Rath khan nohoi, kintu Tar laga Naam
Gana cholawta nimite. David laga ekta bhajan.
Raja juddho te ulai jabole age te mondoli tai uporte prathona kore: tumi laga bhog khan monot rakhibi, tumi laga plan khan pura hobi, tumi laga mangi khan laga jowab dibi. Majote ghuri jai — dusra manuh khan rath aru ghora uporte biswas kore, kintu etu manuh khan amar Pitri laga nam uporte biswas kore.
20 1Dukh laga din te amar Pitri pora tumi ke jawab dibi; Jacob laga Isor laga naam pora tumi ke roksha koribi. 2Pobitro sthan pora Tar pora tumi ke modot pathabi, aru Zion pora tumi ke shokti dibi. 3Tumar sob daan khan Tar pora yaad koribi, aru tumar jolai diya bolidan ke khushi pora sabi. 4Tumar mon laga itcha tu tumi ke dibi, aru tumar sob bhabona khan purah kori dibi.
5Tumar poritran karone amikhan khushi pora hala koribo, aru amar Pitri laga naam te amikhan laga jhanda khan uthai dibo. Amar Pitri pora tumar sob binti khan purah koribi. 6Etiya moi jani ase je amar Pitri pora Tar abhishek kora jon ke bachai; Tar pobitro sorgo pora Tar dyna hath laga bachai diya shokti pora tar ke jawab diye. 7Kunba rath khan te biswas kore aru kunba ghora khan te, kintu amikhan amar Pitri laga naam te biswas kore. 8Tarkhan giri kene pore, kintu amikhan uthi kene mojbut khara hoi. 9Amar Pitri, raja ke bachai dibi! Amikhan mata homoi te amikhan ke jawab dibi.