د زمونږ پلار صندوق په سمه طريقه تيارول
داؤد بیا هڅه کوي، ځکه یې پوهېدلي چې ولې لومړۍ هڅې یو سړی ووژلو: یوازې لاویان د زموږ پلار صندوق پر خپلو اوږو وړي. دا ځل کار د قانون سره سم کېږي، له سندرغاړو او سازونو سره، او داؤد نڅا کوي — په داسې حال کې چې میکال له کړکۍ ګوري او په زړه کې یې سپکوي.
15 1داؤد د داؤد په ښار کښې د ځان دپاره کورونه جوړ کړل، د زمونږ پلار د صندوق دپاره يې ځائ تيار کړو او د دې دپاره يې يو خېمه ودروله. 2بيا داؤد ووئيل چې، ”د زمونږ پلار صندوق به يواځې لاويان اوچتوى، بل هيڅوک نه، ځکه چې زمونږ پلار هغوئ دې دپاره غوره کړل چې د هغۀ صندوق اوچت کړى او د تل دپاره د هغۀ خدمت وکړى.“
3داؤد ټول اِسرائيل په يروشلم کښې راجمع کړل، دې دپاره چې د زمونږ پلار صندوق هغه تيار شوى ځائ ته راپورته کړى. 4هغۀ د هارون اولاد او لاويان سره راجمع کړل: 5د قهاط د زامنو نه، مشر اوريئيل د خپلو ۱۲۰ خپلوانو سره؛ 6د مراري د زامنو نه، مشر عسايا د خپلو ۲۲۰ خپلوانو سره؛ 7د جرشوم د زامنو نه، مشر يوئيل د خپلو ۱۳۰ خپلوانو سره؛ 8د اليصفن د زامنو نه، مشر سمعياه د خپلو ۲۰۰ خپلوانو سره؛ 9د حبرون د زامنو نه، مشر اليئيل د خپلو اتيا خپلوانو سره؛ 10د عُزيئيل د زامنو نه، مشر عميناداب د خپلو ۱۱۲ خپلوانو سره.
11داؤد صادوق او ابياتر کاهنان او اوريئيل، عسايا، يوئيل، سمعياه، اليئيل او عميناداب لاويان راوغوښتل. 12هغۀ ورته ووئيل چې، ”تاسو د لاويانو د خاندانونو مشران يئ. خپل ځانونه، تاسو او خپلوان مو، پاک کړئ، دې دپاره چې د زمونږ پلار صندوق هغه ځائ ته راپورته کړئ چې ما د دې دپاره تيار کړے دے. 13ځکه چې تاسو هغه په اوله دفعه وا نۀ اوچتولو، نو زمونږ پلار په مونږ باندې قهر وکړو، ځکه چې مونږ د هغۀ لټون په سمه طريقه ونۀ کړو.“
14نو کاهنانو او لاويانو خپل ځانونه پاک کړل، دې دپاره چې د زمونږ پلار صندوق راپورته کړى. 15لاويانو د زمونږ پلار صندوق د دنډيو په وسيله په خپلو اوږو باندې واوچتولو، لکه څنګه چې موسىٰ د زمونږ پلار د کلام په مطابق حُکم ورکړے وو.
16داؤد د لاويانو مشرانو ته ووئيل چې خپل خپلوان د سندرو ويونکو په توګه مقرر کړى، چې په رباب، ستار او سنجونو باندې په خوشحالۍ سره خپل آوازونه اوچت کړى. 17نو لاويانو د يوئيل زوئ هيمان مقرر کړو؛ د هغۀ خپلوان د برکياه زوئ آساف؛ او د هغوئ خپلوان چې د مراري اولاد وو، د قوشاياه زوئ ايتان. 18او د هغوئ سره، د دوېم درجې خپلوان يې: زکرياه، يعزيئيل، سميراموت، يحيئيل، عُنى، اليآب، بنياه، معسياه، متتياه، اليفلهو، مقنياه، عوبيد اِدوم او يعيئيل، چې دروازه ساتونکى وُو. 19سندرغاړو هيمان، آساف او ايتان ته دا کار وو چې د کاسو سنج وغږوى؛ 20زکرياه، عزيئيل، سميراموت، يحيئيل، عُنى، اليآب، معسياه او بنياه ته دا کار وو چې د علاموت په مطابق ستار وغږوى؛ a a v20 علاموت د موسيقۍ يوه اصطلاح وه، چې ښائى په اوچت يا زيرى آواز باندې دلالت کوى. 21او متتياه، اليفلهو، مقنياه، عوبيد اِدوم، يعيئيل او عززياه ته دا کار وو چې د شمينيت په مطابق په رباب سره مشرى وکړى. b b v21 شمينيت (چې معنىٰ يې ’اتم‘ دے) د موسيقۍ يوه اصطلاح وه، چې ښائى په ټيټ يا بم آواز باندې دلالت کوى. 22کننياه، د لاويانو مشر، د سندرو انتظام يې په غاړه وو؛ هغۀ د موسيقۍ لارښوونه وکړله، ځکه چې هغه ماهر وو. 23برکياه او القاناه ته دا کار وو چې د صندوق دروازه ساتونکى وى. 24سبنياه، يهوسفط، نتنئيل، عماسى، زکرياه، بنياه او اليعزر کاهنانو ته دا کار وو چې د زمونږ پلار د صندوق په مخکښې شپيلۍ وغږوى؛ عوبيد اِدوم او يحياه د صندوق دروازه ساتونکى وُو.
25داؤد، د اِسرائيل مشران او د زرګونو سردارانو لاړل، دې دپاره چې د زمونږ پلار د لوظ صندوق د عوبيد اِدوم د کور نه په خوشحالۍ سره راپورته کړى. 26ځکه چې زمونږ پلار هغو لاويانو سره مدد وکړو چې د زمونږ پلار د لوظ صندوق يې اوچتولو، نو هغوئ اوۀ غويان او اوۀ ګډ قربان کړل. 27داؤد د ښۀ کتان جامه اغوستې وه، او همداسې ټولو لاويانو چې صندوق يې اوچتولو، سندرغاړو او کننياه چې د سندرو مشر وو؛ داؤد باندې د کتان افود هم اغوستل شوے وو. 28ټول اِسرائيل د زمونږ پلار د لوظ صندوق د خوشحالۍ په نارو، د سينګ په غږ، شپيلو او سنجونو سره راپورته کړو، او رباب او ستار يې غږول.
29کله چې د زمونږ پلار د لوظ صندوق د داؤد ښار ته ننوتلو، نو د ساؤل لور ميکال د کړکۍ نه وکتل. کله چې هغې داؤد بادشاه وليدو چې نڅا يې کوله او خوشحالى يې کوله، نو په خپل زړۀ کښې يې هغه سپک وګڼلو.
