Kedeo Nüshuta
Tsale kemeleoce. David chele.
Thümae kedeo nümo thi, pu tüso phu die züpü zo mika; kropü kelakeyi zü mükava mu suna müsa kede pira piyo süpü. Pu melü hi pü themu mhatho ceri mo vele ha Po lü rezhü zo, Pu bo-e pu ngomu metü tüpü süto.
21 1Ha Po, neko kekulü kedeo rechü tayo; neko kelakeyilü pü metü rethu shuta! 2Noe pü melü kemenyü khrü süta; mu pü mülü ncelü kecho thipü no müka tamote. 3Kekrelamori noe thejo kemenüko la pü züh tavota; noe suna müsa kede pira pü piyo süta. 4Pü ncelü kerhü kecho thita, mu noe pü khrü süta—tüso kecho, kechothe ba keyi thite. a a v4 David kedeo khrü "kerhü kechothe ba keyi thite"-o, saketae tüpü hokemo kephü merhüpü Kedeo Jisu lü pü tüzhü chu vato. 5Neko kelakeyi celü pü zapozale kemega zo; noe pü zapozale mu keku khrü süta. 6Süsü noe pü kechothe thejo tsü süta, mu neko presa nü la pü nüshu süta. 7Kekrelamori kedeo ha Po mülüyo; Kümürekrüpü keti va keho kekhrü celü, ha Po, pü thi redeva moto.
8Neko boe neko ngomu metü tüpü süto; neko zae neko metsü ketako tüpü süto. 9No mhüngo thi vori lize, süko me kümüre küthilü melü kügü bi thi süto. Ha Po pü lüdayolü süko müza vato, mu pü mee süko thüva vato. 10Noe cejü celü süko tsa müka vato, thüma kenekhü dolü süko nuneko sheri. 11Süko no yo mhakesu redeba mu kemethu thizori, uko thiyi hozo. 12Kekrelamori noe süko zü yo neko tsaküti thühe thi lize, noe süko chepo tala va thi süto.
13Ha Po, neko kekulü thi rekrü süte! Hakoe neko keku tsale thi mu chuto.
