Kailong aying, lausikei Haoeibü Nyen
Chia leiyeibü shanga. Dawideibü chia che.
Choba wapyoa alojinei, khonbü müt shuongei hao shanga welauda: kaibü lembü shuong damentishima, kaibü maangdak loushedtishima, kaibü khümenbü shuong jongaitishima. Jembü shaanga olinbü louda—atei kailong si koli to mailemda, lausikei habü müt shuongei seneibü Bou nyen to mailemda.
20 1Seneibü Bouei khonkubü chaloua ka to jongaishima; Jakob Mühghaüeibü nyenei ka to lapheishima. 2Haoei lemshang ka thuibü ka to hautishima, hoba Zion ka ka to haangngaitishima. 3Haoei kaibü lembü pendou damentishima hoba kaibü juokbü lembü to maangshikko chühshima. 4Haoei ka to kaibü maangdak kushima hoba kaibü lambü pendou loushedtishima.
5Senei kaibü khümenbü thüka olinyoko ngeklabü, hoba seneibü Bou nyena seneibü nisan shinglabü. Seneibü Bouei kaibü hibü pendou loushedtishima. 6Tou ngei seneibü Bouei haoeibü naangenko pienbü to khümenda dogo ngeda; haoei haoeibü saopobü khuthük ka, haoeibü mae ikbü khümenbü hauei hao to jongaida. 7Atei kailong to mailemda hoba atei koli to mailemda, lausikei senei seneibü Bou nyen to mailemda. 8Haoen khüpetko tuongda, lausikei senei pikei atopeiko kida. 9Seneibü Abou, Choba to khümenshi! Senei ngekjinei sen to jongaiashi.
