Shoh shodlanadi
Nogʻmachilar rahbariga. Dovud zaburi.
Xalq hayot so'rab, uni olgan, mo'l barakalar bilan kutib olingan va oltin toj kiygan shohni nishonlaydi. Uning ishonchi o'z yutuqlariga emas, Otamizga tayanishga asoslangan; Uning qo'li shohga qarshi fitna qiluvchi har bir kishini topadi.
21 1Ey Otamiz, Sening qudrating bilan shoh shodlanadi; Sening najoting ila u naqadar quvonadi! 2Sen uning dilidagi orzusini berding va lablari Sendan soʻraganini undan ayamading. 3Chunki Sen uni moʻl barakalar bilan kutib olding; boshiga sof oltindan toj kiydirding. 4U Sendan hayot soʻradi, Sen esa unga ato etding — abadulabad uzoq umr. a a v4 Dovud naslidan boʻlgan shohga ato etilgan “abadulabad hayot” inʼomi oʻlim ushlab turolmagan tirilgan Shoh — Isoda oʻzining toʻla kamolotiga yetadi. 5Sening najoting tufayli uning shuhrati buyukdir; Sen unga ulugʻvorlik va haybat ato etasan. 6Darhaqiqat, Sen unga tuganmas barakalar ato etding va huzuringning quvonchi bilan uni shod etding. 7Chunki shoh Otamizga ishonadi; Oliy Zot Otamizning sodiq sevgisi tufayli u tebranmaydi.
8Qoʻling barcha dushmanlaringni tutib oladi; oʻng qoʻling sendan nafratlanganlarni ushlab oladi. 9Sen zohir boʻlganingda, ularni olovli oʻchoqday qilasan. Otamiz Oʻz gʻazabida ularni yutib yuboradi, Uning olovi esa ularni yeb bitiradi. 10Sen ularning naslini yer yuzidan yoʻq qilasan, farzandlarini inson zoti orasidan. 11Garchi ular senga qarshi yovuzlik oʻylab, fitna tuzsalar ham, hech narsaga erisholmaydilar. 12Chunki sen oʻqlaringni ularning yuziga qaratganingda, ularni orqaga qochirasan.
13Ey Otamiz, Sening qudrating bilan ulugʻlangin! Biz Sening kuch-qudratingni kuylab, madh etamiz.