ዘሑልቍ 33 FHB Father's Heart Bible™

33 ¹ደቂ እስራኤል ብኢድ ሙሴን ኣሮንን በብሰራዊቶም ካብ ግብፂ ዝወፁሉ ጕዕዞ ሰፈራት እዚኣቶም እዮም። ²ሙሴ ኸዓ ከምቲ ኣቦና ዝኣዘዞ፥ መበገሲኦም ከከም ሰፈራቶም ፀሓፎ፤ ሰፈራቶም ከከም መበገሲኦም ድማ እዚኣቶም እዮም። ³ኣብ መጀመርታ ወርሒ ኣብ መበል ዓሰርተ ሓሙሽተ መዓልቲ፥ ንፅባሕ ፋሲካ ኻብ ራምሴ ተልዓሉ፤ ደቂ እስራኤል ድማ ኣብ ቅድሚ ኵሎም ግብፃውያን ብፅንዕቲ ኢድ ወፁ፤ ⁴ግብፃውያን ከዓ ነቶም ኣቦና ካብኣቶም ዝቐተሎም ኵሎም በዅሪ ይቐብሩ ነበሩ፤ ኣቦና ድማ ኣብ ኣማልኽቶም ፍርዲ ፈፀመ። ⁵ደቂ እስራኤል ድማ ካብ ራምሴ ተልዒሎም ኣብ ሱኮት ሰፈሩ። ⁶ካብ ሱኮት ተልዒሎም ድማ ኣብ ኤታም ሰፈሩ፤ ንሳ ድማ ኣብ ወሰን ምድረ በዳ እያ ዘላ። ⁷ካብ ኤታም ተልዒሎም ድማ ናብ ፒሃሒሮት ተመሊሶም፥ ኣብ ምብራቕ በዓልፀፎን፥ ኣብ መንፅር ሚግዶል ሰፈሩ። ⁸ካብ መንፅር ሒሮት ተልዒሎም ድማ ብማእኸል ባሕሪ ናብ ምድረ በዳ ተሳገሩ፤ ብምድረ በዳ ኤታም ኣቢሎም ድማ መንገዲ ሰለስተ መዓልቲ ተጕዒዞም ኣብ ማራ ሰፈሩ። ⁹ካብ ማራ ተጕዒዞም ናብ ኤሊም በፅሑ፤ ኣብኣ ዓሰርተ ኽልተ ዓይኒ ማይን ሰብዓ ኦም ተምርን ነበረ፤ ኣብኡ ኸዓ ሰፈሩ። ¹⁰ካብ ኤሊም ተልዒሎም ድማ ኣብ ጥቓ ያም ሱፍ ሰፈሩ። ^a a v10 ያም ሱፍ ማለት እቲ ብባሕሪ ኤርትራ ተባሂሉ ዝፍለጥ ማይ ዕዳጋ ዝሕብር ናይ እብራይስጢ ስም እዩ። ¹¹ካብ ያም ሱፍ ተልዒሎም ድማ ኣብ ምድረ በዳ ሲን ሰፈሩ። ¹²ካብ ምድረ በዳ ሲን ተልዒሎም ድማ ኣብ ዶፍቃ ሰፈሩ። ¹³ካብ ዶፍቃ ተልዒሎም ድማ ኣብ ኣሉሽ ሰፈሩ። ¹⁴ካብ ኣሉሽ ተልዒሎም ድማ ኣብ ራፊዲም ሰፈሩ፤ ኣብኡ ኸዓ እቲ ህዝቢ ዝሰትዮ ማይ ኣይነበሮን። ¹⁵ካብ ራፊዲም ተልዒሎም ድማ ኣብ ምድረ በዳ ሲና ሰፈሩ። ¹⁶ካብ ምድረ በዳ ሲና ተልዒሎም ድማ ኣብ መቓብር ህርፋን ሰፈሩ። ¹⁷ካብ መቓብር ህርፋን ተልዒሎም ድማ ኣብ ሓፄሮት ሰፈሩ። ¹⁸ካብ ሓፄሮት ተልዒሎም ድማ ኣብ ሪትማ ሰፈሩ። ¹⁹ካብ ሪትማ ተልዒሎም ድማ ኣብ ሪሞንፋሬስ ሰፈሩ። ²⁰ካብ ሪሞንፋሬስ ተልዒሎም ድማ ኣብ ልብና ሰፈሩ። ²¹ካብ ልብና ተልዒሎም ድማ ኣብ ሪሳ ሰፈሩ። ²²ካብ ሪሳ ተልዒሎም ድማ ኣብ ቄሄላታ ሰፈሩ። ²³ካብ ቄሄላታ ተልዒሎም ድማ ኣብ እምባ ሼፈር ሰፈሩ። ²⁴ካብ እምባ ሼፈር ተልዒሎም ድማ ኣብ ሓራዳ ሰፈሩ። ²⁵ካብ ሓራዳ ተልዒሎም ድማ ኣብ ማቄሎት ሰፈሩ። ²⁶ካብ ማቄሎት ተልዒሎም ድማ ኣብ ታሓት ሰፈሩ። ²⁷ካብ ታሓት ተልዒሎም ድማ ኣብ ታራ ሰፈሩ። ²⁸ካብ ታራ ተልዒሎም ድማ ኣብ ሚትቃ ሰፈሩ። ²⁹ካብ ሚትቃ ተልዒሎም ድማ ኣብ ሓሽሞና ሰፈሩ። ³⁰ካብ ሓሽሞና ተልዒሎም ድማ ኣብ ሞሴሮት ሰፈሩ። ³¹ካብ ሞሴሮት ተልዒሎም ድማ ኣብ ብኔያዕቃን ሰፈሩ። ³²ካብ ብኔያዕቃን ተልዒሎም ድማ ኣብ ሖርሃጊድጋድ ሰፈሩ። ³³ካብ ሖርሃጊድጋድ ተልዒሎም ድማ ኣብ ዮጥባታ ሰፈሩ። ³⁴ካብ ዮጥባታ ተልዒሎም ድማ ኣብ ዓብሮና ሰፈሩ። ³⁵ካብ ዓብሮና ተልዒሎም ድማ ኣብ ዔፅዮንጋብር ሰፈሩ። ³⁶ካብ ዔፅዮንጋብር ተልዒሎም ድማ ኣብ ምድረ በዳ ሲን፥ ንሳ ኸዓ ቃዴስ፥ ሰፈሩ። ³⁷ካብ ቃዴስ ተልዒሎም ድማ ኣብ እምባ ሆር፥ ኣብ ወሰን ምድሪ ኤዶምያስ ሰፈሩ። ³⁸ካህን ኣሮን ድማ ከምቲ ኣቦና ዝኣዘዞ ናብ እምባ ሆር ደየበ፤ ደቂ እስራኤል ካብ ምድሪ ግብፂ ምስ ወፁ፥ ኣብ መበል ኣርብዓ ዓመት፥ ኣብ ሓምሸይቲ ወርሒ፥ በታ ቐዳመይቲ መዓልቲ ኣብኡ ሞተ። ³⁹ኣሮን ኣብ እምባ ሆር ምስ ሞተ ወዲ ሚእትን ዕስራን ሰለስተን ዓመት ነበረ። ⁴⁰እቲ ኣብ ደቡባዊ ከነዓን ዝነብር ከነዓናዊ ናይ ዓራድ ንጉስ ድማ ደቂ እስራኤል ከም ዝመፁ ሰምዐ። ⁴¹ካብ እምባ ሆር ተልዒሎም ኣብ ፃልሞና ሰፈሩ። ⁴²ካብ ፃልሞና ተልዒሎም ኣብ ፉኖን ሰፈሩ። ⁴³ካብ ፉኖን ተልዒሎም ኣብ ኦቦት ሰፈሩ። ⁴⁴ካብ ኦቦት ተልዒሎም ኣብ ዒዬዓባሪም፥ ኣብ ወሰን ሞኣብ ሰፈሩ። ⁴⁵ካብ ዒዪም ተልዒሎም ኣብ ዲቦንጋድ ሰፈሩ። ⁴⁶ካብ ዲቦንጋድ ተልዒሎም ኣብ ዓልሞንዲብላታይም ሰፈሩ። ⁴⁷ካብ ዓልሞንዲብላታይም ተልዒሎም ኣብ ጎቦታት ዓባሪም፥ ኣብ ጥቓ ናባው ሰፈሩ። ⁴⁸ካብ ጎቦታት ዓባሪም ተልዒሎም ኣብ ጐልጐል ሞኣብ፥ ኣብ ፈለግ ዮርዳኖስ ኣብ ኢያሪኮ ሰፈሩ። ⁴⁹ኣብ ጐልጐል ሞኣብ፥ ኣብ ጥቓ ፈለግ ዮርዳኖስ፥ ካብ ቤትያሲሞት ክሳዕ ኣቤልሰጢም ሰፈሩ።

⁵⁰ኣቦና ንሙሴ ኣብ ጐላጕል ሞኣብ፥ ኣብ ፈለግ ዮርዳኖስ፥ መንፅር ኢያሪኮ ከምዙይ በሎ፦

⁵¹“ንደቂ እስራኤል ከምዙይ ኢልካ ንገሮም፦ ንስኻትኩም ንፈለግ ዮርዳኖስ ሰጊርኩም ናብ ምድሪ ከነዓን ምስ ኣተኹም፥ ⁵²ንዅሎም እቶም ኣብታ ምድሪ ዝነብሩ ካብ ቅድሜኹም ኣውፅእዎም፤ ንዅሉ ዝተቐርፀ ምስልታቶምን ብፍሲ ዝተሰርሐ ምስልታቶምን ኣጥፍኡ፥ ንዅሉ በረኽትታቶም ድማ ኣፍርሱ። ⁵³ነታ ምድሪ ውረስዋ ኣብኣውን ተቐመጡ፤ ነታ ምድሪ ንርስቲ ሂበኩም እየ እሞ። ⁵⁴ነታ ምድሪ በብዓሌትኩም ብዕፃ ተማቐልዋ፤ ነቶም ብዙሓት ብዙሕ ርስቲ፥ ነቶም ውሑዳት ከዓ ውሑድ ርስቲ ሃቡ። እቲ ዕፃ ንዝኾነ ሰብ ኣብ ዝወደቐ ቦታ፥ ንሱ ናቱ ይኹን። በብነገድ ኣቦታትኩም ክትወርሱ ኢኹም።

⁵⁵“ንነበርቲ እታ ምድሪ ካብ ቅድሜኹም እንተ ዘይኣውፃእኩምዎም ግና፥ እቶም እተትርፍዎም ኣብ ኣዒንትኹም መውጋእቲ፥ ኣብ ጎድንኹም ከዓ እሾዅ ክኾኑ እዮም፤ ኣብታ እትነብሩ ምድሪ ድማ ከጨንቑኹም እዮም። ⁵⁶ሽዑ ኸዓ ከምቲ ንኣኣቶም ክገብሮ ዝሓሰብክዎ፥ ንኣኻትኩም ክገብረኩም እየ።”