Choba Olinda
Chia atbü thükenbou shanga. Dawideibü nyensang chia che.
Müt shuongei Choba to olinda, haoei langkei subüjakei hoba kua, haübü juongei hao to haüyokei hoba hon khunei khua hankukei. Haoeibü natenbü kho haoei himshuongeibü kümsilei thüka ki aying, lausikei seneibü Bou to natenbü thüka ki, haoeibü ikei hao khulimbo lapheishon kümbü müt pendou lelabü.
21 1O seneibü Abou, kaibü haua Choba olinda; kaibü khümenbüa hao aeibou phühenda! 2Nyi hao la haoeibü maangpon mangsühbü kua, hoba haoeibü sembungei subüjabü asenetkei. 3Aishanga nyi haübü juongei hao to haüyola loukei; nyi hon hinseibü khun haoeibü khua hankukei. 4Haoei nyi la langkei subüjakei, hoba nyi hao la kua—chalou lengbü ponpen thon akiko. a a v4 Dawid Choba la kubü “ponpen thon akiko langkei” kho, haibüei lapla athükbü, nyibou meimeibou Choba Jisua pena longda. 5Kaibü khümenbü haoeibü soneikangbü aeibou ki; nyi hao la hemaibü hoba yaangenbü kua. 6Maimaitham nyi hao la ponpen haülabü kua, hoba kaibü yobüa olinbüei hao maang haiko kümbei. 7Aishanga Choba seneibü Bou to natenda; Thükenbou seneibü Bou üeisanouei hao anyaakeitilabü.
8Kaibü ikei kaibü dangbou shuong pendou lelabü; kaibü mae ikei no to mangsenbü shuong laplabü. 9Nyi longjinei nyi haoen wan longbü wanang tegü yeitilabü. Seneibü Bouei haoeibü maangshata haoen suian aplabü, hoba haoeibü wanei haoen shemtilabü. 10Nyi haoeneibü thensilen kaodak ka mautilabü, haoeneibü shousi müt shuong yo ka. 11Haoenei no khulimbo amaibü huontisikei hoba ngühthang yenkei, haoen haükula athük. 12Aishanga nyi kaibü laujin haoeneibü thenyek aeto kipjinei, nyi haoen sepeijung ngaitilabü.
13O seneibü Abou, kaibü haua yaangentiashi! Künei kaibü hau shanga chia lauko nyensang kulabü.
