Indlela Abahamba Ngayo

UMoses ubhala phantsi lonke inqanaba lohambo ukusuka eRameses ukuya ezinkqantosini zakwaMowabhi, iminquba ngeminquba, kuquka apho uAron wafela khona. Kwaza kwavela umyalelo: welani iYordan, nigxothe abemi balo, nitshabalalise imifanekiso yabo neendawo zabo eziphakamileyo, nilabe ilizwe ngeqashiso.

Isahluko 33.

Ngazo ezi iihambo zoonyana bakaSirayeli, ekuphumeni kwabo ezweni laseYiputa ngokwemikhosi yabo, ngesandla sikaMoses no-Aron. UMoses wawabhala amanduluko abo ngokweehambo zabo, ngokomthetho kaBawo wethu; ngazo ke iihambo zabo ngokwamanduluko abo. Oonyana bakaSirayeli banduluka eRameses ngosuku lweshumi elinesihlanu lwenyanga yokuqala, ngengomso lepasika; baphuma ngesandla esiphakamileyo, bebonwa ngamaYiputa onke, lo gama amaYiputa engcwaba onke amazibulo awo, awawatyhayo uBawo wethu phakathi kwawo; nakoothixo bawo uBawo wethu wenza izigwebo. Banduluka oonyana bakaSirayeli eRameses, baya bamisa eSukoti. Banduluka eSukoti, baya bamisa e-Etam, enyeleni yentlango. Banduluka e-Etam, bajika baya ePi-hahiroti, ekuphumeni kwelanga kweBhahali-tsefon, baya bamisa phambi kweMigdoli. Banduluka phambi kweHahiroti, bacanda phakathi kolwandle besiya entlango, bahamba uhambo lweentsuku ezintathu entlango yase-Etam, baya bamisa eMara. Banduluka eMara, bafika e-Elim; apho kwakukho imithombo elishumi elinamibini yamanzi, nemithi yesundu eyayingamashumi osixhenxe; baya bamisa khona. Banduluka e-Elim, baya bamisa ngaseYam Suph. ^a Banduluka eYam Suph, baya bamisa entlango yaseSin. Banduluka entlango yaseSin, baya bamisa eDofeka. Banduluka eDofeka, baya bamisa e-Alushe. Banduluka e-Alushe, baya bamisa eRefidim; apho abantu babengenamanzi okusela. Banduluka eRefidim, baya bamisa entlango yaseSinayi. Banduluka entlango yaseSinayi, baya bamisa eKibroti-hatahava. Banduluka eKibroti-hatahava, baya bamisa eHatseroti. Banduluka eHatseroti, baya bamisa eRitema. Banduluka eRitema, baya bamisa eRimon-peretse. Banduluka eRimon-peretse, baya bamisa eLibhena. Banduluka eLibhena, baya bamisa eRisa. Banduluka eRisa, baya bamisa eKehelata. Banduluka eKehelata, baya bamisa entabeni yeShefere. Banduluka entabeni yeShefere, baya bamisa eHarada. Banduluka eHarada, baya bamisa eMakeloti. Banduluka eMakeloti, baya bamisa eTahati. Banduluka eTahati, baya bamisa eTara. Banduluka eTara, baya bamisa eMiteka. Banduluka eMiteka, baya bamisa eHashemona. Banduluka eHashemona, baya bamisa eMoseroti. Banduluka eMoseroti, baya bamisa eBhene-yahakan. Banduluka eBhene-yahakan, baya bamisa eHore-hagidegadi. Banduluka eHore-hagidegadi, baya bamisa eYotebhata. Banduluka eYotebhata, baya bamisa e-Abhrona. Banduluka e-Abhrona, baya bamisa e-Etsiyon-gebhere. Banduluka e-Etsiyon-gebhere, baya bamisa entlango yaseTsin, ekwayiKadeshe. Banduluka eKadeshe, baya bamisa entabeni yeHore, emdeni welizwe lakwaEdom. Wenyuka uAron umbingeleli waya entabeni yeHore ngokomthetho kaBawo wethu, wafela khona, ngomnyaka wamashumi omane wokuphuma koonyana bakaSirayeli ezweni laseYiputa, ngenyanga yesihlanu, ngosuku lokuqala enyangeni leyo. UAron ebeminyaka ilikhulu elinamashumi mabini anesithathu xa wafayo entabeni yeHore. Weva umKanan, ukumkani waseAradi, obehleli kwelasezantsi ezweni lakwaKanan, ukuba ayeza oonyana bakaSirayeli. Banduluka entabeni yeHore, baya bamisa iintente eTsalimona. Banduluka eTsalimona, baya bamisa iintente ePunon. Banduluka ePunon, baya bamisa iintente eObhoti. Banduluka eObhoti, baya bamisa iintente eIye-abharim, emdeni wakwaMowabhi. Banduluka eIyim, baya bamisa iintente eDibhon-gadi. Banduluka eDibhon-gadi, baya bamisa iintente eAlimon-diblatayim. Banduluka eAlimon-diblatayim, baya bamisa iintente ezintabeni zeAbharim, kufuphi neNebho. Banduluka ezintabeni zeAbharim, baya bamisa iintente ezinkqantsoni zakwaMowabhi ngaseYordan, malunga neYeriko. Bamisa iintente ngaseYordan, bethabathela eBhete-yeshimoti, besa eAbhele-shitim, ezinkqantsoni zakwaMowabhi.

Wathetha uBawo wethu kuMoses ezinkqantsoni zakwaMowabhi ngaseYordan, malunga neYeriko, wathi:

Thetha koonyana bakwaSirayeli, uthi kubo: “Xa nithe nayiwela iYordan, naya ezweni lakwaKanan, nobagqogqa bonke abemi baloo lizwe phambi kwenu; noyitshabalalisa yonke imifanekiso yabo eqingqiweyo, nemifanekiso yabo etyhidiweyo, nizidilize zonke iziganga zabo. Nolidla ilifa ilizwe, nihlale kulo, kuba ndininike ilizwe ukuba nilidle. Niya kulaba ilizwe libe lilifa ngeqashiso ngokwemizalwane yenu; isizwe esikhulu nisinika ilifa elikhulu, esincinane nisinike ilifa elincinane. Apho iqashiso liphumela khona komnye, loba lelakhe; nodla ilifa ngokwezizwe zooyihlo.

“Ke ukuba anithanga nibagqogqe abemi baloo lizwe phambi kwenu, abo nobashiyayo baya kuba ziimviko emehlweni enu, babe ngameva emacaleni enu, banikhathaze ezweni enihleli kulo. Ndiya kwandula ke ukwenza kuni oko ndandicinga ukukwenza kubo.”