Gitukod sa atong Amahan ang Panimalay ni David
Gitukoran ni Hiram si David og palasyo, midaghan ang iyang pamilya, ug ang mga Filistihanon miadto sa pagpangita sa bag-ong gidihogan nga hari. Makaduha si David nangutana una sa atong Amahan; makaduha siya gitubag, ug sa ikaduha gisultihan nga maghulat sa tingog sa pagmartsa sa ibabaw sa mga kahoy.
14 1Nagpadala si Hiram nga hari sa Tiro ug mga mensahero ngadto kang David, uban ang mga troso nga sedro, mga mason, ug mga panday, aron pagtukod alang kaniya ug usa ka balay. 2Nahibalo si David nga ang atong Amahan naghimo kaniya nga hari sa Israel, kay ang iyang gingharian gibayaw sa kahitas-an tungod ug alang sa iyang katawhan nga Israel.
3Ug midugang si David ug mga asawa sa Jerusalem, ug nakaanak pa siya ug daghang mga lalaki ug babaye. 4Mao kini ang mga ngalan sa mga anak nga nangatawo kaniya sa Jerusalem: si Shammua, si Shobab, si Nathan, ug si Solomon, 5si Ibhar, si Elishua, si Elpelet, 6si Nogah, si Nepheg, si Japhia, 7si Elishama, si Beeliada, ug si Eliphelet.
Gibungkag sa atong Amahan ang mga Filistihanon
8Sa pagkadungog sa mga Filistihanon nga si David gidihogan nga hari sa tibuok Israel, mitungas silang tanan sa pagpangita kang David. Pagkadungog ni David, migula siya aron pagsugat kanila. 9Karon miabot na ang mga Filistihanon ug ilang gihasmagan ang Walog sa Refaim.
10Nangutana si David sa atong Amahan, “Motungas ba ako batok sa mga Filistihanon? Itugyan mo ba sila kanako?” Busa miingon kaniya ang atong Amahan, “Tungas, ug itugyan ko sila kanimo.”
11Mitungas sila sa Baal-perazim; didto sila gihampak ni David. Miingon si David, “Ang atong Amahan mibungkag sa akong mga kaaway pinaagi sa akong kamot sama sa baha nga mibuhagay.” Busa ginganlan nila kadtong dapita ug Baal-perazim. a a v11 Ang Baal-perazim nagkahulogan ug “ang Ginoo nga mibuhagay.” 12Ug gibiyaan sa mga Filistihanon ang ilang mga dios-dios didto, ug nagmando si David, ug gisunog kini.
13Mihasmag na usab ang mga Filistihanon sa walog.
14Nangutana pag-usab si David sa atong Amahan, ug ang atong Amahan miingon, “Ayaw pag-apas kanila. Libuti sila ug sulonga gikan sa atbang sa mga kahoy nga balsam. 15Inigkadungog mo sa tingog sa pagmartsa sa tumoy sa mga kahoy nga balsam, nan gula ka ngadto sa gubat—kay ang imong Amahan nag-una na kanimo sa paghampak sa kasundalohan sa mga Filistihanon.”
16Gibuhat ni David ang gisugo kaniya sa atong Amahan, ug ilang gihampak ang kasundalohan sa mga Filistihanon gikan sa Gibeon ngadto sa Gezer. 17Ug mikaylap ang kabantog ni David sa tanang kayutaan, ug gihimo sa atong Amahan nga mangahadlok kaniya ang tanang kanasoran.
