پادشاه سوئنئر
موسیقی رهبری اوچون. داوودون مزمورو.
خالق حیات ائسته‌یئب آلان بئر پادشاه اوچون شادلیق ادر، او پادشاه کی بول برکتلرله قارشیلانیب و قیزیلدان تاجلا تاجلانیب. اونون گووَنجی اؤز عمل‌لرئنه دیئل، آتامیزا توکّول اتمه‌یه دایانیر، اونون الی ده اونون ضئدّئنه حئیله قوران هر کسی تاپاجاق.
21 1ای آتامیز، سنئن قووّتئنده پادشاه سِوئنَر؛ سنئن نئجاتیندا نه قدر جوشا گلئر! 2سن اونون اوره‌یئنئن آرزوسونو اونا وردئن و دوداقلارینین سندن ائسته‌دئیئنی کسمه‌دئن. 3چونکی سن بول برکتلرله اونون پئشوازینا گلدئن؛ باشینا خالئص قیزیلدان بئر تاج قویدون. 4او سندن حیات ائسته‌دی، سن ده اونا وردئن — ابددن ابده‌جک گونلرئن اوزونلوغونو. a a v4 داوود نسلئندن اولان پادشاهین «ابددن ابده‌جک حیات» عطاسی اؤز کامئللئیئنه عئسادا چاتیر، او دئرئلمئش پادشاه کی، اؤلوم اونو ساخلایا بئلمه‌دی. 5سنئن نئجاتینین واسئطه‌سی‌ائله اونون جلالی بؤیوکدور؛ اونا شؤوکت و عظمت ورئرسن. 6یقئن سن اونا سونسوز برکتلر عطا اتدئن و اؤز حوضوروندا اولان شادلیقلا اونو شاد اتدئن. 7چونکی پادشاه آتامیزا گووَنئر؛ اوجالاردا اولان آتامیزین صداقتلی محبّتی واسئطه‌سی‌ائله او ترپنمیه‌جک.
8سنئن الئن بوتون دوشمنلرئنی توتاجاق؛ صاغ الئن سندن نئفرت ادنلری یاخالایاجاق. 9سن گؤرونَنده اونلاری آلوولانان بئر کوره کئمی اده‌جکسن. آتامیز اؤز قضبئنده اونلاری اوداجاق، اونون اودو دا اونلاری یاندیریب یاخاجاق. 10سن اونلارین نسلئنی یر اوزوندن محو اده‌جکسن، اؤولادلارینی ائنسان اوغوللاری آراسیندان. 11گرچی سنئن ضئدّئنه شر قوروبلار و بئر حئیله دوزه‌لدئرلر، لاکئن باجارا بئلمزلر. 12چونکی سن اوخلارینی اونلارین اوزلرئنه نئشان آلاندا، اونلاری آرخا چِوئرمه‌یه مجبور اده‌جکسن.
13ای آتامیز، اؤز قووّتئنده اوجال! بئز سنئن قودرتئنی اوخویوب حمد اده‌جه‌یئک.
