ዘኍልቍ 33

33 ¹እነዚህ እስራኤላውያን በሙሴና በአሮን እጅ በየጭፍራቸው ከግብፅ የወጡባቸው የጕዞ ምዕራፎች ናቸው። ²ሙሴም በአባታችን ትእዛዝ የጕዟቸውን መነሻ ስፍራዎች በየምዕራፉ ጻፈ፤ በመነሻ ስፍራዎቻቸውም የተጓዙባቸው ምዕራፎች እነዚህ ናቸው። ³በመጀመሪያው ወር በዐሥራ አምስተኛው ቀን ከፋሲካ በኋላ ባለው ቀን ከራምሴስ ተነሡ፤ እስራኤላውያንም በግብፃውያን ሁሉ ፊት በግልጥ በድፍረት ወጡ፤ ⁴ግብፃውያንም አባታችን በመካከላቸው የመታውን በኵር ሁሉ ይቀብሩ ነበር፤ አባታችንም በአማልክቶቻቸው ላይ ፍርድ አደረገ። ⁵የእስራኤል ልጆች ከራምሴስ ተነሥተው በሱኮት ሰፈሩ። ⁶ከሱኮትም ተነሥተው በምድረ በዳ ዳር ባለችው በኤታም ሰፈሩ። ⁷ከኤታምም ተነሥተው ከበኣል ጸፎን በስተ ምሥራቅ ወዳለችው ወደ ፒሃሒሮት ተመለሱ፤ በምግዶል ፊትም ሰፈሩ። ⁸ከሒሮት ፊትም ተነሥተው በባሕር መካከል አልፈው ወደ ምድረ በዳ ገቡ፤ በኤታም ምድረ በዳም ሦስት ቀን ተጕዘው በማራ ሰፈሩ። ⁹ከማራም ተነሥተው ወደ ኤሊም ደረሱ፤ በኤሊምም ዐሥራ ሁለት የውሃ ምንጮችና ሰባ የዘንባባ ዛፎች ነበሩ፤ በዚያም ሰፈሩ። ¹⁰ከኤሊምም ተነሥተው በያም ሱፍ አጠገብ ሰፈሩ። ^a a v10 ያም ሱፍ በተለምዶ ቀይ ባሕር ተብሎ ለሚታወቀው ውሃ የዕብራይስጥ ስም ነው። ¹¹ከያም ሱፍም ተነሥተው በሲን ምድረ በዳ ሰፈሩ። ¹²ከሲን ምድረ በዳም ተነሥተው በዶፍቃ ሰፈሩ። ¹³ከዶፍቃም ተነሥተው በአሉስ ሰፈሩ። ¹⁴ከአሉስም ተነሥተው በሬፊዲም ሰፈሩ፤ በዚያም ሕዝቡ የሚጠጣው ውሃ አልነበረም። ¹⁵ከሬፊዲምም ተነሥተው በሲና ምድረ በዳ ሰፈሩ። ¹⁶ከሲና ምድረ በዳም ተነሥተው በቂብሮት ሃታዋ ሰፈሩ። ¹⁷ከቂብሮት ሃታዋም ተነሥተው በሐጼሮት ሰፈሩ። ¹⁸ከሐጼሮትም ተነሥተው በሪትማ ሰፈሩ። ¹⁹ከሪትማም ተነሥተው በሪሞን ፋሬስ ሰፈሩ። ²⁰ከሪሞን ፋሬስም ተነሥተው በሊብና ሰፈሩ። ²¹ከሊብናም ተነሥተው በሪሳ ሰፈሩ። ²²ከሪሳም ተነሥተው በቀሄላታ ሰፈሩ። ²³ከቀሄላታም ተነሥተው በሼፈር ተራራ ሰፈሩ። ²⁴ከሼፈር ተራራም ተነሥተው በሐራዳ ሰፈሩ። ²⁵ከሐራዳም ተነሥተው በመቄሎት ሰፈሩ። ²⁶ከመቄሎትም ተነሥተው በታሐት ሰፈሩ። ²⁷ከታሐትም ተነሥተው በታራ ሰፈሩ። ²⁸ከታራም ተነሥተው በሚትቃ ሰፈሩ። ²⁹ከሚትቃም ተነሥተው በሐስሞና ሰፈሩ። ³⁰ከሐስሞናም ተነሥተው በሞሴሮት ሰፈሩ። ³¹ከሞሴሮትም ተነሥተው በብኔ ያዓቃን ሰፈሩ። ³²ከብኔ ያዓቃንም ተነሥተው በኮር ሐጊድጋድ ሰፈሩ። ³³ከኮር ሐጊድጋድም ተነሥተው በዮጥባታ ሰፈሩ። ³⁴ከዮጥባታም ተነሥተው በዓብሮና ሰፈሩ። ³⁵ከዓብሮናም ተነሥተው በዔጽዮን ጋብር ሰፈሩ። ³⁶ከዔጽዮን ጋብርም ተነሥተው በጺን ምድረ በዳ ሰፈሩ፤ እርሱም ቃዴስ ነው። ³⁷ከቃዴስም ተነሥተው በኤዶም ምድር ዳር ባለው በሖር ተራራ ሰፈሩ። ³⁸ካህኑ አሮንም በአባታችን ትእዛዝ ወደ ሖር ተራራ ወጣ፤ የእስራኤል ልጆች ከግብፅ ምድር ከወጡ በኋላ በአርባኛው ዓመት በአምስተኛው ወር በመጀመሪያው ቀን በዚያ ሞተ። ³⁹አሮንም በሖር ተራራ በሞተ ጊዜ ዕድሜው መቶ ሃያ ሦስት ዓመት ነበር። ⁴⁰በከነዓን ኔጌብ የሚኖረው የዓራድ ከነዓናዊ ንጉሥም እስራኤላውያን እንደሚመጡ ሰማ። ⁴¹ከሖር ተራራም ተነሥተው በጸልሞና ሰፈሩ። ⁴²ከጸልሞናም ተነሥተው በፊኖን ሰፈሩ። ⁴³ከፊኖንም ተነሥተው በኦቦት ሰፈሩ። ⁴⁴ከኦቦትም ተነሥተው በሞአብ ዳር ባለው በኢዬ ዓባሪም ሰፈሩ። ⁴⁵ከኢዪምም ተነሥተው በዴቦን ጋድ ሰፈሩ። ⁴⁶ከዴቦን ጋድም ተነሥተው በአልሞን ዲብላታይም ሰፈሩ። ⁴⁷ከአልሞን ዲብላታይምም ተነሥተው ከናቦ አጠገብ ባሉ በዓባሪም ተራሮች ሰፈሩ። ⁴⁸ከዓባሪም ተራሮችም ተነሥተው በኢያሪኮ አጠገብ በዮርዳኖስ ዳር በሞአብ ሜዳ ሰፈሩ። ⁴⁹በሞአብ ሜዳ በዮርዳኖስ ዳር ከቤተ የሺሞት እስከ አቤል ሺጢም ሰፈሩ።

⁵⁰አባታችንም በኢያሪኮ አጠገብ በዮርዳኖስ ዳር በሞአብ ሜዳ ሙሴን እንዲህ አለው፤

⁵¹“እስራኤላውያንን እንዲህ ብለህ ንገራቸው፤ ዮርዳኖስን ተሻግራችሁ ወደ ከነዓን ምድር ስትገቡ፣ ⁵²በምድሪቱ የሚኖሩትን ሁሉ ከፊታችሁ አስወጡ፤ የተቀረጹ ምስሎቻቸውንና የቀለጡ ምስሎቻቸውን ሁሉ አጥፉ፤ የኰረብታ ላይ ማምለኪያዎቻቸውንም ሁሉ አፍርሱ። ⁵³ምድሪቱን ወርሳችሁ በእርሷ ኑሩ፤ ትወርሷት ዘንድ ምድሪቱን ሰጥቻችኋለሁና። ⁵⁴ምድሪቱንም በየጎሣዎቻችሁ በዕጣ ተከፋፈሉ፤ ለበዛው ጎሣ ብዙ ርስት፣ ለጥቂቱ ጎሣ ጥቂት ስጡ። ዕጣው ለማንም በወደቀበት ስፍራ ያው የእርሱ ይሆናል። በአባቶቻችሁ ነገዶች ትወርሳላችሁ።

⁵⁵“ነገር ግን በምድሪቱ የሚኖሩትን ከፊታችሁ ባታስወጡ፣ ያስቀራችኋቸው በዐይኖቻችሁ እሾህ፣ በጎኖቻችሁም መውጊያ ይሆኑባችኋል፤ በምትኖሩባትም ምድር ያስቸግሯችኋል። ⁵⁶ያን ጊዜም በእነርሱ ላይ ላደርግ ያሰብሁትን በእናንተ ላይ አደርጋለሁ።”