Mootichi in Gammada
Hogganaa faarfannaatiif. Faarfannaa Daawit.
Namoonni mootii jireenya kadhatee argate wajjin gammadu; eebba baay'eedhaan simatame, gonfoo warqeetiin gonfoomfame. Amanamni isaa seenaa mataa isaa irratti utuu hin taane Abbaa keenya amanuu irratti hundaa'a; harki isaa warra isatti shira xaxan hunda ni argata.
21 1Yaa Abbaa keenya, mootichi humna keetiin in gammada; fayyisuu keetiin akka malee in ililchaa! 2Fedhii garaa isaa isaaf kennite; waan hidhiin isaa si kadhate hin dhowwatin. 3Ati eebba baay'ee wajjin isa simatteetta; gonfoo warqee qulqulluu mataa isaa irra kaa'atte. 4Inni jireenya si kadhate, atis isaaf kennite; guyyaa dheeraa bara baraan. a a v4 Kennaan mootii Daawit «jireenya bara baraan» jedhu, Yesus mootii du'aa ka'e isa du'a'n qabachuu hin dandeenye sanaan guutummaatti in raawwata. 5Ulfinni isaa fayyisuu keetiin guddaa dha; ittisaa fi ulfina isa irratti in kennita. 6Dhugumaan eebba hin dhumne isaaf kennite; gammachuu fuula keetiin isa gammachiifte. 7Mootichi Abbaa keenya amana; jaalala hin dhumne Isa Hundumaa Ol-aanaa, Abbaa keenyaatiin, inni hin raafamu.
8Harki kee diinota kee hundumaa in qabata; harki kee mirgaa warra si jibban in qabata. 9Yeroo ati mul'attu isaan akka boolla ibiddaa bobba'u in taasifta. Abbaan keenya aariidhaan isaan in liqimsa, ibiddi isaas isaan in nyaata. 10Sanyii isaanii lafa irraa, ijoollee isaanii nama gidduudhaa in balleessita. 11Yoo isaan si irratti hamaa yaadanii shira hojjetan iyyuu, milkaa'uu hin danda'an. 12Yeroo ati xiyya kee fuula isaanitti qabsiistu, dugda isaanii akka deebi'an isaan in taasifta.
13Yaa Abbaa keenya, humna keetiin ol ka'i! Nu in faarfanna, humna kees in galateeffanna.
