2 ዜና መዋዕል 7

7 ¹ሰሎሞን ጸሎቱን በፈጸመ ጊዜ፣ እሳት ከሰማይ ወረደ፤ የሚቃጠለውን መሥዋዕትና መሥዋዕቶቹን በላ፤ የአባታችንም ክብር ቤቱን ሞላው። ²የአባታችን ክብር ስለሞላው፣ ካህናቱ ወደ አባታችን ቤት መግባት አልቻሉም። ³እስራኤላውያን ሁሉ እሳቱ ሲወርድና የአባታችንን ክብር በቤቱ ላይ ባዩ ጊዜ፣ በድንጋዩ ንጣፍ ላይ ፊታቸውን ወደ ምድር አድርገው ተንበረከኩ፤ አባታችንንም እያመለኩና እያመሰገኑ፣ “እርሱ ቸር ነው፤ ምሕረቱ ለዘላለም ይኖራል” አሉ።

⁴ከዚያም ንጉሡና ሕዝቡ ሁሉ በአባታችን ፊት መሥዋዕት አቀረቡ። ⁵ንጉሥ ሰሎሞን ሃያ ሁለት ሺህ በሬዎችንና መቶ ሃያ ሺህ በጎችን ሠዋ፤ ንጉሡና ሕዝቡ ሁሉ የአባታችንን ቤት ቀደሱ። ⁶ካህናቱ በየቦታቸው ቆሙ፤ ሌዋውያኑም ንጉሥ ዳዊት አባታችንን ለማመስገን የሠራቸውን የአባታችንን የሙዚቃ መሣሪያዎች ይዘው ቆሙ፤ ዳዊት በመሣሪያዎቹ አማካይነት በሚያመሰግንበት ጊዜ “ምሕረቱ ለዘላለም ይኖራልና” እያለ ያመሰግን ነበር። በፊታቸውም ካህናቱ መለከቶቹን ነፉ፤ እስራኤልም ሁሉ ቆመ።

⁷ሰሎሞንም በአባታችን ቤት ፊት ለፊት ያለውን የአደባባዩን መካከል ቀደሰ፤ የሠራው የናስ መሠዊያ የሚቃጠለውን መሥዋዕት፣ የእህል ቍርባንንና ስቡን ሊይዝ ስላልቻለ፣ የሚቃጠሉትንና የደኅንነት መሥዋዕቶችን ስብ በዚያ አቀረበ።

⁸በዚያም ጊዜ ሰሎሞን በዓሉን ሰባት ቀን አከበረ፤ ከሌቦ ሐማት ጀምሮ እስከ ግብፅ ወንዝ ድረስ የተሰበሰበ እጅግ ታላቅ ጉባኤ የሆነ እስራኤል ሁሉ ከእርሱ ጋር ነበር። ⁹የመሠዊያውን መቀደስ ሰባት ቀን በዓሉንም ሰባት ቀን ካከበሩ በኋላ፣ በስምንተኛው ቀን የመዝጊያ ጉባኤ አደረጉ። ¹⁰በሰባተኛውም ወር በሃያ ሦስተኛው ቀን፣ አባታችን ለዳዊት፣ ለሰሎሞንና ለሕዝቡ ለእስራኤል ስላደረገው መልካም ነገር ደስ ብሏቸውና በልባቸው ተደስተው ሕዝቡን ወደየቤታቸው አሰናበታቸው።

አባታችን ለሰሎሞን ተናገረ

¹¹ሰሎሞንም የአባታችንን ቤትና የንጉሡን ቤተ መንግሥት ፈጸመ፤ ሰሎሞን በአባታችን ቤትና በገዛ ቤቱ ለማድረግ በልቡ ያሰበውን ሁሉ በተሳካ ሁኔታ አከናወነ።

¹²ከዚያም አባታችን በሌሊት ለሰሎሞን ተገለጠለት፤ እንዲህም አለው፤ “ጸሎትህን ሰምቻለሁ፤ ይህን ስፍራ ለእኔ የመሥዋዕት ቤት እንዲሆን መርጫለሁ።

¹³“ዝናብ እንዳይዘንብ ሰማዩን ብዘጋ፣ ወይም ፌንጣ ምድሪቱን እንዲበላ ባዝዝ፣ ወይም በልጆቼ መካከል ቸነፈር ብሰድድ፣ ¹⁴ስሜ የተጠራባቸው ልጆቼ ራሳቸውን ቢያዋርዱ፣ ቢጸልዩ፣ ፊቴን ቢፈልጉ፣ ከክፉ መንገዳቸውም ቢመለሱ፣ እኔ ከሰማይ እሰማለሁ፤ ኀጢአታቸውንም ይቅር እላለሁ፤ ምድራቸውንም እፈውሳለሁ። ¹⁵አሁንም ዐይኖቼ ይከፈታሉ፤ ጆሮዎቼም በዚህ ስፍራ ለሚቀርበው ጸሎት ያደምጣሉ። ¹⁶አሁንም ስሜ በዚያ ለዘላለም እንዲኖር ይህን ቤት መርጬ ቀድሻለሁ፤ ዐይኖቼና ልቤም ሁልጊዜ በዚያ ይሆናሉ።

¹⁷አንተም፣ አባትህ ዳዊት እንደ ተመላለሰ በፊቴ ብትመላለስ፣ ያዘዝሁህን ሁሉ ብታደርግ፣ ሥርዓቴንና ፍርዶቼንም ብትጠብቅ፣ ¹⁸“አባትህ ከዳዊት ጋር ኪዳን እንዳደረግሁ፣ ‘የአንተ የሆነ ሰው ሁልጊዜ በእስራኤል ላይ ይገዛል’ ብዬ የመንግሥትህን ዙፋን አጸናለሁ።”

¹⁹“ነገር ግን ዘወር ብትሉ፣ የሰጠኋችሁን ሥርዓቴንና ትእዛዛቴን ብትተዉ፣ ሄዳችሁም ሌሎች አማልክትን ብታገለግሉና ብታመልኩ፣ ²⁰እስራኤልን ከሰጠኋቸው ምድሬ እነቅላቸዋለሁ፤ ለስሜ የለየሁትን ይህን ቤተ መቅደስ ከፊቴ አስወግዳለሁ፤ በአሕዛብ ሁሉ መካከልም ለምሳሌና ለመዘባበቻ አደርገዋለሁ።” ²¹እጅግ ከፍ ከፍ ያለው ይህ ቤት፣ በአጠገቡ የሚያልፍ ሁሉ ይደነግጣል፤ እንዲህም ይላል፤ “እግዚአብሔር ለዚህ ምድርና ለዚህ ቤት ይህን ለምን አደረገ?

²²ሰዎችም መልሰው እንዲህ ይላሉ፤ ‘እነርሱ ከግብፅ ምድር ያወጣቸውን እግዚአብሔርን፣ የአባቶቻቸውን አምላክ ትተው፣ ሌሎች አማልክትን ተከትለው፣ ሰግደውላቸውና አገልግለዋቸው ነበርና፤ ይህን ጥፋት ሁሉ በእነርሱ ላይ ያመጣባቸው ስለዚህ ነው።’ ”