آتامیز داوودون اِوئنی برقرار ادئر
خئرام داوودا بئر سارای تئکئر، عایئله‌سی چوخالیر و فئلئسطلی‌لر تزه مسح اولونان پادشاهی آختارماغا گلئرلر. داوود ائکی دفه اوّل آتامیزدان سوروشور؛ ائکی دفه ده جاواب آلیر و ائکئنجی دفه اونا دیئلئر کی، آغاج باشلاریندا قدم سَسلرئنی گؤزله‌سئن.
14 1صور پادشاهی خئرام داوودون یانینا قاصئدلر، سئدر آغاجلاری، داشچیلار و دولگرلر گؤندَ‌ردی کی، اونون اوچون بئر اِو تئکسئنلر. 2داوود بئلدی کی، آتامیز اونو ائسرایئلئن اوستونده پادشاه اتمئشدی، چونکی اونون پادشاهلیغی اؤز خالقی ائسرایئلئن خاطئرئنه اوجالدیلمیشدی.
3داوود اورشلئمده داها آروادلار آلدی و داها اوغوللار و قیزلار آتاسی اولدو. 4اورشلئمده اونا دوغولان اؤولادلارین آدلاری بونلاردیر: شَمّوعه، شوباب، ناتان، سولیمان، 5یئبخار، اِلئشوعَع، اِلئفِلِط، 6نوگَه، نِفِگ، یافئعَع، 7اِلئشاماع، بِعِلیاداع و اِلئفِلِط.
آتامیز فئلئسطلی‌لری یاریب کچئر
8فئلئسطلی‌لر داوودون بوتون ائسرایئلئن اوستونه پادشاه مسح اولوندوغونو اشئدنده، هامیسی داوودو آختارماغا چیخدیلار. داوود بونو اشئدئب اونلارین قاباغینا چیخدی. 9فئلئسطلی‌لر گلئب رِفاعئم دره‌سئنه هوجوم اتدئلر.
10داوود آتامیزدان سوروشدو: «فئلئسطلی‌لرئن اوستونه چیخیم؟ اونلاری منئم اَلئمه وره‌جکسن؟» آتامیز اونا ددی: «چیخ، اونلاری سنئن اَلئنه وره‌جه‌یم.»
11اونلار بَعَل‌پِراصئمه چیخدیلار و داوود اونلاری اورادا قیردی. داوود ددی: «آتامیز منئم اَلئمله دوشمنلرئمی سِلّئن یاردیغی کئمی یاریب کچدی.» بونا گؤره ده او یِرئن آدینی بَعَل‌پِراصئم قویدولار. a a v11 بَعَل‌پِراصئم «یاریب کچن رب» دئمکدئر. 12فئلئسطلی‌لر اؤز آللاهلارینی اورادا قویدولار و داوود امر وردی و اونلار اوددا یاندیریلدیلار.
13فئلئسطلی‌لر گئنه ده دره‌یه هوجوم اتدئلر.
14داوود گئنه ده آتامیزدان سوروشدو و آتامیز ددی: «اونلارین دالینجا چیخما. اونلارین آرخاسیندان دولانیب بالزام آغاجلارینین قاباغیندان اونلارین اوستونه گل. 15بالزام آغاجلارینین باشیندا قدم سَسی اشئدن کئمی، دؤیوشه چیخ، چونکی آتان فئلئسطلی‌لرئن قوشونونو وورماق اوچون سندن قاباغا چیخیب.»
16داوود آتامیزین اونا بویوردوغو کئمی اتدی و فئلئسطلی‌لرئن قوشونونو گئبعوندان گِزِره قدر قیردیلار. 17داوودون شؤهرتی بوتون اؤلکه‌لره یاییلدی و آتامیز بوتون مئلّتلری اوندان دهشته سالدی.
