آتانین تعلئماتلاری
ائلئن بئرئنجی گونونده هر شی قورولور، مسح ادئلئب یرئنه قویولور، هارونلا اوغوللاری یویولوب گیئندئرئلئر. سونرا بولود چادیری اؤرتور و آتامیزین جلالی اونو اِله دولدورور کی، موسا ائچه‌ری گئره بئلمئر. بوندان سونرا نه واخت کؤچه‌جکلرئنه بولود قرار وئرئر.
40 1آتامیز موسایا دانیشیب ددی:
2«بئرئنجی آیین بئرئنجی گونونده خیمه‌نی، یعنی حوضور چادیرینی قور. 3شهادت ساندیغینی اونون ائچئنه قوی و آراکَسمه پرده‌سی ائله ساندیغی اؤرت. 4مئزی ائچه‌ری گتئر و اونون دوزولوشونو دوز؛ چیراقدانی ائچه‌ری گتئر و چیراقلارینی یاندیر. 5بوخور اوچون قیزیل قوربانگاهی شهادت ساندیغینین قاباغیندا قوی و خیمه‌نئن گئرئشئنه آراکَسمه‌نی قوی. 6یاندیرما قوربانگاهینی خیمه‌نئن، یعنی حوضور چادیرینین گئرئشی قاباغیندا قوی، 7بؤیوک لَیَنی حوضور چادیری ائله قوربانگاهین آراسیندا قوی و ائچئنه سو تؤک. 8حیطی اطرافا قور و حیطئن دروازاسیندا آراکَسمه‌نی آس.
9مسح یاغینی گؤتور و خیمه‌نی، اونون ائچئنده اولان هر شیله بئرلئکده مسح ات؛ اونو بوتون لوازئماتی ائله تقدئس ات، او موقدّس اولاجاق. 10یاندیرما قوربانی اوچون قورولان قوربانگاهی و اونون بوتون اشیالارینی مسح ات؛ قوربانگاهی تقدئس ات، قوربانگاه لاپ موقدّس اولاجاق. 11بؤیوک لَیَنی و اونون آلتلیغینی مسح ادئب تقدئس ات.
12سونرا هارونلا اوغوللارینی حوضور چادیرینین گئرئشئنه گتئر و اونلاری سو ائله یو. 13هارونا موقدّس پالتارلار گیئندئر، اونو مسح ادئب تقدئس ات کی، منه کاهئنلئک اتسئن. 14اونون اوغوللارینی گتئر و اونلارا خئرقه‌لر گیئندئر. 15آتالارینی مسح اتدئیئن کئمی اونلاری دا مسح ات کی، منه کاهئنلئک اتسئنلر. بو مسح اونلارا نسئلدن-نسئله ابدی بئر کاهئنلئک وره‌جک.»
16موسا، آتامیز اونا امر اتدئیی کئمی، هر شیی اتدی. 17خیمه، ائکئنجی ائلئن بئرئنجی آیینین ایلک گونونده قورولدو. 18موسا خیمه‌نی قوردو: آلتلیقلارینی قویدو، چَرچئوه‌لرئنی یرلشدئردی، دئرَکلرئنی قویدو و سوتونلارینی قالدیردی. 19چادیری خیمه‌نئن اوستونه سَردی و اونون اوستونه اؤرتویونو قویدو، نجه کی آتامیز موسایا امر اتمئشدی. 20شهادت لؤوحه‌لرئنی گؤتوروب ساندیغا قویدو، ساندیغین دئرَکلرئنی تاخدی و کفّاره قاپاغینی ساندیغین اوستونه قویدو. 21ساندیغی خیمه‌نئن ائچئنه گتئردی، آراکَسمه پرده‌سئنی آسدی و شهادت ساندیغینی اؤرتدو، نجه کی آتامیز موسایا امر اتمئشدی. 22مئزی حوضور چادیرینا، یعنی خیمه‌نئن شئمال سمتئنده، پرده‌نئن اشئیئنده قویدو، 23و چؤرکلری اونون اوستونده آتامیزین حوضوروندا دوزدو، نجه کی آتامیز موسایا امر اتمئشدی. 24چیراقدانی حوضور چادیرینا، مئزئن قارشیسیندا، خیمه‌نئن جنوب سمتئنده قویدو، 25و چیراقلاری آتامیزین حوضوروندا یاندیردی، نجه کی آتامیز موسایا امر اتمئشدی. 26قیزیل قوربانگاهی حوضور چادیرینین ائچئنده، پرده‌نئن قاباغیندا قویدو، 27و اونون اوستونده عطئرلی بوخور یاندیردی، نجه کی آتامیز موسایا امر اتمئشدی. 28سونرا خیمه‌نئن گئرئشئنده آراکَسمه‌نی قویدو. 29یاندیرما قوربانی اوچون قورولان قوربانگاهی خیمه‌نئن، یعنی حوضور چادیرینین گئرئشئنده قویدو و اونون اوستونده یاندیرما قوربانینی و تاخیل تقدئمئنی تقدئم اتدی، نجه کی آتامیز موسایا امر اتمئشدی. 30بؤیوک لَیَنی حوضور چادیری ائله قوربانگاهین آراسیندا قویدو و یوماق اوچون ائچئنه سو تؤکدو، 31موسا، هارون و اونون اوغوللاری اونونلا اللرئنی و آیاقلارینی یودولار. 32اونلار حوضور چادیرینا گئرنده و یا قوربانگاها یاخینلاشاندا یویونوردولار، نجه کی آتامیز موسایا امر اتمئشدی. 33خیمه‌نئن و قوربانگاهین اطرافیندا حیطی قوردو و حیطئن دروازاسیندا آراکَسمه‌نی قویدو. بله‌جه موسا ائشی قورتاردی.
اونون جلالی خیمه‌نی دولدورور
34اوندا بولود حوضور چادیرینی اؤرتدو و آتامیزین جلالی خیمه‌نی دولدوردو. 35موسا حوضور چادیرینین ائچئنه گئره بئلمه‌دی، چونکی بولود اونون اوستونه قونموشدو و آتامیزین جلالی خیمه‌نی دولدورموشدو. 36بولود خیمه‌نئن اوستوندن قالخاندا ائسرایئل اؤولادلاری یولا دوشوب اؤز سفرلرئنئن هر مرحله‌سئنده کؤچوردولر؛ 37آمّا اگر بولود قالخمیردیسا، قالخدیغی گونه کئمی یولا دوشموردولر. 38چونکی آتامیزین بولودو گوندوز خیمه‌نئن اوستونده، گجه ده اونون ائچئنده اود واردی و بو، اونلارین بوتون کؤچلری بویو بوتون ائسرایئل اِوئنه گؤرونوردو.
