1 நாளாகமம் 14

14 ¹தீரு பட்டணத்தின் ராஜாவாகிய ஈராம், தாவீதுக்கு ஒரு வீட்டைக் கட்டும்படி, கேதுரு மரங்களோடும் கல்தச்சரோடும் தச்சரோடும் தூதர்களை அவனிடத்திற்கு அனுப்பினான். ²எங்கள் பிதா தன்னை இஸ்ரவேலின்மேல் ராஜாவாக்கினார் என்று தாவீது அறிந்துகொண்டான்; ஏனெனில் அவருடைய ஜனமாகிய இஸ்ரவேலினிமித்தம் அவனுடைய ராஜ்யம் உயர்த்தப்பட்டது.

³தாவீது எருசலேமிலே இன்னும் அதிக மனைவிகளை விவாகம்பண்ணி, இன்னும் அதிக குமாரரையும் குமாரத்திகளையும் பெற்றான். ⁴எருசலேமில் அவனுக்குப் பிறந்த பிள்ளைகளின் நாமங்களாவன: சம்முவா, சோபாப், நாத்தான், சாலொமோன், ⁵இப்கார், எலிசூவா, எல்பேலேத், ⁶நோகா, நேப்பேக், யப்பியா, ⁷எலிசாமா, பெலியாதா, எலிபெலேத்.

எங்கள் பிதா பெலிஸ்தரை முறியடிக்கிறார்

⁸தாவீது இஸ்ரவேல் அனைத்தின்மேலும் ராஜாவாக அபிஷேகம்பண்ணப்பட்டான் என்று பெலிஸ்தர் கேள்விப்பட்டபோது, அவர்கள் எல்லாரும் தாவீதைத் தேடி வந்தார்கள்; தாவீது அதைக் கேட்டு, அவர்களை எதிர்கொள்ளப் புறப்பட்டான். ⁹பெலிஸ்தர் வந்து, ரெப்பாயீம் பள்ளத்தாக்கிலே பரவினார்கள்.

¹⁰தாவீது எங்கள் பிதாவினிடத்தில், “நான் பெலிஸ்தருக்கு விரோதமாகப் போவேனா? அவர்களை என் கையில் ஒப்புக்கொடுப்பீரா?” என்று கேட்டான். அதற்கு எங்கள் பிதா அவனை நோக்கி, “போ, அவர்களை உன் கையில் ஒப்புக்கொடுப்பேன்” என்றார்.

¹¹அவர்கள் பாகால்பிராசீமுக்குப் போனார்கள்; அங்கே தாவீது அவர்களை முறியடித்தான். அப்பொழுது தாவீது, “நீரானது புரண்டு உடைத்துக்கொண்டு போகிறதுபோல, எங்கள் பிதா என் கையினால் என் சத்துருக்களை முறியடித்தார்” என்றான். ஆகையால் அந்த ஸ்தலத்திற்குப் பாகால்பிராசீம் என்று பேரிட்டார்கள். ^a a v11 பாகால்பிராசீம் என்பதன் அர்த்தம் “உடைத்துப் புறப்படுகிற கர்த்தர்” என்பதாகும். ¹²பெலிஸ்தர் தங்கள் தேவர்களை அங்கே விட்டுவிட்டார்கள்; தாவீது கட்டளையிட, அவைகள் அக்கினியால் சுட்டெரிக்கப்பட்டன.

¹³பெலிஸ்தர் மறுபடியும் அந்தப் பள்ளத்தாக்கிலே பரவினார்கள்.

¹⁴தாவீது மறுபடியும் எங்கள் பிதாவினிடத்தில் விசாரித்தான்; அப்பொழுது எங்கள் பிதா, “அவர்கள் பின்னாலே போகாதே; அவர்களைச் சுற்றிவளைத்து, முசுக்கட்டைச் செடிகளுக்கு எதிரேயிருந்து அவர்கள்மேல் வா. ¹⁵முசுக்கட்டைச் செடிகளின் நுனிகளில் செல்லும் இரைச்சலைக் கேட்கும்போது, யுத்தத்திற்குப் புறப்படு; ஏனெனில் பெலிஸ்தரின் படையை முறியடிக்கும்படி உன் பிதா உனக்கு முன்னே புறப்பட்டிருக்கிறார்.”

¹⁶எங்கள் பிதா தனக்குக் கட்டளையிட்டபடியே தாவீது செய்தான்; அவர்கள் கிபியோன் தொடங்கிக் கேசேர்மட்டும் பெலிஸ்தரின் இராணுவத்தை முறியடித்தார்கள். ¹⁷தாவீதின் புகழ் எல்லா தேசங்களிலும் பரவிற்று; எங்கள் பிதா சகல ஜாதிகளுக்கும் அவனைப்பற்றிய பயத்தை உண்டாக்கினார்.