Thalu 33 FHB Father's Heart Bible™

33 ¹Mamana mana ni bifulu bina bánanga bana ba Kiseledi mu nzila ya bawu bwosu bálubuka mu Ngiphiti, mu bimvuka bya bawu, mu koku kwa Moyize yi Loni. ²Moyize wásonika bifulu bina bákatuka mu nzila za bawu, bwosu káhana nzila Tata wetu; amana mamana mana ni nzila za bawu mu bifulu bina bákatuka. ³Bákatuka ku Lamesesi mu kilumbu kya kumi yi tanu kya ngonda ya theti, kilumbu kina kyálanda Phaki. Bana ba Kiseledi bálubuka yi kikesa, ku mesu ma bisi Ngiphiti boosu, ⁴muna tangwa dina, bisi Ngiphiti bakala zika bana ba bawu ba batsomi boosu, bana Tata wetu káhonda hakati dya bawu; amana Tata wetu wázenga mikanu ha thandu ya banzambi ba bawu. ⁵Bana ba Kiseledi bákatuka ku Lamesesi amana bánanga ku Sukoti. ⁶Bákatuka ku Sukoti amana bánanga ku Etami, kina kyenina ha kabeta ka tseki. ⁷Bákatuka ku Etami, bávutuka ku Phi-Hahiloti, ku malubwakidi ma Baala-Zefoni, amana bánanga ku thwala ya Migidoli. ⁸Bákatuka ku thwala ya Hahiloti, básabuka yanga, bákota mu tseki, amana bázyeta bilumbu bitatu mu tseki ya Etami, buna bánanga ku Mala. ⁹Bákatuka ku Mala amana bátula ku Elimi, kuna kwákala yi mabulu ma mamba kumi yi modi yi miti mya mbati makumi tsambwadi; mwamuna bánanga. ¹⁰Bákatuka ku Elimi amana bánanga bela-bela yi Yami-Sufi. ^a a v10 Yami-Sufi ni khumbu ya Kiebeleo ya mamba mana batu boosu bisi tela ni yanga dya mbuta dya Kabengi. ¹¹Bákatuka ku Yami-Sufi amana bánanga mu tseki ya Sini. ¹²Bákatuka mu tseki ya Sini amana bánanga ku Dofika. ¹³Bákatuka ku Dofika amana bánanga ku Alusi. ¹⁴Bákatuka ku Alusi amana bánanga ku Lefidimi, kuna batu bakalaku yi mamba ma kunwa. ¹⁵Bákatuka ku Lefidimi amana bánanga mu tseki ya Sinayi. ¹⁶Bákatuka mu tseki ya Sinayi amana bánanga ku Kibiloti-Hatava. ¹⁷Bákatuka ku Kibiloti-Hatava amana bánanga ku Hazeloti. ¹⁸Bákatuka ku Hazeloti amana bánanga ku Litima. ¹⁹Bákatuka ku Litima amana bánanga ku Limoni-Pelesi. ²⁰Bákatuka ku Limoni-Pelesi amana bánanga ku Libina. ²¹Bákatuka ku Libina amana bánanga ku Lisa. ²²Bákatuka ku Lisa amana bánanga ku Kehelata. ²³Bákatuka ku Kehelata amana bánanga ku mongu wa Shefeli. ²⁴Bákatuka ku mongu wa Shefeli amana bánanga ku Halada. ²⁵Bákatuka ku Halada amana bánanga ku Makheloti. ²⁶Bákatuka ku Makheloti amana bánanga ku Tahati. ²⁷Bákatuka ku Tahati amana bánanga ku Tela. ²⁸Bákatuka ku Tela amana bánanga ku Mitika. ²⁹Bákatuka ku Mitika amana bánanga ku Hasimona. ³⁰Bákatuka ku Hasimona amana bánanga ku Moseloti. ³¹Bákatuka ku Moseloti amana bánanga ku Bene-Yakani. ³²Bákatuka ku Bene-Yakani amana bánanga ku Holi-Hagidigadi. ³³Bákatuka ku Holi-Hagidigadi amana bánanga ku Yotibata. ³⁴Bákatuka ku Yotibata amana bánanga ku Abilona. ³⁵Bákatuka ku Abilona amana bánanga ku Ezioni-Gebeli. ³⁶Bákatuka ku Ezioni-Gebeli amana bánanga mu tseki ya Tsini, disongidila ni Kadesi. ³⁷Bákatuka ku Kadesi amana bánanga ku mongu wa Holi, ha kabeta ka tsi ya Edomi. ³⁸Loni, nganga Nzambi, wázanza ku mongu wa Holi bwosu káhana nzila Tata wetu, amana wáfwa mwamuna, mu mvula ya makumaya kunima dya bana ba Kiseledi kukatuka mu tsi ya Ngiphiti, mu ngonda ya tanu, mu kilumbu kyandi kya theti. ³⁹Loni kákala yi mvula khama mosi yi makumodi yi tatu tangwa káfwila ha mongu wa Holi. ⁴⁰Kyamvu wa Aladi, mwisi Kanana, wuna wákala zinga ku Negebi ya Kanana, wáyuka ni bana ba Kiseledi bakala kwisa. ⁴¹Bákatuka ku mongu Holi amana básema ku Zalimona. ⁴²Bákatuka ku Zalimona amana básema ku Punoni. ⁴³Bákatuka ku Punoni amana básema ku Oboti. ⁴⁴Bákatuka ku Oboti amana básema ku Iye-abalimi, kuna ndilu ya Mowabi. ⁴⁵Bákatuka ku Iyimi amana básema ku Diboni-ngadi. ⁴⁶Bákatuka ku Diboni-ngadi amana básema ku Alimoni-dibilataimi. ⁴⁷Bákatuka ku Alimoni-dibilataimi amana básema muna myongu mya Abalimi, bela-bela yi Nebo. ⁴⁸Bákatuka muna myongu mya Abalimi amana básema muna ndanda za Mowabi, kuna nzadi Yolutani ya Yediko. ⁴⁹Básema kuna nzadi Yolutani, tuka ku Beti-yesimoti tii yi kuna Abeli-sitimi, muna ndanda za Mowabi.

⁵⁰Tata wetu wázimbula kwena Moyize muna ndanda za Mowabi, kuna nzadi Yolutani ya Yediko, mu kuzonza:

⁵¹«Zimbula kwena bisi Kiseledi amana ubazimbwala: Muna tangwa lwasabuka nzadi Yolutani mu kukota mu tsi ya Kanana. ⁵²Lukulenu batu boosu bana bisi zinga mu tsi ku thwala ya benu; lubukisenu bifwanisu byosu bya bawu bya kutula yi biteki bya tsengo, amana luwulumunenu bifulu byosu bya bawu bya ha thandu. ⁵³Luvwenu tsi amana luzingenu muna yawu, mukuma yiluhekini tsi yina hanga luvwa yawu. ⁵⁴Lukabanenu tsi mu zeki hakati dya makanda ma benu—tsi ya lawu kwena kanda dya mbuta, ndambu yafyoti kwena kanda dya fyoti. Kwosu kuma zeki dyábwila kwena mutu, kina kyakala kya yandi. Lwakála vwa tsi mu kulandaka bikanda bya bakhaka benu.

⁵⁵«Kaasi yuka ni ka lukula batu bana bisi zinga mu tsi ku thwala ya benu ku, bana lwasisa bakála hanga minsonga mu mesu ma benu yi tsaku mu luseki lwenu, bisi luyangisa mu tsi yina lwazínga. ⁵⁶Amana yikála hanga kwena benu mana yayukani kuhanga kwena bawu.»