Raja Khushi Kore
Gana cholawa manuh karne. David laga ekta bhajan.
Manuh khan ekjon raja laga anondo kore jun jivon mangise aru pai loise, bisi asirbad pora tai ke lag paise aru tai ke sona laga mukut pindhai dise. Tar bhorsa tar nijor kaam uporte nohoi, kintu amar Pitri uporte biswas kora uporte ase, aru Tar hath pora tai laga biruddhe chal kora sob manuh ke bisari pabo.
21 1O amar Pitri, Apuni laga takot te raja khushi kore; Apuni laga udhar te tai kiman dangor anond kore! 2Apuni tar ke tar mon laga itcha dise, aru tar oth pora Apuni ke ki mangise eitu rukhi diya nai. 3Kilemane Apuni bisi asirbad loi kene tar ke lok paise; Apuni khati suna laga mukut tar matha te rakhise. 4Tai Apuni ke jivon mangise, aru Apuni tar ke eitu dise—hodai aru hodai nimite lamba din khan. a a v4 David laga raja ke diya “hodai aru hodai nimite jivon” laga uphar tu Jisu te puncha hoise, jun tu uthi juwa Raja ase, aru mrityu pora Tar ke dhori rakhibo para nai. 5Apuni laga udhar pora tar mohima dangor ase; Apuni tar uporte sundorta aru maha-mohima rakhi dise. 6Hosa bhi Apuni tar ke kitia bhi nakhotom hua asirbad khan dise aru Apuni laga hajiri laga anond pora tar ke khushi korise. 7Kilemane raja amar Pitri ke biswas kore; Sobse Uporte thaka Ekjon laga kitia bhi nakhotom hua morom pora, amar Pitri, tai hili najabo.
8Apuni laga hath pora Apuni laga sob dushman khan ke dhoribo; Apuni laga dyna hath pora Apuni ke ghin kora khan ke dhoribo. 9Apuni dikhai diya homoi te Apuni tarkhan ke juli thaka bhatti nisena koribo. Amar Pitri pora Tar khong te tarkhan ke gili dibo, aru Tar jui pora tarkhan ke khotom koribo. 10Apuni prithibi pora tarkhan laga bongsho khan ke khotom koribo, manuh jat majot pora tarkhan laga bacha khan ke. 11Jodibi tarkhan Apuni birodh te biya kaam bhabona kore aru ekta chalaki bonai, tarkhan safol hobo napare. 12Kilemane Apuni laga tir khan tarkhan laga mukh phale taan koriba homoi te, Apuni tarkhan ke piche ghurai dibo.
13Apuni laga takot te uccho hobi, O amar Pitri! Amikhan gana koribo aru Apuni laga sakti ke stuti koribo.