Me basika na mukanda
Dibuku

Nzila yina bawu tambulaka

Moyize sonikaka konso kisika ya nzyetolo kubanda na Lamesese tii na bisobe ya Mowabe, kivwandu na kivwandu, ti kisika yina Aloni kufwaka. Na yina, ntumunu: beno sabuka Yolodani, beno kula bantu ya yinsi, beno bebisa biteki ya bawu mpe bisika ya bawu ya kuzangama, mpe beno kabula yinsi na zeke.

Tata ya beto ke zonza na bavese 51–56

Kapu 33.

Yayi ni bisika ya nzyetolo ya bana ya Isayeli ntangu bawu basikaka na Ngipiti, mutindu kele makanda ya bawu, na nsi ya maboko ya Moyize mpe Aloni. Moyize sonikaka bisika yina bawu katukaka, kisika na kisika, mutindu Tata ya beto tumisaka; yayi ni banzyetolo ya bawu mutindu kele bisika yina bawu katukaka. Bana ya Isayeli katukaka na mbanza Lamesese na kilumbu ya kumi na tanu ya ngonda ya ntete, kilumbu yina kwizaka na manima ya Paki. Bantu nyonso ya Ngipiti vwandaka kutala ntangu bawu basikaka na kimpwanza nyonso, ntangu bantu ya Ngipiti vwandaka na kuzika bana ya ntete ya bawu nyonso, yina Tata ya beto fwaka na kati ya bawu; mpe Tata ya beto pesaka ndola na banzambi ya bawu. Bana ya Isayeli katukaka na Lamesese, mpe bawu kwendaka sala kivwandu ya bawu na Sukote. Bawu katukaka na Sukote mpe bawu salaka kivwandu ya bawu na Etame, yina kele na ndilu ya yinsi ya kuyuma. Bawu bikaka Etame mpe bawu vutukaka na Pi-Ayilote, na esete ya Baale-Sefone. Bawu kwendaka sala kivwandu ya bawu na mantwala ya Mingedole. Katuka na ntwala ya kisika Ayilote, bawu sabukaka mubu tii kotaka na yinsi ya kuyuma. Na nsungi ya bilumbu tatu, bawu lutaka na kati ya yinsi ya kuyuma ya Etame, ebuna bawu salaka kivwandu ya bawu na Mala. Bawu bikaka Mala mpe bawu kumaka na Elime, kisika yina vwandaka na bamwila kumi na zole ya maza mpe banti ya maba makumi nsambwadi; ni kuna bawu kwendaka sala kivwandu ya bawu. Bawu katukaka na Elime mpe bawu kwendaka sala kivwandu ya bawu pene-pene ya mubu ya Sufe. a a v10 Yame Sufe ni nkumbu ya Kiebreo ya mubu yina bantu mingi ke zabaka bonso Mubu ya Mbwaki. Bawu katukaka na mubu ya Sufe mpe, na yinsi ya kuyuma ya Sine, bawu salaka kivwandu ya bawu. Bawu bikaka yinsi ya kuyuma ya Sine mpe bawu kwendaka sala kivwandu ya bawu na Dofeka. Bawu katukaka na Dofeka mpe bawu salaka kivwandu ya bawu na Aluse. Bawu bikaka Aluse mpe bawu salaka kivwandu ya bawu na Lefidime, kisika yina bantu vwandaka ve na maza ya kunwa. Bawu katukaka na Lefidime mpe, na yinsi ya kuyuma ya Sinayi, bawu salaka kivwandu ya bawu. Bawu bikaka yinsi ya kuyuma ya Sinayi mpe bawu kwendaka sala kivwandu ya bawu na Kibelote-Atava. Bawu katukaka na Kibelote-Atava mpe bawu salaka kivwandu ya bawu na Aselote. Bawu katukaka na Aselote mpe bawu salaka kivwandu ya bawu na Litema. Bawu katukaka na Litema mpe bawu salaka kivwandu ya bawu na Limone-Pelese. Bawu katukaka na Limone-Pelese mpe bawu salaka kivwandu ya bawu na Libena. Bawu katukaka na Libena mpe bawu salaka kivwandu ya bawu na Lisa. Bawu katukaka na Lisa mpe bawu salaka kivwandu ya bawu na Kelata. Bawu katukaka na Kelata mpe bawu salaka kivwandu ya bawu na mongo ya Sefele. Bawu bikaka mongo ya Sefele mpe bawu kwendaka sala kivwandu ya bawu na Yalada. Bawu katukaka na Yalada mpe bawu salaka kivwandu ya bawu na Makeyelote. Bawu katukaka na Makeyelote mpe bawu salaka kivwandu ya bawu na Tayate. Bawu katukaka na Tayate mpe bawu salaka kivwandu ya bawu na Tela. Bawu katukaka na Tela mpe bawu salaka kivwandu ya bawu na Miteka. Bawu katukaka na Miteka mpe bawu salaka kivwandu ya bawu na Asemona. Bawu katukaka na Asemona mpe bawu salaka kivwandu ya bawu na Moselote. Bawu katukaka na Moselote mpe bawu salaka kivwandu ya bawu na Bene-Yakane. Bawu katukaka na Bene-Yakane mpe bawu salaka kivwandu ya bawu na Ole-Ngindengade. Bawu katukaka na Ole-Ngindengade mpe bawu salaka kivwandu ya bawu na Yotebata. Bawu katukaka na Yotebata mpe bawu salaka kivwandu ya bawu na Abelona. Bawu katukaka na Abelona mpe bawu salaka kivwandu ya bawu na Esiyone-Ngebele. Bawu katukaka na Esiyone-Ngebele mpe, na yinsi ya kuyuma ya Sine yina kele Kadese, bawu salaka kivwandu ya bawu. Bawu bikaka Kadese mpe bawu salaka kivwandu ya bawu na mongo ya Ole, na ndilu ya yinsi ya Edome. Aloni nganga-Nzambi yulukaka na mongo ya Ole mutindu Tata ya beto tumisaka, mpe yandi fwaka kuna. Yawu vwandaka na mvula ya makumi yiya ya landaka ntangu bana ya Isayeli basikaka na yinsi ya Ngipiti, na ngonda ya tanu, na kilumbu ya ntete ya ngonda yina. Ntangu Aloni fwaka na mongo ya Ole, yandi vwandaka ti bamvula nkama mosi na makumi zole na tatu (123). Ntinu ya Alade, mu-Kaanani, yina vwandaka zinga na Nengeve ya Kaana, kuwaka ti bana ya Isayeli vwandaka kwiza. Bawu katukaka na mongo ya Ole mpe bawu kwendaka sala kivwandu ya bawu na Salemona. Bawu katukaka na Salemona mpe bawu kwendaka sala kivwandu ya bawu na Punone. Bawu katukaka na Punone mpe bawu kwendaka sala kivwandu ya bawu na Obote. Bawu katukaka na Obote mpe bawu kwendaka sala kivwandu ya bawu na Iye-Abalime, na ndilu ya Mowabe. Bawu katukaka na Iyime mpe bawu kwendaka sala kivwandu ya bawu na Dibone-Ngade. Bawu katukaka na Dibone-Ngade mpe bawu kwendaka sala kivwandu ya bawu na Alemone-Dibelatayima. Bawu katukaka na Alemone-Dibelatayima mpe bawu kwendaka sala kivwandu ya bawu na myongo ya Abalime, pene-pene ya Nebo. Bawu bikaka myongo ya Abalime mpe bawu kwendaka sala kivwandu ya bawu na mudimba ya Mowabe, na lweka ya Yolodani, na ntwala ya Yeliko. Na mudimba ya Mowabe, bawu salaka kivwandu ya bawu na lweka ya Yolodani; kivwandu yango bandaka na Bete-Yesimote tii na Abele-Sitime.

Tata ya beto tubaka na Moyize na mudimba ya Mowabe, pene-pene ya Yolodani, na ntwala ya Yeliko, mutindu yayi:

«Zonza na bana ya Isayeli mpe zabisa bawu: Ntangu beno ke sabuka Yolodani samu na kukota na ntoto ya Kaana. Beno bingisa bantu nyonso yina ke zinga na yinsi yina na mantwala ya beno. Beno bebisa biteki nyonso ya bawu mpe bifwani ya bawu ya bisengo, mpe beno bwisa bisika nyonso ya bawu ya zulu. Beno baka yinsi mpe beno zinga na kati ya yawu, samu ti mu me pesa beno yinsi yina samu na kubaka yawu. Beno kabula yinsi na kubula dzeke na kati ya makanda ya beno. Beno ke pesa kikunku ya kulutila nene na dikanda yina me lutila bantu, mpe kikunku ya kulutila fyoti na dikanda yina kele na bantu ndambu. Konso kisika yina dzeke ke bwa samu na muntu, yawu ke kuma ya yandi. Beno ke baka mvwilu mutindu kele bifumba ya bankooko ya beno.

«Kasi kana beno bingisa ve bantu yina ke zinga na yinsi na mantwala ya beno, bayina beno ke bika ke vwanda bayinti na meso ya beno mpe bansende na lweka ya beno, bawu ke pesa beno mpasi na yinsi yina beno ke zinga. Na manima, mu ke sala beno mutindu mu vwandaka na nsatu ya kusala bawu.»