Yɛn Agya Ma Dawid Fie Gyina Pintinn
Hiram si ahemfi ma Dawid, n'abusua dɔre, na Filistifo ba bɛhwehwɛ ɔhene foforo a wɔasra no ngo no. Mprenu Dawid kan bisa yɛn Agya; mprenu nyinaa ɔma no mmuae, na ne mprenu so no ɔka kyerɛ no sɛ ɔntwɛn nnyegyeeɛ a ɛte sɛ nantew wɔ nnua atifi.
Yɛn Agya kasa wɔ nkyekyɛmu ahorow 10, 14–15
14 1Tiro hene Hiram somaa abɔfo kɔɔ Dawid nkyɛn, na ɔde sida nnua ne nnwumfo a wɔde abo si adan ne nnuadwumfo kaa wɔn ho, sɛ wɔnsi fie mma no. 2Dawid huu sɛ yɛn Agya de no asi Israel so hene, efisɛ wama nʼahenni so ayɛ kɛse esiane ne nkurɔfo Israel nti.
3Na Dawid waree yerenom foforo bio wɔ Yerusalem, na ɔwoo mmabarima ne mmabea pii bio. 4Mmofra a wɔwoo wɔn maa no wɔ Yerusalem no din ni: Samua, Sobab, Natan ne Salomo, 5Ibhar, Elisua, Elpelet, 6Noga, Nefeg, Yafia, 7Elisama, Beeliada ne Elifelet.
Yɛn Agya Pae Filistifo Mu
8Bere a Filistifo tee sɛ wɔasra Dawid ngo sɛ Israel nyinaa so hene no, wɔn nyinaa foro kɔɔ sɛ wɔrekɔhwehwɛ Dawid. Dawid tee, na ɔfirii adi kɔhyiaa wɔn. 9Saa bere no, Filistifo no aba abɛtow ahyɛ Refaim Bon no so.
10Dawid bisaa yɛn Agya se, “Memforo nkɔko ntia Filistifo no anaa? Wobɛde wɔn ahyɛ me nsa anaa?” Enti yɛn Agya ka kyerɛɛ no se, “Foro kɔ, na mede wɔn bɛhyɛ wo nsa.”
11Wɔforo kɔɔ Baal-Perasim, na ɛhɔ na Dawid kunkum wɔn. Dawid kae se, “Yɛn Agya nam me nsa so apae mʼatamfo mu sɛ nsuyiri a ɛbubu hɔ.” Enti wɔtoo saa beae no din Baal-Perasim. a a v11 Baal-Perasim ase ne “Awurade a ɔpae mu.” 12Na Filistifo no gyaw wɔn anyame wɔ hɔ, na Dawid hyɛɛ mmara, na wɔhyew wɔn.
13Filistifo no san tow hyɛɛ bon no so bio.
14Dawid san bisaa yɛn Agya bio, na yɛn Agya kae se, “Nnforo nni wɔn akyi. Twa wɔn ho hyia, na fi balsam nnua no anim betow ahyɛ wɔn so. 15Sɛ wote nantew nnyigyei wɔ balsam nnua no atifi a, ɛno na fi adi kɔ ɔko—efisɛ wʼAgya adi wʼanim akɔ sɛ ɔrekɔkunkum Filistifo dɔm no.”
16Dawid yɛɛ sɛnea yɛn Agya hyɛɛ no no, na wɔkunkum Filistifo dɔm no fi Gibeon kosii Geser. 17Na Dawid din trɛw wɔ nsase nyinaa so, na yɛn Agya maa amanaman nyinaa suroo no.
