१ इतिहास 14

14 ¹ सोराचा राजा हीराम याने दावीदाकडे संदेशवाहक पाठवले, आणि त्यांच्याबरोबर गंधसरूचे ओंडके, गवंडी व सुतार पाठवले, यासाठी की त्यांनी त्याच्यासाठी घर बांधावे. ² आमच्या पित्याने आपल्याला इस्राएलावर राजा केले आहे हे दावीदाला कळले, कारण त्याची प्रजा इस्राएल हिच्या हितासाठी त्याचे राज्य उच्च करण्यात आले होते.

³ आणि दावीदाने यरुशलेमेत आणखी स्त्रिया केल्या, आणि त्याला आणखी पुत्र व कन्या झाल्या. ⁴ यरुशलेमेत त्याला झालेल्या मुलांची नावे ही: शम्मूवा, शोबाब, नाथान व शलमोन, ⁵ इभार, अलीशूवा, एलपेलेट, ⁶ नोगह, नेफेग, याफीय, ⁷ अलीशामा, बेल्यादा व अलीफेलेट.

आमचा पिता पलिष्ट्यांना फोडून काढतो

⁸ दावीद सर्व इस्राएलावर राजा म्हणून अभिषिक्त झाला आहे असे पलिष्ट्यांनी ऐकले, तेव्हा ते सर्व दावीदाच्या शोधात वर चढून आले. दावीदाने हे ऐकले आणि तो त्यांना सामोरा जाण्यास बाहेर पडला. ⁹ आता पलिष्टी येऊन रेफाईमच्या खोऱ्यावर छापा घालून लुटालूट करत होते.

¹⁰ दावीदाने आमच्या पित्याला विचारले, “मी पलिष्ट्यांवर चढाई करू का? तू त्यांना माझ्या हाती देशील का?” तेव्हा आमच्या पित्याने त्याला सांगितले, “चढाई कर, मी त्यांना तुझ्या हाती देईन.”

¹¹ ते बाल-परासीमास वर गेले; तेथे दावीदाने त्यांना पराभूत केले. दावीद म्हणाला, “फुटून वाहणाऱ्या पुराप्रमाणे आमच्या पित्याने माझ्या हाताकरवी माझ्या शत्रूंना फोडून काढले.” म्हणून त्यांनी त्या ठिकाणाचे नाव बाल-परासीम ठेवले. ^a a v11 बाल-परासीम याचा अर्थ “फोडून बाहेर पडणारा परमेश्वर.” ¹² आणि पलिष्ट्यांनी आपली दैवते तेथे टाकून दिली, आणि दावीदाने आज्ञा दिली, तेव्हा ती जाळून टाकण्यात आली.

¹³ पुन्हा एकदा पलिष्ट्यांनी त्या खोऱ्यावर छापा घातला.

¹⁴ दावीदाने पुन्हा आमच्या पित्याला विचारले, आणि आमचा पिता म्हणाला, “त्यांच्यामागे वर जाऊ नकोस. त्यांना वळसा घालून, बाल्सामाच्या झाडांच्या समोरून त्यांच्यावर चाल कर.” ¹⁵ बाल्सामाच्या झाडांच्या शेंड्यांत कूच केल्याचा आवाज तुला ऐकू येईल, तेव्हा लढाईस बाहेर पड — कारण पलिष्ट्यांच्या सैन्यावर आघात करण्यासाठी तुझा पिता तुझ्यापुढे निघाला आहे.

¹⁶ आमच्या पित्याने आज्ञा दिल्याप्रमाणे दावीदाने केले, आणि त्यांनी गिबोनापासून गेजेरापर्यंत पलिष्ट्यांच्या सैन्याला पराभूत केले. ¹⁷ आणि दावीदाची कीर्ती सर्व देशांत पसरली, आणि आमच्या पित्याने सर्व राष्ट्रांना त्याचे भय वाटायला लावले.