اول تواريخ 14 FHB Father's Heart Bible™

14 ¹د صور بادشاه حيرام داؤد ته قاصدان ولېږل، او د ديار د ونو لرګى، معمار او ترکاڼان يې ورسره ولېږل، چې هغۀ دپاره يو کور جوړ کړى. ²داؤد پوهه شو چې زمونږ پلار هغه د اِسرائيل بادشاه کړے دے، ځکه چې د هغۀ بادشاهى د هغۀ د قوم اِسرائيل دپاره اوچته کړے شوے وه.

³داؤد په يروشلم کښې نورې ښځې واړولې، او نور زامن او لوڼه يې پېدا شول. ⁴دا د هغو بچو نومونه دى چې په يروشلم کښې ورته پېدا شول: سموع، سوباب، ناتن او سليمان، ⁵اِبحار، اليسوع، الفلط، ⁶نوجه، نفج، يفيع، ⁷اليسمع، بعلياداع او اليفلط.

زمونږ پلار فلستيان مات کړل

⁸کله چې فلستيانو واورېدل چې داؤد د ټول اِسرائيل د بادشاه په توګه مسح کړے شوے دے، نو هغوئ ټول د داؤد په لټه کښې پورته راغلل. داؤد واورېدل او د هغوئ د مقابلې دپاره ووتو. ⁹فلستيان راغلى وُو او د رفائيم په دره کښې يې لوټ مار کړے وو.

¹⁰داؤد د زمونږ پلار نه پوښتنه وکړه، ”آيا زۀ د فلستيانو په خلاف لاړ شم؟ آيا تۀ به يې زما په لاس کښې راکړې؟“ نو زمونږ پلار ورته وفرمائيل، ”لاړ شه، او زۀ به يې ستا په لاس کښې درکړم.“

¹¹هغوئ بعل فراصيم ته پورته لاړل؛ داؤد هلته هغوئ ووهل. داؤد ووئيل، ”زمونږ پلار زما د لاس په وسيله زما دښمنان داسې مات کړل لکه راوړلے سيلاب چې هر څۀ وړى.“ نو هغو هغه ځائ بعل فراصيم ونوماوو. ^a a v11 د بعل فراصيم معنىٰ ”هغه مالِک چې راوباسى.“ ¹²فلستيانو خپل بتان هلته پرېښودل، او داؤد حُکم وکړو، نو هغه وسوزولے شول.

¹³فلستيانو يو ځل بيا په دره کښې لوټ مار وکړو.

¹⁴داؤد بيا د زمونږ پلار نه پوښتنه وکړه، او زمونږ پلار وفرمائيل، ”د هغوئ پسې مۀ ورپورته کېږه. د هغوئ نه چاپېره واوړه او د بلسان د ونو د مخامخ طرف نه پرې ور يرغل وکړه. ¹⁵کله چې تۀ د بلسان د ونو په سرونو کښې د ګرځېدو آواز واورې، نو جنګ دپاره ووځه، ځکه چې ستا پلار ستا نه مخکښې ووتو چې د فلستيانو لښکر ووهى.“

¹⁶داؤد هغه شان وکړل لکه زمونږ پلار چې ورته حُکم کړے وو، او هغوئ د فلستيانو لښکر د جبعون نه بيا تر جزر پورې ووهلو. ¹⁷د داؤد نوم په ټولو مُلکونو کښې خور شو، او زمونږ پلار ټول قومونه د هغۀ نه ووېرول.