର ସେମାନଙ୍କୁ ଯେଉଁ ଦେଶ ଦେବା ପାଇଁ ପ୍ରତିଜ୍ଞା କରିଥିଲେ, ସେଠାକୁ ସେମାନଙ୍କୁ ଆଣି ପାରିଲେ ନାହିଁ, ଆଉ ସେ ସେମାନଙ୍କୁ ଘୃଣା କଲେ, ଏଣୁ ପ୍ରାନ୍ତରରେ ସେମାନଙ୍କୁ ବଧ କରିବା ନିମନ୍ତେ ବାହାର କରି ଆଣିଲେ।’ 29କାରଣ ସେମାନେ ତ ତୁମ୍ଭର ଲୋକ ଓ ତୁମ୍ଭର ଅଧିକାର, ଯେଉଁମାନଙ୍କୁ ତୁମ୍ଭେ ଆପଣା ମହାପରାକ୍ରମ ଓ ବିସ୍ତାରିତ ବାହୁ ଦ୍ଵାରା ବାହାର କରି ଆଣିଲ।”
