خئلقت دانیشیر
موسیقی رهبری اوچون. داوودون بئر مزمورو.
ائکی شاهئد، بئر یره بئرلَشمئش. گونش و گؤی سؤزسوز، یِر اوزونون اوجلارینا دانیشیرلار؛ سونرا آتامیزین شرئعتی آچیقجا دانیشیر، بال شانیندان آخان بالدان دا شئرئن. هر ائکئسئنی اشئدندن سونرا، مزمور یازان گؤره بئلمه‌دئیی تقصئرلردن تمئزلَنمه‌یی دیله‌یئر.
19 1گؤیلر آتامیزین جلالینی بیان ادئر؛ گؤی قوبّه‌سی اونون اَللرئنئن ائشئنی اعلان ادئر. 2گون گونون دالینجا اؤز سؤزلرئنی تؤکور؛ گجه گجه‌نئن دالینجا معرئفت بیلدئرئر. 3نه بئر دانیشیق وار، نه ده سؤزلر؛ اونلارین سسی هچ واخت اِشئدئلمئر. 4لاکئن اونلارین سسی بوتون یِر اوزونه یاییلیر، سؤزلری ده دونیانین اوجونا یِتئشئر. گؤیلرده او، گونش اوچون بئر چادیر قوروب، 5او، اؤز حَجله‌سئندن چیخان بَی کئمئدئر، اؤز یولونو قاچماغا سِوئنَن قهرمان کئمی. 6گؤیلرئن بئر اوجوندان دوغور، دؤورانی او بئری اوجونا چاتیر؛ اونون ائستئسئندن هچ بئر شی گئزلی قالماز.
7آتامیزین شرئعتی کامئلدئر، جانی تزه‌له‌یئر؛ آتامیزین شهادتی صادئقدئر، ساده آدامی عاغیلّی ادئر. 8آتامیزین قایدالاری دوزدور، اوره‌یه شادلیق ورئر؛ آتامیزین امری نورلودور، گؤزلری ائشیقلاندیریر. 9آتامیزین قورخوسو پاکدیر، ابدی‌دئر؛ آتامیزین حؤکملری دوغرودور، و هامیسی عادئلدئر. 10اونلار قیزیلدان داها چکئجی‌دئر، حتّا خالئص قیزیلدان دا؛ بالدان دا شئرئندئر، بال شانیندان آخان بالدان دا. 11اونلار سنئن قولونو خبردار ادئر؛ اونلاری ساخلاماق بؤیوک پاداش گتئرئر.
12کئم اؤز سهولرئنی آنلایا بئلر؟ منی گئزلی تقصئرلرئمدن تمئزله. 13قولونو قصدن اولان گوناهلاردان دا ساخلا؛ قویما اونلار منه آغالیق اتسئن. او واخت کامئل اولارام، بؤیوک عوصیاندان بری اولارام.
14آغزیمین سؤزلری و اوره‌یئمئن فئکری سنئن گؤزونده خوش گلسئن، ای آتام، قایام و قورتاریجیم.
